InfoHub Logo

8 naýryz analar merekesine arnalǵan taqpaqtar men óleń shýmaqtary
Ardaqty ana
Ardaqty ana, aıaýly ana, qymbattym,
Tátti uıqyńdy bólip talaı tún qattyń.
Ómirime nárin berdi aq sútiń,
Keń qushaǵyń – aıasyndaı gúl baqtyń.

Men ózińmen qaıda bolsam birgemin,
Mahabbatyń júregimde júr meniń.
Kún nuryndaı – jadyraı bir kúlgeniń,
Qandaı jaqsy ortamyzda júrgeniń!

***
Naýryz – Sáýir egizi,
Búgin onyń segizi.
Eń baqyt gúl, eń baqyt gúl
Anaǵa aıtar lebizi.
Eń qymbat gúl, eń qymbat gúl,
Ol adamnyń lebizi.
Anasyz bir joq kúniń,
Ájesiz joq bir kúniń
Usynamyz biz búgin,
Jyrdyń sulý shoq gúlin.
Usynamyz usynamyz
Jyrdyń sulý shoq gúlin.

Sheshe!
Sen baqyttysyń, jylamaǵan,
Jaı túsip jatqanda da qulamadyń.
Táńirińnen men edim ǵoı suraǵanyń.
Sondyqtan jylamaǵyn, jylamaǵyn.
Barmyn ǵoı.
Tirimin ǵoı.
Qasyńdamyn.
Ólmeımin, men ózińdeı asyldanmyn.
Taýsylyp óz - ózińmen shashylmaǵyn,
Baıyrǵy berekeńdi qashyrmaǵyn.
Men seniń qanyqpyn ǵoı kóz jasyńa.
Ózim kepil tot basyp tozbasyńa,
Eki jyr jazsam saǵan arnap,
«Sheshe»dep jazdym ylǵı sóz basyna,
Táńirim keshe kórsiń kesirimdi,
Aspanǵa jazam seniń esimińdi,
Sheshe!
Sen baqyttysyń, terbete ber,
Quba taldan ıilgen besigimdi.

****
Azamat qýat alar aq sútińnen
Mápelep áldılegen peıili keń
Analyq mahabbatyń káýsár - bulaq
Sónbeıtin aq júregiń máńgi shyraq