InfoHub Logo

Aqtóbe oblysy,
Shalqar qalasy, «№4 orta mektebi» MM-niń
dene tárbıesi pániniń muǵalimi
Sembaeva Janar Tajıbaıqyzy

Sabaqtyń taqyryby: Basketbol elementteri bar qozǵalmaly oıyndar.
Sabaqtyń maqsaty: 1) Basketbol oıynyndaǵy qozǵalmaly ádisterdi úıretý.
2) Oqýshylardyń ıkemdiligin, eptiligin jetildirý.
3) Sportqa degen súıispenshiligin arttyrý.
Sabaqtyń ótetin orny: Mektep sport kesheni.
Kerek qural-jabdyqtar: Basketbol doptary, ysqyryq, shyǵyrshyq, kedergiler.

Kirispe bólim:
Sapqa turǵyzý, raport qabyldaý, sálemdesý, túgendeý.
Sabaqtyń taqyryby jáne maqsatyn tanystyrý.
Saptyq jattyǵýlar: Ońǵa! Solǵa! Artqa!
Júrý jattyǵýlary:
Qoldy joǵary tik kóterip, aıaqtyń ushymen júrý, eki qol belde ókshemen júrý, aıaqtyń ishki, syrtqy jaǵymen júrý, jartylaı otyryp júrý, sporttyq júris.
Júgirý: Aıaqty artqa búgip júgirý, qaıshylap júgirý, oń (sol) jaq qyrymen tirkele adymdap júgirý, artpen júgirý. Jaı júris, tereń tynys alyp, dem shyǵarý.
Jalpy damytý jattyǵýlary: Bir qatardan, 3 qatarly lek turǵyzyp ár býyndarǵa jattyǵý jasatý.

Bastapqy qalyp aıaq arasy ıyq keńdiginde, moıynǵa arnalǵan jattyǵý, eki qol belde (B. q. a. ı. k. ) basty ońǵa 4 san, solǵa 4 san aınaldyrý.
B. q. a. ı. k. oń qol joǵary, sol qol tómen, 1-2 sanǵa qoldy sermeımiz. Sol qol joǵary, oń qol tómen, 1-2 sanǵa qoldy sermeımiz.
B. q. a. ı. k. qoldyń basy ıyqta, 1-2 san aldyǵa, 3-4 san artqa aınaldyrý. B. q. a. ı. k. qol keýde aldynda shyntaqtan búgýli. 1-2 san qoldy jazbaı sermeımiz, 3-4 san jazyp sermeımiz. Jattyǵýlardy ońǵa, solǵa jasaımyz.
B. q. a. ı. k. eki qol belde, ońǵa (solǵa) 2 san ıilý.
B. q. a. ı. k. qol belde deneni eki ret ońǵa burý, eki ret solǵa burý.
B. q. a. ı. k. Eki qol belde, ońǵa, (solǵa) 4 san beldi aınaldyrý.
B. q. a. ı. k. qol tizede, aıaqty ishke, syrtqa aınaldyrý.
B. q. a. ı. k. otyryp, turý.
Bir qatar sapqa turǵyzý.
Jattyǵýlardy tolyq jasaýyn qadaǵalaý.

Negizgi bólim:
Sapqa turǵyzý.
Oqýshylarǵa basketbol elementteri bar qozǵalmaly
oıyn túrlerin túsindirý, is-tájirıbe júzinde kórsetý.
Oqýshylardy qaýipsizdik erejesimen tanystyrý.
Oqýshylarǵa jattyǵýdy oryndatý:
- bir orynda turyp oń jáne sol qolmen dopty jerge soǵyp, yrshytyp jattyǵý;
- dopty bir qolmen jetelep júrip, jerge soǵyp yrshytý;
- ekiden qarama-qarsy turyp, dopty eki qolmen kezek jerge soǵyp, yrshytyp, qarsylasyna eki qolmen keýde tustan laqtyrý;
- eki-ekiden qatar júgirip kele jatyp, dopty jerge soǵyp yrshytyp, toqtamaı bir-birine keýde tustan laqtyryp jattyǵý;
Oqýshylardy eki topqa bólip, basketbol elementteri bar estafetalyq oıyn oınatý.
- kederginiń arasynan dopty soǵyp alyp ótý;
- dopty joǵarydan berý;
- dopty tómennen berý;
- jerge qatar syzylǵan 5-6 shyǵyrshyqtyń ishine soǵyp kele jatqan dopty dál túsire yrshytý;
- birden alańnyń ortasynan basketbol qalqanyna qaraı dopty yrshytyp kelip, qalqanǵa jaqyndaǵanda toqtaı qalyp, dopty shyǵyrshyqqa eki qolmen laqtyryp túsirýge tyrysý;
Jattyǵýlardy durys jasaýyn qadaǵalaý.

Qorytyndy bólim:
Sapqa turǵyzý.
Sabaqqa jaqsy qatysqan oqýshylardy madaqtaý, ketken kemshilikteri men jibergen qatelikterin aıtyp eskertý.
Baǵalaý.
Úı tapsyrmasy: Jattyǵýlardy qaıtalaý.