InfoHub Logo

Marqum Arman Dúısenovtiń uly Abylaı Armanulynyń súıiktisi Arýna Asqatqyzy bir jyl buryn jazǵan hatyn jelige júktep, kópshiliktiń júregin eljiretti, dep jazady Qazaq Today aqparat portaly.

Jarıalaǵan hatynda ol súıgen jarynan aıyrylǵan sáttegi jan kúızelisi men saǵynysh sezimin baıandaıdy. Arýna óz jazbasynda Abylaıdyń ómirindegi ornynyń erekshe bolǵanyn atap ótip, onyń qazasyna áli kúnge deıin senbeıtinin jetkizgen.

«Seni joǵaltý – óte aýyr. Sen men úshin jaı ǵana jaqyn adam emes, janymnyń bir bóligi ediń. Júregim syzdaıdy. Áli kúnge deıin qasymda joq ekenińe senbeımin», – deıdi ol.

Sondaı-aq Arýna olardyń birge túsken sýretteriniń búginde eń qymbat estelikterge aınalǵanyn aıtyp, Abylaıdyń kúlkisi men jyly sózderi janyna áli de medeý ekenin jazǵan.

«Sen ómirime qýanysh pen jaryq syıladyń. Men seni árdaıym esimde saqtaımyn. Júregimde óshpes iz qaldyrdyń», – dep bólisti ol.

Hattyń sońynda Arýna súıiktisine máńgilik tynyshtyq tilep, onyń óz ómirindegi ornyn eshqashan esh nárse almastyra almaıtynyn atap ótedi.