17 jasta úsh aptada qalaı mıllıon teńge tabýǵa bolady?

Kásipkerlikke kelýi jaıly

Kásipkerlik salaǵa kelýime sebepshi bolǵan nárse — energetık. 7 jasymda energetık satyp alǵym keldi. Biraq aqsham bolmady. Al ata-anam energetık zıan dep qarajat bermedi. Bir nársege tyıym salsa sol zatty alǵyń keledi ǵoı. Solaı aqsha tabýdyń joldaryn izdedim. Osylaısha jeti jasymda vıdeokassetalar satyp bastadym. 11 jasymda oqýshylarǵa arnalǵan japsyrmalar (nakleıka) sattym. Biz tıpografıadan oqýshylarǵa unaıtyndaı túrli nusqalaryn basyp shyǵaryp qyzyqty jobalar jasadyq. Osydan keıin sharǵa kóshtim. Qalanyń parkterine baryp shardan ártúrli fıgýralar jasap sol jaqtaǵy otbasylarǵa sattym. Solaı satýmen aınalysyp júrgenmin. Bir kúni dostarymmen birge Shymbulaqqa barǵym keldi. Alaıda olarmen birge baratyndaı qaltamda aqsham joq. Al áke-sheshem maǵan sonshalyqty aqsha bere almady. Ne isterimdi bilmeı otyryp alyp qalaı aqsha tabýǵa bolatyndyǵyn oılandym. Oılana kele mıyma bir ıdeıa keldi. Meniń tehnıkalyq bilimim bar sáıkesinshe kompútermen jaqsy jumys isteı bilemin. Osy qabiletimdi paıdalanyp mektepterge baryp kompúterlerine baǵdarlama (programma) ornatyp beretindigimdi aıtyp qyzmetimdi usyndym. Solaı eń alǵash 30 000 teńgemdi jınap e-mail jiberilim (rassylka) jasadym. Solaı kúnder ótip 15 jasymda «18-ge tolǵanǵa deıin mıllıon tabamyn» dep aldyma maqsat qoıdym. Bıyl naýryz aıynda 17 jasymda 3 aptanyń ishinde 1,5 mln teńge taptym. Qalaı deseńiz, ınfomarketıngten arqyly. Infomarketıng — bul E-maıl jiberilim (rassylka) men seriktestiń taýaryn satýdyń qosyndysy. Men klıentter bazasyn jasap seriktesterdiń taýarlaryn MR-jiberilim (rassylka) boıynsha sattym. Oǵan qosa sol aralyqta «Iandeks.Dırekt», kontekstik jáne targetıngtik jarnamalar jasaýdy úırendim. Bul ınternet bıznes boldy. Óz-ózime jumys istedim. Men ol kezde JOO turmaq, áli mektepti bitirmegenmin. Bunyń bárin ǵalamtordan óz betimshe úırendim. Úıde otyryp alyp, telegram kanal ashyp, kýrstardy júktep alyp oqydym. Internet bıznes salasynda ózime kerekti daǵdylardy óz betimshe solaı úırendim.

Biraz ýaqyttan keıin tıpografıalyq qyzmetpen aınalysýdy sheshtim. Sonyń ishinde keń taraǵan — basyp shyǵarýmen aınalystym. Sebebi maǵan tıpografıa salasy unaıdy. Biz poster jasadyq, merekelerge arnalǵan bannerler basyp shyǵardyq. Syrtqy jarnamamen shuǵyldandyq. Aqsha tústi, biraq kóp emes edi. Kásip júrgizip otyrǵandyqtan «Atameken» jobasyna qatysyp kórýdi jón kórdim. Joba aıasynda bıznes jospar ázirlep, ony qalaı durys qurý kerektigin meńgerdik.

