Sońǵy jańartý

(Ózgertilgen ýaqyty 13 saǵat buryn)
Adam degen ardaqty at
Sabaqtyń taqyryby: Adam degen ardaqty at
Sabaqtyń maqsaty: «Adamgershilik» uǵymynyń qundylyǵy retindegi mańyzdylyǵyn ashý.
Sabaqtyń mindetteri: Bilimdilik: adamı qasıetter týraly túsinik berý;
Damytýshylyq: balalardyń adamgershilik qasıetterin damytý, jaǵymdy qarym - qatynas jasaı bilýge úıretý;
Tárbıelik: izgilikti, meıirimdi bolýǵa tárbıeleý.
Kórneki quraldar: dápter, sújetti sýretter
Ádister: áńgimelesý, oıyn, jattyǵý, túsindirý, sahnalaý.
Epıgraf: Sen de bir kirpish dúnıege,
Ketigin tap ta, bar qalan. Abaı

Sabaqtyń barysy.
1. Uıymdastyrý kezeńi
2. Shattyq sheńberi
Muǵalim balalarmen sálemdesip, olardy shattyq sheńberin quryp, bir - birimen sálemdesedi.
 Úlkenge de siz! (Oń qolyn alǵa sozady)
 Kishige de siz (sol qolyn alǵa sozady)
 Barshaǵa jandy qurmettep, (eki qolyn keýdege qoıady)
 Bas ıemiz biz! (bas ıedi)
E. Ótetileýovtiń «Naǵyz adam bolamyn» atty óleńin muǵalimge ilesip birge qaıtalaıdy.
Búgin tıtteı balamyn,
Áli - aq jigit bolamyn.

Sonda, múmkin, men ǵalym,
Álde shofer bolamyn. El syılaıtyn muǵalim,
Álde shahter bolarmyn.
Sonda usta, ne artıs,
Ne dáriger bolarmyn.

Álde, álde... Bilseńder,
Jalǵyz ǵana talabym:
Er jetkende, el sener
Naǵyz adam bolamyn!

Áńgimelesý. Muǵalim oqýshylardy sabaq taqyrybyna baǵyttaý maqsatynda áńgimelesý ótkizedi. Áńgimelesýge mynandaı suraqtar qoıylady:
Ata - anań qandaı bolǵanyńdy qalaıdy?
Ózińniń kimge uqsaǵyń keledi?
Naǵyz adam degendi qalaı túsinesińder?

Balalar óz túsinikterin ortaǵa salyp aıtady. Muǵalim oqýshylardyń jaýaptaryn tyńdap, ózi qorytyndy jasaıdy.
Muǵalimniń sózi:
- Durys aıtasyńdar, balalar, ata - anamyz bizdiń jaqsy adam bolǵanymyzdy qalaıdy. Árdaıym aqyldaryn aıtady. Bizder aqyldy, ádemi adamdarǵa uqsaǵymyz keledi. Ózimiz de meıirimdi, adal, bilimdi bolyp ósýge talpynamyz.
JAŃA AQPARAT
- Balalar, ne tátti?
- Ananyń súti tátti.
- Ne jumsaq?
- Ananyń qoly jumsaq.
- Ne qatty?
- Atanyń júregi qatty.
- Kim jaqyn?
- Tatý bolsa, aǵaıyn jaqyn, aqylshy bolsa, apaıyń jaqyn.
- Baýyrmal bolsa, iniń jaqyn, aldyńa tartqan adal asyń,
- Qımas jaqyn qaryndasyń.
- Ne qymbat?
- Altyn uıań – Otan qymbat,
- Qut - bereke, atań qymbat.
- Aımalaıtyn, anań qymbat.
- Asqar taýyń ákeń qymbat.
- Dúnıede ne qymbat?
- Adam qymbat
- Adamǵa ne qymbat?
- Bala qymbat.

Mátinmen jumys.
Sabaqtyń taqyrybyn ashý maqsatynda mátinmen jumys júrgiziledi. Ol úshin sabaqta oqýshylarǵa «Kim bolasyń?» J. Jumahanovanyń atty mátinmen tanysý usynylady. Mátindi aldymen muǵalim oqyp beredi. Sosyn oqýshylar ózderi oqıdy. Mátin mazmuny boıynsha berilgen suraqtarǵa jaýap beredi.
 Atasy nemeresine adam bol degende ne aıtqysy keldi?
 Sender «Adam bol» degendi qalaı túsinesińder?

Sergitý sáti
Kel, sanaıyq ekeýmiz:
Bas barmaǵym - ákem,
Balan úırek - apam,
Orta terek - aǵam,
Shyldyr shúmek - men,
Tıtteı bóbek - sen,
Bir úıde biz nesheýmiz?
Bir úıde biz beseýmiz.
Adam degen ardaqty at júkteý

You Might Also Like

Jańalyqtar

Jarnama