InfoHub Logo

Ázerbaıjan prezıdenti Ilham Alıev Qazaqstan prezıdenti Qasym-Jomart Toqaevqa alǵys aıtty. Bul týraly ol X áleýmettik jelisinde (burynǵy Twitter) jazdy.

Bul týraly Infohub.kz aqparat agenttigi habarlaıdy.

"Irannyń Nahıchevanǵa jasaǵan soqqysyn aıyptaǵany jáne Ázerbaıjan men Qazaqstan arasyndaǵy baýyrlas ári odaqtas qarym-qatynas rýhynda elimizdi qoldaǵany úshin prezıdent Qasym-Jomart Toqaevqa alǵysymdy bildiremin", - dep jazdy Alıev.

Irannyń shabýyly jáne Qazaqstannyń ustanymy

Eske sala keteıik, 5 naýryzda Irannan ushyrylǵan drondar Nahıchevan qalasy mańyndaǵy áýejaı aýmaǵyna qulaǵan bolatyn. Ázerbaıjan Syrtqy ister mınıstrligi áýejaı ǵımaratynyń zaqymdalǵanyn jáne birneshe beıbit turǵynnyń jaraqat alǵanyn habarlady.

Irannyń ushqyshsyz ushaqtarynyń Nahıchevan áýejaıyna jasaǵan shabýylyna baılanysty Qasym-Jomart Toqaev óz ustanymyn bildirdi. Ol bul áreketti "baýyrlas, odaqtas Ázerbaıjanǵa" qarsy jasalǵan áreket dep qatań aıyptady.

"Sonymen qatar, Memleket basshysy Iranmen birlesip atalǵan jaǵdaıdy muqıat tergeýge jáne aımaqtaǵy shıelenistiń ýshyǵýyna jol bermeý úshin janjaldy jaǵdaıdy dıplomatıalyq joldarmen retteýge úmit bildirdi", - delingen habarlamada.

Irannyń jaýaby

Tegeran Ázerbaıjanǵa qarsy dron ushyrǵanyn joqqa shyǵardy. Iran Bas shtabynyń málimetinshe, mundaı áreketterdi buryn Izraıl musylman elderi arasyndaǵy qarym-qatynasty nasharlatý maqsatynda jasaǵan.

Óz kezeginde Ázerbaıjan Iranǵa jaýap qaıtarý sharalarymen qorqytty.