InfoHub Logo

Keń bolsyn qazaǵymnyń keregesi, ketpesin Alla bergen berekesi,
Alashtyń balasyna násip bolǵan, Qutty bolsyn NAÝRYZ merekesi!

Aqtyń molaıatyn, Jaryqtyń uzaratyn, Nurdyń molyǵatyn, Tirshiliktiń jańaratyn, Ómirdiń jańǵyratyn, Peıildiń túzeletin, Kóńildiń keńıtin kezeńi - naýryz meıramy qutty bolsyn!

*** *** *** ***

Kóktiń tynysyn tyńdap, jerdiń tamyryn basqan, turmys-tirshiligin tabıǵat-anamen tyǵyz baılanystyrǵan halqymyz Naýryzdy jańarý men jasampazdyqtyń bastaýy, yryc pen berekeniń arqaýy dep baǵalaǵan.

Olaı bolsa, Naýryz merekesi barshańyzǵa jańa jetistikter, molshylyq pen tatýlyq ákelsin. Tyshqan jyly el tynysh, týǵan jer aman bolyp, ár otbasynda shat kóńil, baqyt jáne bereke saltanat qursyn!

*** *** *** ***

Naýryz kóptegen halyqtardyń dástúrli meıramy retinde baǵzy zamandardan toılanyp keledi . Bul merekeniń dinge, ne bolmasa jekelegen ulttarǵa esh qatysy joq.

Adamzat ózin tabıǵattyń tól perzenti dep sanaıdy. Tabıǵattan  qudiretti ne bar deısiń. Adamdar tabıǵatqa táýeldi. Bizderge jaryq kún, keń dala, asqar taý, jasyl orman, aıdyn kól... syılaǵany úshin de onyń aldynda qaryzdarmyz.

Sol jaryqtyq tabıǵattyń túlep, jańaratyn shaǵy – osy Naýryz. Jer-ananyń toń keýdesi jibip, tas emshegi ııdi. Aspan deneleri eń bastapqy núktelerinde toǵysady. Kún men tún teńeledi. Jan-janýarlar tólderin órgizedi. Jer ústine tilmen aıtyp jetkizgisiz keremet bir shattyq ornaı qalady. Naýryz dep otyrǵanymyz, Jańa kún dep jar salatyn qýanyshymyz – osy.

Ózińiz oılańyzshy, barshamyzdy baýyryna basyp, sulýlyqqa, kórkemdilikke, tazalyqqa umtyldyryp otyrǵan Tabıǵatymyz jańarǵan, jaınaǵan, nurlanǵan sátten artyq Uly kún, aıaýly kún bar ma eken, sirá?!

Naýryz – jyldyń alǵashqy  kúni. Túpten kelgende, bizdiń naǵyz Jańa jylymyz osy Naýryz bolýy qajet...  Túbinde osy merekege kelýimiz kerek. Bul halqymyzdyń, táýelsizdigimizdiń eń negizgi tamyrynyń biri bolyp sanalady.

Tóbesi kórinip turǵan jaqsylyqty laıyqty qarsy alý, osyǵan máz-meıram ázirlenýdiń ózi ǵanıbet. Toıdyń bolǵanynan boladysy qyzyq. Toı bolǵandaı qandaı toı – Naýryz toıy!

Sanaýly kúnderden keıin Áz Naýryz dúnıe esigin ashady. Tarıh qoınaýyna taǵy bir jylymyz jol tartyp, taǵy bir jyl tabaldyryqtan attaıdy. Jańa kún tóńirekke nur-shapaǵatyn tógedi. Jer betine jaqsylyq uıalaǵan kúndi qarsy alaıyq.

*** *** *** ***

Jer-jahandy seri samalǵa ótkizip, jurttyń aýzyn aqqa jetkizip, nur tamshylaryn aıamaı tókkizip, qıyndyqtyń bárin keler jylǵa ótkizip, Samarqannyń kók tasyn eritip, altynkúrekpen jer júzin jibitip, tas júrekterdi meıirimmen úgitip, jeti qat jer astyna deıin balqytyp, jyl qustarynyń ánin shalqytyp, Jetisýǵa jasyldan kóılek kıgizip, Saryarqany samal jelge súıgizip, Alataýdyń tóbesinen kókke tıgizip, Qarataýǵa qut-berekeni úıgizip, jettiń be, áz-Naýryz!

