InfoHub Logo

Qazaqstan Respýblıkasy Prezıdentiniń 2011 jylǵy 17 sáýir aıyndaǵy tapsyrmasyna sáıkes 2012 jyly orta mektepterde aǵylshyn tilin 1- synyptan bastap engizý qolǵa alynýda. Osyǵan baılanysty 2012 jylǵy qyrkúıek aıynan bastap Qazaqstanda ZZ mekteptiń birinshi synyp baǵdarlamasyna úsh tilde oqytý júıesi engizildi.

Iaǵnı oqýshylar endi qazaq, orys jáne aǵylshyn tilin jeti jastan bastap oqıdy. Sondaı-aq ol 2020-jylǵa qaraı bıologıa, hımıa sıaqty negizgi pánder aǵylshyn tilinde oqytyla bastaıdy. Birinshi synyptan bastap úsh tilde oqyǵan bala jańa zamannyń talabyna, suranysyna saı bolmaq.
“Learning English may be fun” atty fakúltatıv sabaǵy bastaýysh synyptarynda oqytylatyndyqtyń basty sebebi de sol.

Aǵylshyn tili – XXI ǵasyrdyń tili. Bul til qazaqty dúnıege tanytatyn, álemdik deńgeıge shyǵaratyn til. Elimizdiń shet eldermen qarym-qatynasymyz kúsheıip otyrǵan qazirgi zamanda oqýshylardyń shet tiline qyzyǵýyn, bilimge qushtarlyǵyn oıatý, tanymdyq belsendiligin arttyrý basty mindet. Demek, oqýshylarymyzdyń aǵylshyn tilin bilýi – ýaqyt talaby. Shetel tili qazirgi kezde zaman talabyna saı kóptegen mektepterde 1 synyptan bastap júrgizilýde. Bul oqýshy boıynda erte kezeńnen bastap ultaralyq, mádenıetaralyq birlestikke daıyndyqtyń qalyptasýyna tikeleı yqpal etedi. Shetel tilin bastaýysh mektepten bastap oqytýdyń artyqshylyǵy árbir balaǵa psıhologıalyq oılaýyna, shet tili sózine kóńil aýdarýyna, túsinýine oń áser etetindigi, sodan soń negizgi mektepte bilimin berik nyǵaıtýyn, bilim sapasyn arttyrýǵa múmkindik beretindiginde.