Speed digital agency veb-dızaın stýdıasy

Osy jaz aıynda Atamekenniń «Jas kásipker» baıqaýyna qatystym. Bul baıqaý jaıly ınstagramnan kórdim. Baıqaýǵa búkil Qazaqstan boıynsha 2000 jýyq adam qatysty. Eger memleket seniń shynymen de aqsha tapqyń keletinin kóretin bolsa onda saǵan aqsha bóledi. Men bul baıqaýda 505 000 tg kóleminde grant utyp aldym. Sol Atameken jobalarynyń birinde bilikti programmıst pen SMM mamanymen tanystym. Biz birigip Speed digital agency veb-dızaın stýdıasyn ashtyq. Men satylymǵa al olar ónimge jaýap beredi. Bul aqshany bıznesti damytý úshin jańa tehnıkalar alýǵa jumsaımyz. Ári qaraı da qol astyma qyzmetkerlerdi jaldap, klıentke kúshti effekt jasaý úshin jarnamaǵa kóp kóńil bólip, soǵan búdjetti jumsaýdamyn. Ataýyna toqtalsam, bizdiń kompanıanyń ustanymy bul — merzim, sondyqtan speed. Biz saıt, mobıldi qosymsha, telegram bot jasaımyz, saıtqa dızaın, kopıraıtıng qyzmetin usynamyz. Sonymen qatar kontekstik jáne targetıngtik jarnamamen de aınalysamyz.

Men klıentıerdi úsh tásilmen tartamyn. Birinshi kontekstik jarnama. Ekinshi targetıngtik jarnama. Al úshinshi ártúrli bıznes sheberlik saǵattary men semınarlar. Spıkerler óziń jaıly aıtýdy suraǵanda men ónimdi tanystyryp saıt jasaýmen aınalysatynymdy aıtamyn. Sonda 100 adamnyń ishinde mindetti túrde eki adam maǵan keledi.

Qıyndyqtary jaıly

Men tapsyrmany bólýdi úırenbedim. Jumysty menen artyq eshkim oryndamaıdy dep oılaıtynmyn. Biraq bir kezde sharshap eshnársege úlgermeıtinimdi túsindim. Sondyqtan qol astyma qyzmetkerler aldym. Óz isiniń mamany bolǵan adamdar bar, olar syrtynan kórinip turady. Biz kelisim-shart jasasqanda eń qıyny olardyń maǵan jumys isteıtindigin aıtý boldy. Maman óz jumysyn jaqsy isteı alǵanymen ónimdi ótkizip sata almady. Sondyqtan da frılansta kóp qarajat tappady. Al men adamdarmen baılanysyp kelise alamyn. Solaı biz-birimizdi taptyq. Qazirgi ýaqytta meniń kásibimdegi kedergiler — kompanıamnyń tanylmaǵandyǵy ǵana. Ázirge osy. Osy máseleni sheshý úshin ınstagramdy damytyp jatyrmyz.

Bıyl mektepti bitirdim. Ýnıversıtetke túspedim. Josparymda jumys isteý. Ázirge ýnıversıtetke tapsyrý josparymda joq. Tipti oılamaımyn da. Sebebi bilim berý júıesi eskirdi ásirese bıznes úshin eskirgen dep esepteımin. Eger ýnıversıtet bitirgen marketolog pen meni salystyratyn bolsa bizdiń aramyzda kádimgideı úlken aıyrmashylyq bar. Men praktıkpin ári sata alamyn. Bálkim, teorıany bilmeıtin shyǵarmyn. Biraq jumysta klıentke teorıa emes praktıka qajet.

«Búgin basqalar qalamaǵan nárseni jasasań, erteń basqalar súre almaıtyndaı ómir súresiń»

İsteýge qorqyp, ómir boıy ókingenshe istep kórip oǵan ókinbeý kerek. Búgin basqalar qalamaǵan nárseni jasasań, erteń basqalar súre almaıtyndaı ómir súresiń degen sóz bar ǵoı. Sol sóz maǵan kún saıyn motıvasıa beredi. Eń alǵashqy kitap ıaǵnı oqyǵannan keıin kásipker bolýǵa oı tastaǵan kitap Robert Kıosakıdiń «Baı áke, kedeı áke» eńbegi. Bul eńbek meniń ómirimdi ózgertti. Al eń súıikti kitabym «Vavılondaǵy eń baı adam». VQTeens kásipkerlik qaýymdastyǵyna kiremin. VQTeens — bul jas kásipkerlerge arnalǵan orta. Biz ár senbi saıyn trenıńte kezdesemiz. Naryqta bıznes trenerler kóp. Men VQTeens trenıńterine ǵana qatysamyn.

Oqýǵa keńes beremiz:

Sońǵy qońyraýǵa deıin baıyp úlgergen 7 oqýshy

Bolashaqqa josparym qarjylyq táýelsizdikte ómir súrý. Men úshin qarjylyq táýelsizdik degen ol meniń otbasym eshnárseden muqtajdyq kórmeıdi. Men spartalyq jaǵdaıda ósken bolsam, al meniń balam oqýy men damýy úshin qalaǵanynyń bárin ala alatyn bolady.

Qanıa Tabys