InfoHub Logo

Sabaqtyń taqyryby: Abaı Qunanbaıulynyń «Qansonarda búrkitshi shyǵady ańǵa» óleńi

Sabaqtyń maqsaty:
a) Uly aqyn Abaı ómiri men shyǵarmashylyǵy týraly biletinderin eske túsire otyryp, shyǵarmalaryna taldaý jasaıdy, Aqynnyń ańshylyqqa baılanysty óleńiniń taqyryby men ıdeıasyn, kórkemdik ereksheligin meńgertý. Óleńdi túsinip mánerlep oqı bilýge daǵdylandyrý.
á) Oqýshylardyń til baılyǵyn, oı - órisin damytý. Oqýshylardy óz oıyn aıtýǵa, kórkemdep erkin sóıleýge daǵdylandyrý.
b) Oqýshylardy ańshylyq kásiptiń erekshelikterimen tanystyrý, týǵan jeriniń
tabıǵatyn súıe bilýge tárbıeleý.

Sabaqtyń túri: tanymdyq izdenis sabaǵy
Sabaqtyń ádisi: «Túrtip alý», «Toptastyrý», «Erkin jazý», «Bir aınalym sóılesý» strategıalary.
Kórnekiligi: Abaıdyń ómiri men shyǵarmashylyǵyna arnalǵan slaıdtar jıyntyǵy
Abaı týraly jazylǵan pikirler.

Sabaq qurylymy.
Uıymdastyrý kezeńi. Oqýshylardy topqa bólý

I. Qyzyǵýshylyǵyn oıatý
«Abaı - qazaq halqynyń rýhanı qazynasyna ólsheýsiz úles qosqan ǵulama ǵana emes, sonymen qatar ol qazaq halqynyń el bolýyna ulanǵaıyr eńbek etken danager. Abaı álemdik oıshyldardyń qataryndaǵy ǵajaıyp tulǵa». N. Nazarbaev.

II. Maǵynany taný
Qazaqtyń bas aqyny – Abaı Qunanbaıulynyń ómiri men shyǵarmashylyǵy týraly bilmeıtin qazaq joq shyǵar. Qazaqtyń zańǵar jazýshysy M. Áýezov «Abaı – qazaqtyń klasık ádebıetiniń atasy, qazaq poezıasynyń kún shýaqty asqar bıigi» dep baǵa bergen edi. Búgingi taqyryp boıynsha synyp oqýshylaryna aldyn - ala Abaı Qunanbaıuly týraly derekter jınaý tapsyrylǵan edi.

1. 1. «Bilimge bastap el - jurtyn»
Oqýshylar Abaı Qunanbaıulynyń ómirimen, shyǵarmashylyǵymen tanystyrady)
2. Abaı – aqyn
*Abaıdyń óleńderi suralady.
3. Abaı – aýdarmashy
Oqýshylar Abaıdyń aýdarmalary týraly aıtady.
4. Abaı – qarasóz sheberi
*Qarasózderiniń jazylý erekshelikteri týraly aıtady;
*Beınetaspadan Abaıdyń qarasózi tyńdatylady.
5. Abaı – sazger.
*Abaıdyń ánder men kúıleri týraly aıtylady.
2. Abaıdyń jyldyń tórt mezgiline arnalǵan óleńderin eske túsirtý. Tabıǵat jaıly jazǵan óleńderin eske túsirte otyryp, «Qansonarda búrkitshi shyǵady ańǵa» óleńimen tanystyrý. Mánerlep oqý.
Adamdar ne úshin ańshylyq qurýy múmkin?
 Kásip (kúnkóris úshin),
 óner (sport) úshin.

3. Óleńdi oqýshylarǵa oqytý, taldatý.
1 - shýmaq: ańǵa shyǵýdyń sharty – qansonar, qasyńda jaqsy joldas pen júırik at bolýy kerek jáne ústińde yńǵaıly, yqsham kıim bolýy kerek.
2 - shýmaq: búrkitshi men qaǵýshy áreketi - ańshylyq kezinde búrkitshi taý basynda, qaǵýshylar saı - salada iz shalyp júredi.
3 - shýmaq: búrkittiń áreketi - tomaǵasy alynǵan búrkittiń tómendegi túlkini kózi shalyp, «Tómen ushsam túlki órlep qutylyp keter» dep qaıqań etip joǵary samǵap kóterilýi.
4 - shýmaq: túlkiniń áreketi - ózine tap bergeli turǵan búrkitti kórip, qashyp qutyla almasyn bilip, «Aýzyn ashyp qoqaqtap» shybyn jan úshin talas qylǵan túlki.
5 - shýmaq: túlki áreketin qyzyqtaǵan ańshylar - shybyn jany úshin shyr - pyr bolǵan, tisin qaırap, aıbat shekken túlkini «Bul da osal jaý emes» dep turǵan ańshylar áreketi.
6 - shýmaq: qan maıdan - «jeke batyrlar»: búrkit pen túlkiniń aıqasy sýretteledi.
7 - shýmaq: jandy sýret - tabıǵatty, túlki men búrkitti túgel qosyp bir beıne etip, ıaǵnı, aq etti sulýdyń shomylý áreketine uqsatýy.
8 – 9 shýmaq: oljaly ańshylar áreketi - túlki alyp oljaly bolyp, qanjyǵasy maılanyp, óz isterine súısingen ańshylar áreketi
10 - shýmaq: ár sóziń bir oılanyp salmaqtasań - bir óleńdi ústirt qaramaı, árbir sózge mán berip oqysań, kókeıińe, kóz aldyńa jandy sýret keletindigin aıtady.
Suraý – tapsyrmalar arqyly aýyzsha áńgimeletedi.

4. Jospar qurǵyzý. Jospar boıynsha mazmundaý
1. Ańshylyqtyń daıyndyǵy
2. İz shalǵandaǵy ańshylardyń áreketi
3. Túlkini kórgendegi búrkittiń is - qımyly.
4. Túlkiniń aıla - áreketi
5. Búrkittiń túlkige túsken kórinisi. Búrkit pen túlkiniń shaıqasy
6. Qusy túlki alǵandaǵy ıesiniń kóńil kúıi
7. Ańshylyq jaıyndaǵy aqynnyń oıy

Toptar boıynsha 3 bólimdi mazmundap aıtý.
Toptar boıynsha tapsyrmalar berý.
1 - top. aýyzsha sýret salý
2 - top. Jazbasha sýret salý
3 - top. sýret salý
Kórinister:
1. Aspanǵa samǵaı kóterilip alyp, túlkini qalt jibermeı ańdyǵan qyrannyń sýreti
2. Aýzyn ashyp, qoqaqtap, tisin qaırap, shybyn jan úshin jantalasqan túlkiniń áreketi
3. Aspannan sorǵalap kep qulaǵan búrkittiń qımyly.
4. Qyran men túlkiniń aıqasqan sýreti.
Toptar boıynsha qorǵaý. Salǵan sýretterin «galereıaǵa saıahat» boıynsha qorǵaý.
Jazbasha sıpattaý «avtor oryndyǵy» arqyly qorǵaıdy. Aýyzsha sıpattaý.