Aq bulaqtardy aqtartyp, shyń-quzdardy shattanyp, tizbektep tyrnalardy, súıgizip syrǵalardy, shorshytyp balyqtardy, shapshytyp aryqtardy, terbeltip naz qaıyńdardy, tógiltip jaz jaıynda ándi, qazdardy qańqyldatyp, naızaǵaı jarqyldatyp, aıtyp ertegińdi, jaıyp jelkenińdi, jettiń be, áz-Naýryz!!!

*** *** *** ***

Sizderdi Ulystyń uly kúni – Naýryz meıramymen shyn júrekten quttyqtaımyn!

Naýryz – jyldyń basy, kún men túnniń teńeler shaǵy. Tamyryn tereńnen tartqan osynaý meıram – bereke men birliktiń. Tazalyq pen tatýlyqtyń tuǵyryn nyǵaıtyp, rıasyz shattyq pen qýanyshqa kenelter uly mereke.

Ár jyl saıyn jasampazdyǵy men qýaty artyp kele jatqan Elordamyzdyń ajary men aıbyny da osyndaı ıgi dástúrlerimizben asqaqtaı bermek. Barshańyzdyń denderińizge saýlyq, shańyraqtaryńyzǵa shattyq, otbasylyrańyzǵa amandyq, yrys pen yntymaq tileımin!

*** *** *** ***

Bul kún tirshiliktiń, dástúrli qundylyqtar aıasynda birigip, ıgilikti jańa bastaýlarǵa nıet bildirýdiń nyshany. Kúnniń alǵashqy nury árbir shańyraqqa baq bereke, ózara túsinistik pen bolashaqqa degen senimdilik ákelsin!

Qurmetti qazaqstandyqtar, denderińizge saýlyq, mol baqyt jáne jańa jeńister tileımiz!

Ortaq úıimiz – Qazaqstan Respýblıkasy gúldene bersin!

*** *** *** ***

Kún men tún teńelip, kóktem kúshin asyrǵan Uly kúnniń jerime, kúnim kókteı jaınaǵan! Ormanda qus saırady jalyndaǵan jastyqtaı Jasa Naýryz meıramy!

Aq tilek beıbitshilik aman bolsyn!
Elim, jurtym qadirli aman bolsyn!
Týǵandaı bir anadan jamaǵattar
Dostyqqa berik, myqty adal bolsyn!
Naýryz meıramy qutty bolsyn!
Ulys oń bolsyn! Aq mol bolsyn!
Qaıda barsaq jol bolsyn!
Uly halqym toq bolsyn!
Qaıǵy ýaıymy joq bolsyn!
Qýanyshtary kóp bolsyn!

*** *** *** ***

Táýelsiz memleketimizdiń qalyptasýymen birge Naýryz meıramy barlyq qazaqstandyqtar úshin jalpy halyqtyq súıikti merekesine aınaldy. Kóktemniń osy bir shaǵynda tabıǵat qana túlep qoımaı, qoǵamnyń yntymaǵy men birligin, beıbitshiligi men túsinistigin nyǵaıtatyn adam dalasynyń da jan-dúnıesi jańǵyra túsedi.

Naýryz – bul tek kóktemniń ǵana emes, bul eń áýeli izgilik pen jaqsylyqtyń meıramy. Ulystyń osy bir uly kúni jer betindegi qandy soǵystar, daý-janjaldar toqtatylyp, adamdar bir-birine degen ókpe-renishterin umytyp, keshirimge kelip, tatýlasyp, tabysa bilgen. Halqymyz mol dastarqanyn jaıyp, aq jarqyn kóńilmen júzdesip, dám tatysyp, ótken-ketkennen syr tartyp, barsha adam balasyna jaqsylyq, amanshylyq tilep, jastarǵa aq batalaryn bergen.

Qazaqstandaǵy júzdegen ult pen ulystardyń ókilderi bir-birimen tatý-tátti, berekeli ómir súrip jatyr. Áz Naýryzdyń adam balasyn izgilik pen syılastyqqa, yntymaqqa tárbıeleıtin tereńnen tartar ejelgi qasıetin biz barlyq qazaqstandyqtardyń boıyna darytýǵa, ony óz ómirimizdiń saltyna aınaldyrýǵa mindettimiz.

