InfoHub Logo

Taqyryby: Áni tiri aǵanyń jany tiri,
Aralap júr qazaqtyń keń dalasyn
Maqsaty:
1. bilimdilik: Syr óńiriniń týma talanty, óner sańlaǵy Beksultan Baıkenjeevtiń ómir joly men tanystyra otyryp ánderin aıtý, aqyn – sazgerdiń ónerin nasıhattaý
2. Damytýshylyq: Oqýshynyń oı - órisin damytý, ánge degen qushtarlyǵyn arttyrý
3. Tárbıelik: Otanǵa, tilge jáne ánge degen qurmetin arttyrý
Kórnektiligi: ınteraktıvti taqta, sýretter, óleńder jınaǵy, kitap kórmesi
Jospary
İ. Qysqa ǵumyr ónegesi
İİ. Án qanatynda
İİİ. Ánshi jaıynda jyly lebizder
İÚ. Oqýshylar shyǵarmashylyǵy

Barysy
Muǵalim: Alashtyń anasy atanǵan Syr boıy, ony ishinde ejelden óner súıgen, tabıǵatynan ánge áýez, jyrǵa qumar Jańaqorǵan óńiri el mádenıeti men ádebıetin, ónerin órge bastyrǵan tanymal dara tulǵalardan kende emes. Sonyń biri – Respýblıkaǵa eńbegi sińgen mádenıet qyzymetkeri kompozıtor Beksultan Baıkenjeev. Án joq jerde tirlik bolýy múmkin emes. Ol adamdy áldıleıdi, terbetedi, uıyqtatady. Beksultan Baıkenjeev bolsa sondaı qudiret terbegen ánimen halqyn áldılegen ónerli jan.
Olaı bolsa án menjyrǵa tolǵan Syr óńiriniń óner sańlaǵy Beksultan Baıkenjeevke arnalǵan tárbıe saǵatymyzdy bastaýǵa ruqsat etińizder.

1 - júrgizýshi Salamatsyzdar ma, qurmetti ustazdar, qonaqtar jáne ata - analar! «Áni tiri aǵanyń jany tiri, Aralap júr qazaqtyń keń dalasyn»atty tárbıe saǵatymyzdy ashyq den jarıalaımyz
2 - júrgizýshi Syr óńiriniń týma talanty kompozıtor, ánshi Beksultan Baıkenjeevtiń týǵanyna 64 jyl tolýyna baılanysty 8«á» synybynyń daıyndaǵan «. Áni tiri aǵanyń jany tiri, Aralap júr qazaqtyń keń dalasyn»atty tárbıe saǵatymyzǵa qosh keldińizder

1 - júrgizýshi: Danyshpan qazaq qashanda jaqsy ándi jan serigim dep ádeıi baǵalap kelgen eken. Ol ónerdiń ishinde eń asqaq shyńy ekenin moıyndaǵan. Sonan bolar án men jyr adam boıyndaǵy qudirettiliktiń eń asqaq kórinisi ekendigine uly Abaı atamyz
"Qulaqtan kirip boıdy alar,
Jaqsy án men tátti kúı.
Kóńilge túrli oı salar,
Ándi súıseń menshe súı "
- dep aıtyp ketken.

2 - júrgizýshi syrdyń aq topyraǵyna aýnap, ony shóńgesi men tikenegine aıaǵyn tilgilep ósken Beksultan aǵamyzda Án men jyrdy Abaı atasynan kem súıgen emes. Sonan bolar onyń 80 - nen astam ánderi bul kúnderi keń baıtaq egemendi elimizdiń aýyl keshterinde bolsyn sahna tórinde bolsyn asqaq sezimmen oryndalyp keledi.

1 - júrgizýshi: Qaraqat kóz, alma moıyn, aq quba,
Aı bop týyp, tań bop álde atty ma?
Birde áýen, birde qyzdyń beınesi,
Kimge baryp qonar eken baq myna?!
Muǵalim sózi: Qazaqstannyń Eńbek sińirgen ártisi, jeztańdaı ánshi jerlesimiz Mádına Eralıeva óziniń " Aqbaıan" áni arqyly jurtshylyqqa keń tanymal bolǵandyǵyn aıtqan bolatyn.

1 - júrgizýshi.... Sáýirbaı Doshannyń oryndaýynda "Aqbaıan" áni. Sózin jazǵan: Ábdimálik Syzdyqov
Sol bir keshte aıalady tátti arman,
Jan syrymdy jaıa almadym, Aqbaıan.
Kók teńizdeı býyrqanǵan, tolqyǵan
Júregińnen saıa taptym, Aqbaıan, Aqbaıan.
Jas júregim izdep jalǵyz ózińdi,
Eske alamyn móldir qara kózińdi.
Kóńilimniń ańsaǵany ózińsiń,
Sóndirmeshi sol sezimdi, Aqbaıan, Aqbaıan

2 - júrgizýshi: Ásem áýen boıyńa qýat, oıyńa nár, túrińe ár berip turady. Bul - ónerdiń kúshi. Al osyndaı ónerdi jasaıtyn ónerli jan bolsa, sonyń biri – Beksultan Baıkenjeev.
1 - júrgizýshi: Beksultan aǵamyz - ómirde az jasaǵan men óner jolynda ónimdi eńbek etip, sońynda ǵumyrly dúnıe qaldyryp ketken jan.

Qysqa ǵumyr ónegesi
1 - oqýshy: Beksultan Baıkenjeev 1949 jyly 7 - qarashada Jańaqorǵan aýdany Qosúıeńki eldi mekeninde dúnıege kelgen. Ol 1966 jyly aýdandaǵy 51 orta mektepti bitirgennen keıin aýdandyq mádenıet bóliminde avtoklýb meńgerýshisi boldy.

2 - oqýshy: 1968jyly Qyzylorda pedagogıkalyq ınstıtýtynyń mýzyka fakúltetine túsip, ony 1972 jyly bitirip shyqty. Sol jyldan bastap ol ómiriniń sońǵy kúnderine deıin aýdan ortalyǵynda Álshekeı atyndaǵy óner mektebiniń dırektory bolyp kyzmet iztedi.

2 - júrgizýshi: Beksultan Baıkenjeevtiń artynda 4 ul, bir qyzy qalǵan. Qazirgi tańda ákesiniń ónerin jalǵastyryp júrgen eki uly. Úlken uly Ábsultan Ótepbergenov Beksultan Baıkenjeev atyndaǵy shyǵarmashylyq óner mektebin basqaryp otyr.

3 - oqýshy: Beksultan Baıkenjeev oblys ortalyǵynda uıymdastyrylǵan "Syr sulýy", "Nurgúl" án - bı ansámblderiniń quramynda ánshi retinde Bolgarıa, Germanıa elderinde jáne Máskeý, Kıshınev, Nókis, Almaty, Jambyl qalalarynda bolyp óner kórsetti