InfoHub Logo

AQSH dollarynyń teńgege shaqqandaǵy baǵamy kúrt ósip, eldegi ekonomıkalyq jaǵdaıǵa alańdaýshylyq týdyrýda. Sarapshylar aldaǵy ýaqytta da teńgeniń álsireı beretinin boljap otyr.

Bul týraly Infohub.kz aqparat agenttigi habarlaıdy.

Teńge nege qunsyzdanyp barady?

Sáýir aıynyń sońynda Ulttyq Banktiń saýda-sattyǵynda dollar 457 teńge bolsa, qazirgi tańda KASE bırjasyndaǵy saýda sesıasynda amerıkandyq valútanyń ortasha saralanǵan baǵamy 475,63 teńgege deıin kóterildi. Aıyrbastaý pýnktterinde jaǵdaı odan da qyzý. Túske deıin Astanada dollardy satýdyń eń joǵary baǵamy 477 teńgeni, Almatyda 478 teńgeni qurady.

Ulttyq Banktiń resmı baǵamy ázirge 472,48 teńge deńgeıinde saqtalyp turǵanymen, erteńgi kúni retteýshiniń bırjalyq naryqtaǵy jaǵdaıǵa baılanysty baǵany jańartýǵa májbúr bolatyny anyq. Sarapshylardyń basym kópshiligi teńgeniń álsizdenýi jalǵasatynyna senimdi.

Boljamdar qandaı?

Bir jyldyq merzimde sarapshylar dollardy 500-555 teńge aralyǵynda kórip otyr. Mysaly, Halyk Finance kompanıasy jyl sońyna deıin dollardyń 540 teńgege jetetinin boljaıdy. Ekonomıser jaǵdaıdyń damýyna qatysty úsh senarıdi qarastyrady:

Iran faktory

Álemdik naryqtaǵy basty ıntrıga qazir Iran tóńireginde órbip otyr. Eger Tegeran men Vashıngton beıbit kelisimge kelse, ırandyq munaı naryqqa aǵylady. Bul Brent markaly munaı baǵasynyń tómendeýine, al soǵan ilese teńge baǵamynyń qunsyzdanýyna ákelýi yqtımal.

AQSH pen Iran 60 kúndik bitim jáne Ormýz buǵazyn ashý máselesi boıynsha jasyryn kelissózder júrgizip jatqany belgili. AQSH prezıdenti Donald Tramp kelisimniń daıyn ekenin málimdegenimen, taraptar kim birinshi qadam jasaıtyny týraly pikirtalasqa túsken. Iran buǵazdy mınadan tazartý aldynda 12 mıllıard dollardy bosatýdy talap etse, AQSH Tegerannan baıytylǵan ýrandy kádege jaratýdy kútýde.