Bárińizdi kóktemniń jarqyn merekesi Naýryz meıramymen shyn júrekten quttyqtaımyn. Naýryz kúni oıǵa alǵan barlyq arman-murattaryńyz oryndalyp, úmitterińiz aqtalýǵa jazsyn! Ulystyń uly kúni qutty bolsyn!

*** *** *** ***

Kóne zamannan beri Naýryz sulýlyq pen jasampazdyqtyń, beıbitshilik pen kelisimniń sımvoly bolyp tabylady.

Kópultty Qazaqstan halqynyń óz múmkindikterine degen senimderi arta túsip, baı rýhanı muralary jarqyn bolashaq jolyndaǵy jarqyn isterine qýat bersin.

Qazaqstandyqtar úshin Naýryz – aıryqsha meıram. Bul kún qystyń sáti aıaqtalyp, barsha elimiz jańasha keıipke enetin kógildir kóktemniń kelgenin bildiredi.

Jańarý men jasarý kúni Sizderge baq-bereke, yrys-yntymaq ákelsin! Elimiz aman, jurtymyz tynysh bolyp, kórkeıe bereıik!

*** *** *** ***

Tórlet, Ulystyń kúni – áz-Naýryz! Ózińdi asyǵa kútken barsha halyq nıet-peıilin jaqsylyqqa baǵyshtaı otyryp, baqytty bolashaqqa nyq qadam basýda. Nurly Naýryz kelgende Samarqannyń kók tasy erip, kóktemniń jyly shýaǵymen týǵan jer tósinde áýelep ushqan qustar áýeni Ulystyń Uly kúnin pash etip, jer dúnıege beıbitshilik darytyp, qut-bereke ákeledi. Osyndaı danalyqtyń uly meıramy áz-Naýryz alty Alashtyń aq ordasy – Nur-Sultandy da mereılendiredi.

Tórlet, joǵary shyq, beıbitshilik pen dostyqtyń bastaýy bolǵan áz-Naýryz!

*** *** *** ***

Azamattyń aq tańy atqannan beri qaımana qazaqtyń qaı balasy bolsyn, Naýryz meıramynyń qadir-qasıetin jete túsinýde. Jalpy tepe-teńdik, izgilik pen jańarý úılesim tapqanda ǵana qut qonyp, bereke ornaıdy. Sondyqtan da Naýryz tabıǵat pen qoǵamnyń, adam men adamnyń, el men eldiń ara-qatynasyndaǵy tepe-teńdik zańyn saqtaıtyn bastaý bulaqtar men talanttardyń qaınar kózderiniń ashylýyna múmkindik týǵyzatyn sán-saltanatty mándi de sándi jáne maǵynaly mereke.

Tamashaǵa toltyryp tunyq tórdi,
Jetti, Naýryz, úkilep úmitterdi,
Barsha úıge baqyt bop, bereke bop,
Janarynan nur shashyp kúlip keldi.

*** *** *** ***

Adamdarǵa arman men adaldyq, al jastarǵa qushtarlyq pen sulýlyq syılaǵan Naýryz meıramy, mine, ár úıdiń tórine baqyt qusy bolyp qondy.

Naýryz – barsha qazaqstandyqtardyń ortaq toı-dýmany. Naýryz – dostyq pen erkindiktiń merekesi. Naýryz – salaýatty ómirdiń saltanaty. Naýryz – qańqyldap qazdar keletin, qyrlarda qyzǵaldaq búrshik atyp, Tabıǵat-Ana gúl kórpege oranatyn kóktem aıy.

Endeshe, tórlet, elimizge qut darytatyn Ulystyń Uly kúni áz-Naýryz!

*** *** *** ***

Shyn júrekten Naýryz meıramymen quttyqtaımyz! Kóktemgi kúnder Sizderge densaýlyq, tabys, qýanysh, bereke alyp kelsin! Árbir araılap atqan tań shapaǵat nuryn syılasyn! Ulys oń bolsyn, aq mol bolsyn!
 
