InfoHub Logo

Taqyryby: Á dybysy men árpi
Daıarlyq toby
Sabaqtyń maqsaty:
Bilimdilik: á dybysy men onyń árip tańbasymen tanystyra kelip, oqýshylardy sózdiń, dybystyń mádenıetin saqtap, anyq taza sóıleýge úıretý;
damytýshylyq: estetıkalyq tárbıe bere otyryp, ádemi jazýǵa daǵydylandyrý;
tárbıelik: á dybysy bar sóz, sóılem quratyp, sózdik qoryn molaıtý.
Sabaqtyń túri: aralas sabaq
Ádis – tásilderi: túsindirmeli – mysaldy ádis, oı qozǵaý, baqylaý, oıyndar.
Kórnekiligi: besik, áldı qýyrshaq, Áje, Ásel. Sýretter átesh, áje. Saýat ashý, balapan dápteri, «Álippe kitaby».

Sabaqtyń barysy:
İ. Uıymdastyrý kezeńi:
İİ. Psıhologıalyq daıyndyq.
Araılap tań atty,
Altyn sáýle taratty.
Jarqyraıdy dalamyz.
Jarqyraıdy qalamyz.
Qaıyrly tań, balalar!
Qaıyrly tań, qonaqtar!

İİİ. Ótken sabaqty eske túsirý.
- Balalar, qazir qaı sabaq? (saýat ashý)
- Al, balalar, «Baýyrsaq» ertegisin bilemiz be?
- Bilemiz.
- Minekeı, balalar, baýyrsaq bizderden kómek surap kelip tur.
- Al bizdiń kómegimiz saýat ashý sabaǵynan alǵan bilimderimizben kómektesý.
- Baýyrsaǵymyzdy qoıan ustap alypty. Endi biz qoıannyń tapsyrmasyn oryndasaq baýyrsaqty jiberemin deıdi.
- Olaı bolsa baýyrsaqqa kómektesemiz be?
- Balalar ótken sabaqta qandaı dybyspen tanystyq.
- İ dybysy qandaı dybys.
- İ dybysy jýan aıtylyp tur ma, jińishke aıtylyp tur ma?
- İ dybysy bar sózderdi kim aıtady?
- Osy sózderdi kim býynǵa bóledi.
- İ dybysyna baılanysty kim jańyltpash aıtady?
- İ dybysyna baılanysty jumbaq aıtady?
- İ dybysyna baılanysty taqpaq kim biledi?

Tárbıeshi: Minekeı, balalar, biz baýyrsaqty qoıannan qutqardyq.
Sergitý sáti: İ i dybysyna baılanysty.
İl, il ilmeshek,
İri shardy úrlesek.
Renjıdi iniler
İ dybysyn bilmesek.

İÚ. Jańa sabaq:
- Balalar, baýyrsaqty qasqyr ustap aldy, endi qasqyr baýyrsaqty qutqarý úshin bizder qasqyrdyń tapsyrmasyn oryndaýymyz kerek?
- Myna sýrette kimdi, nelerdi kórip tursyńdar? Áje, átir, átesh.
- Balalar, áje, átir, átesh bul sózder qaı dybystan bastalyp tur?
- Á dybysynan (taqtaǵa Á árpin ilý).
- Balalar, Á dybysyn aıtý kezeńinde jaq keń ashylyp, ıek tómendeıdi. (Á dybysyn birneshe ret aıtqyzý).
Taqtamen jumys.
Áje, Áke, Álem, Árip sózderin oqytý, býynǵa bólý.
Oqýlyqpen jumys:
Sýretter: dári, áke, átesh.
Á dybysy sózdiń basynda, ortasynda kezdesedi. Dári sózin býynǵa bóleıik, 2 býyn, áke, 2 býyn, átesh 2 býyn. Sózde qansha daýysty dybys bolsa, sonsha býyn bolady.

Ú. Sergitý sáti.
- Balalar, sizder qasqyrdyń tapsyrmasyn oryndap, baýyrsaqty qutqardyńdar, endi Á dybysyna baılanysty sergip alaıyq.
Ájem, ákem ánimiz,
Árqashanda sánimiz.
Endi bildik ádemi,
Á - árpiniń mánin biz.

Úİ. Anagram.
Sharty: Balalar, endi baýyrsaqty aıý ustap tur, bizder baýyrsaqty aıýdan qutqarý úshin oıyn oınaımyz. Ol úshin geometrıalyq pishinder buryshyndaǵy sandardy týra sanaý retimen tusyndaǵy áripterden sóz oqý.

Úİİ. Dáptermen jumys.
- Á árpiniń baspa túrin jazyp úırenemiz. Qolymyzǵa qalam, qaryndashtarymyzdy alyp, aýada jazamyz. Taqtaǵa úlken, kishi árpin jazyp kórsetý. Endi dápterge Á árpin jazý.
Jańyltpash jattatý. (Á dybysyna baılanysty)
Ádemilik - ádep,
Áýmeserlik - álek.
Úİİİ. Til ustartý jattyǵýy:
Balalar, bizder tapsyrmalardy oryndap, baýyrsaqty aıýdan qutqardyńdar. Al baýyrsaqty qý túlki ustap aldy. Sizder ony qutqarý úshin taǵy da túlkiniń tapsyrmasyn oryndaýlaryń qajet.
Án, án, án
Qalta toly dán.
Dıdaktıkalyq oıyn.
«Býynǵa býyn qos».
Maqsaty: bastalǵan býynǵa syzyq arqyly býyndy qosyp, sóz qurastyryp aıta bilýge, shapshańdyqqa, zeıindilikke baýlý.
Á tir Á dı
Á ke Ál tesh

Sabaqty qorytý:
Balalar, búgin, mine, sizder baýyrsaqty ormandaǵy ańdardan qutqaryp, atasy men ájesine baýyrsaqty qaıtardyńdar. Sonymen búgin qandaı dybyspen tanystyq?
Tanystyrar árippen,
Mynaý kitap, Álippeń.
«Álippe» degen aty onyń
Bastalǵan qaı áripten? (Á)
Bul álippeni 1 - synypqa barǵanda oqısyńdar. Á dybysyna sózder qurańdar.
- Senderge sabaq nesimen unady?
Balalardy madaqtap, baǵalaý:

Úıge tapsyrma berý: «Balapan dápterine» Á árpin jazý, oqý.

Qumsaı orta mektebi
Muǵalimi: J. S. Sarına

Á dybysy men árpi. júkteý