Naýryz meıram júrekterge nur sepken,
Mańdaıymnan súıip jatyr kún kóktem.
Jaryǵyńmen, shýaǵyńmen Kún – Ana,
Alyp keldiń jer betine gúl kóktem.

*** *** *** ***

Ejelden jańarý men jasampazdyqtyń bastaýy, yrys pen berekeniń arqaýy bolǵan Áz-Naýryz qajyrly eńbekterińizge tolaǵaı tabystar ákelsin. El tynysh, týǵan jer aman bolyp, araılap atqan árbir tań shat kóńil, baqyt jáne bereke syılasyn. Aq mol, jyl yrysty bolsyn!

*** *** *** ***

Kóktem men jańarýdy aıshyqtaıtyn, yrys pen yntymaqtyń merekesi Naýryz qutty bolsyn! Sizderge jáne otbastaryńyzǵa ulys baq ákelsin, aq mol bolyp, jyl berekeli bolsyn!

*** *** *** ***

Araılap jetken áz Naýryz meıramymyz qutty bolsyn! Aq mol bolsyn, aqtarylǵan aq tilekter ońǵarylsyn. Sıyr jyly qazynaly, merekeli, berekeli jyl bolsyn. Orta tolsyn, qoıyn qýanyshqa kenelsin, yntymaq, birlik ajyramasyn. Denderińizge saýlyq, ómirde asqaraly tabystar, ıglik, baqyt tileımin!

*** *** *** ***

Sizdi jáne siz basqaryp otyrǵan ujymdy Ulystyń uly kúni – Naýryz merekesimen shyn júrekten quttyqtaımyz. Elimizdi órkendetýge, halqymyzdyń ál-aýqatyn jaqsartýǵa baǵyttalǵan alqymdy sharalardy júzege asyrýdaǵy qajyrly qyzmetińiz ár daıym tabysty bolyp, oıǵa alǵan barlyq arman, josparlaryńyz oryndalsyn.

*** *** *** ***

Ultymyzdyń mereıin ósirip, bar bolmysymyzdy aıshyqtaıtyn qasıetti – Naýryz merekesi elimizge, árbir otbasyna birlik pen qýanysh, qut-bereke, baqyt pen molshylyq ákelsin! Ulys oń bolsyn, aq mol bolsyn!

Sizderge degen shyn júrekten baqyt pen qut-bereke, beıbit ómir tilekterimizdi qabyl alyńyz. Biz ár kúnimiz ósý men damý úshin múmkindik týǵyzatyn, yrys-berekemiz nyǵaıǵan elde ómir súrip otyrmyz. Barlyq ıgilikti ister tabyspen aıaqtalyp, jemisti eńbek tek qana qýanysh ákelsin.

*** *** *** ***

Ulystyń uly kúni – Naýryz merekesi barshamyzǵa qutty bolsyn, baqyt ákelsin!

Tarıhı tamyry tereńge boılaǵan áz-Naýryz dana halqymyzda qaı kezde de eńsesi bıik eldiktiń irgesi sógilmes birliktiń, yrys pen yntymaqtyń merekesi bolyp kelgen.

Qazaqstan halqy úshin Naýryz meıramy – kóktem men jańarýdy aıshyqtaıtyn mereıi tasyǵan uly mereke. Naýryz - kóktemgi jańarýdyń, mahabbattyń, aq peıil men tatýlyqtyń merekesi. Ol - ótkendi saralap, bolashaǵymyzdy boljaıtyn erekshe kezeń.

Aq nıetpen ótkenge salaýat aıtyp, aq tilekpen jańa Naýryzdy qarsy alaıyq! Otanymyzǵa – bereke, halqymyzǵa – ıgilik, memleketimizge – molshylyq, al ár shańyraqqa baqyt pen shattyq tileımiz.

Elimiz órken jaıyp, Naýryz barshamyzǵa yntymaq pen sáttilik alyp kelsin!

*** *** *** ***

Shyǵys halyqtaryna ortaq úlken meıram Naýryz – birliktiń, tatýlyqtyń, izgiliktiń, baqyttyń merekesi sanalady. Olaı bolsa qurmetti qaýym, barlyqtaryńyzǵa tatýlyq, bereke-birlik tileımin. Ulystyń uly kúni elimizge, jerimizge qut-bereke ala kelsin. Ulys oń bolyp, árbir kúnimiz Naýryz kúnindeı shýaqty bolsyn!

*** *** *** ***

Kóne parsy tilinen qazaqsha aýdarǵanda «Jańa kún» degen maǵyna beretin Naýryz – jyl basy. Qystyń kóbesi sógilip, tirshilik ataýlyǵa jan bitip, jasaryp, jańaratyn, tabıǵat-álem kógerip, kókteıtin shaq.

Qystyń qyspaǵynan qutylyp, arqa-bas keńeıetin, meıram-shattyqqa keneletin osynaý jaıdarman shaqqa jetken árbir jandy shyǵystyń jańa jylymen quttyqtaımyn!

Naýryzdyń ózine tán saltyna baǵyna otyryp, árbirimiz ótken jylǵy ókpemizdi umytyp, tatýlasaıyq. Úlkenderdiń aq batasyn alyp, bir-birimizge izgi tilek aıtaıyq. Naýryzda aıtylǵan barlyq jaqsy tilek oryndalady dep jatady ǵoı, Naýryz barlyǵyńyzǵa qut ákelsin!

*** *** *** ***

Tabıǵat, jer-dúnıeniń jańaryp, jasanatyn kóktem mezgiliniń uly merekesi – Naýryz qutty bolsyn!
Ulys oń bolsyn,
Aq mol bolsyn,
Pále – jala jerge enip,
Qaıda barsa jol bolsyn! – dep burynǵy ata-babalarymyz bata jasap bet sıpaıdy eken. Budan artyq qandaı aq tileý bolýy múmkin! Ár otbasyna tynyshtyq, tatýlyq, bereke-birlik, baqyt tileımin!

*** *** *** ***

Sizderdi kele jatqan Ulystyń uly kúni – Naýryz meıramymen shyn júrekten quttyqtaımyn! Tek adamzat qana emes, tabıǵattyń da jasaryp, boı túzeıtin shaǵy – Ulystyń uly kúniniń barshamyz úshin joly da, jóni de bólek. «Týǵan aı – týraǵan etpen teń», áne-mine degenshe qar erip, jylǵalardan sý aǵyp, tabıǵat jasaryp, kóktemniń saýmal samalyna ilesip Naýryz da jetti. Amandyq-saýlyq, aq tilek, meımandostyq, adaldyq, molshylyq, jalpy ultymyzǵa tán tamasha salt-dástúrimen pash etiletin Naýryz meıramyn ózindik sán-saltanatymen, dýmandy toıymen, án-jyrymen qarsy alyńyzdar. Jastaryńyz uzaq, kóńilderiniz kóterińki, aspandaryńyz ashyq bolsyn.

*** *** *** ***

Barshańyzdy halqymyzdyń eń uly meıramy, adam balasy men tabıǵat ana qaıta jańǵyryp, túleıtin - áz Naýryzben shyn júregimnen quttyqtaımyn!

Kúlli shyǵys jurtyna ortaq mereke - Naýryzdyń tarıhy tym tereńde jatyr. Kún men tún teńeletin, yrysy mol mereke bizdiń jan-dúnıemizdi shýaqqa bóleıdi, oı-nıetimizdi taza arnaǵa burady. Bul keshirim men meıirimniń, úmit pen senimniń, izgilik pen túsinistiktiń merekesi. Bul kúni biz ótken jyly jasaǵan jumysymyzǵa esep berip, keleshekke jospar quramyz, táýelsiz elimizdiń órkendep, ósýi jolynda jańa bastamalarǵa negiz qalaımyz. Naýryzda aıtylǵan barlyq tilek qabyl bolady degen de nanym bar.

Qazirgi ýaqytta Naýryz jańa sıpatqa ıe boldy, ultyna, dinı senimine qaramastan Qazaqstandy mekendeıtin barlyq ulttar men ulystardyń ortaq merekesine aınaldy. Halyqtar arasyndaǵy dostyqty bekitýge, baýyrlastyq qarym-qatynastardyń nyǵaıýyna, ár ulttyń salt-dástúriniń qaıta jańǵyrýyna osy meıram úlken úlesin qosyp otyr.

Naýryz meıramy týǵan jer topyraǵyna qut-bereke ákelsin. Barshańyzǵa amandyq, saýlyq, dastarhandaryńyzǵa molshylyq tileımin!

*** *** *** ***

Naýryz qutty bolsyn! Bizdiń kóne jańa jylymyz baq-bereke ákelsin! Ulys oń bolsyn! Aq mol bolsyn! Qaıda barsa jol bolsyn! Qyzyr ata qoldasyn!

*** *** *** ***

Ulystyń uly kúni qutty bolsyn! Terezeńnen teńge, esigińnen evro kirip, jyl boıy úıiń dollarǵa tola bersin! Basyńnan baqyt, oıyńnan shabyt ketpesin!

*** *** *** ***

Naýryz amandyq, qýanysh, jaqsylyq ákelsin! Kóktem jylýy men ómir qýanyshyn tileımin! Myqty densaýlyq pen uzaq ómir, qushaq tolǵan gúl men yqylas tileımiz!

*** *** *** ***

Naýryz – bul ejelgi dástúr boıynsha Jańa jyldyń bastalýy ǵana emes, bul sonymen birge tańǵajaıyp kóktem merekesi, tabıǵattyń qaıta túlep, qaıta jańǵyrýy. Osy bir tabıǵat ana kógildir kóktemniń jyp-jyly shapaǵatymen jaınap turǵan sátte siz de zor qýanyshtarǵa bólengeısiz! Janyńyz kún nuryndaı jarqyrap, al kóńilińiz meıirimdilik pen mahabbat sezimderine tola bersin!

*** *** *** ***

Naýryzdy da amandyqpen qarsy alaıyq. Ulys oń bolsyn, aq mol bolsyn, qaıda barsań, jol bolsyn!

*** *** *** ***

Qurmetti dostar!

Sizderdi 22 naýryz Ulystyń Uly kúni Naýryz merekemizben barshańyzdy quttyqtaımyz!!! Jańa Jyl ot basymyzǵa jaqsylyq, dastarhanymyzǵa qut-bereke alyp kelsin!!! Jan uıanyzga tynyshtyk jáne bakyt tileımiz tabystaryńyzga jumystaryńyzga jemis tileımiz!

*** *** *** ***

Naýryz – jańarý men tazarý, mahabbat pen sulúlyq merekesi! Árqashan janyńyz izgi, kóńilińiz kóterińqi bolsyn!

*** *** *** ***

Kelesi Naýryzdy da amandyqpen qarsy alaıyq. Ulys oń bolsyn, aq mol bolsyn, qaıda barsań, jol bolsyn!

*** *** *** ***

Naýryz kóktemde keledi. Tabıǵat ózgeshe túrge enedi. Bul mereke ómirińizge jaqsy ózgeris ákelsin!

*** *** *** ***

Qurmetti ___________ !

Jer-dúnıeni jańartyp, kóktemdi erte keletin Ulystyń Uly kúni — Naýryz merekesi qutty bolsyn! Sizge jáne sizdiń januıanyzǵa shynaıy kóńilmen baqyt-bereke, ashyq aspan, ıgilik jáne aldaǵy jumysyńyzda tek shyǵarmashylyq tabys tileımiz.

*** *** *** ***

Shyǵys halyqtaryńa ortaq úlken meıram Naýryz — birliktiń, tatýlyqtyń, izgiliktiń, baqqyttyń merekesi sanalady. Olaı bolsa qurmetti qaýym, barlyqtaryńyzǵa tatýlyq, bereke - birlik tileımin. Ulystyń uly kúni elimizge, jerimizge qut-bereke ala kelsin. Ulys oń bolyp, árbir kúnimiz Naýryz kúnindeı shýaqty bolsyn! Ulystyń uly kúni qutty bolsyn!

*** *** *** ***

Barlyq Qazaqstandyqtardy kele jatyrǵan Ulystyń Uly kúni — Naýryz meıramymen Quttyqtaımyn! Jarqyn ómirdiń bastamasy bolyp sanalatyn osy kóktem merekesi Sizderge mol qýanysh pen baqyt alyp kelsin! Naýryz ár otbasynda kelisimniń, syılastyqtyń, qurmetpen súıispenshiliktiń dánekeri bolsyn!

---