InfoHub Logo

- Amsterdam — Nıderlandtyń eń iri qalasy, ári astanasy.
- Qala aty Amstel ózeniniń boıynda ornalasqanyna bógenge qatysty atalǵan. Qala negizi 12 ǵasyrda kishkene balyq aýlaýshylar eldi-mekeni retinde paıda bolyp, búgingi tańda 172 ulttardy qamtıtyn Nıderlandtyń iri qalasy.
- Nıderland Altyn dáýiri kezinde Álemniń iri saýda kemejaıy, qarjy jáne gaýhar ortalyǵy bolǵan.
- Halyq sany  821 myńnan astam adam
- Kólemi: 219,4 sharshy shaqyrym
- Resmı tili: nıderland tili, frızsk tili
- Valútasy: eýro

Nemo murajaıy

Nemo murajaıy – Nıderlandydaǵy balalarǵa arnalǵan úlken ǵylymı-tehnıkalyq ortalyq. Ol Ortalyq vokzal mańynda, Teńizde júzý murajaıynyń qasynda oryn tepken. Murajaı alyp teńiz tolqyny tústi keme túrinde ıtalán sáýletshisi Renso Pánonyń jobasy boıynsha salynǵan. Ol alystanda kózge túsedi.

Interaktıvti murajaı óz qonaqtaryna ǵylym men tehnıkanyń qazirgi álemin zertteýdi usynady. Ári onda barlyq eksponattardy qolmen ustaýǵa bolady, sonymen qatar tájirıbe júrgizýge, damba salýǵa, adam mıynyń jumysyn zertteýge, DNK-nyń ne ekenin bilýge jáne jasóspirim kezinde adam aǵzasymen ne bolatyndyǵyn bilýge bolady. Qyzyqtyratyn oıyn túrinde balalar hımıa, fızıka, bıologıa jáne aqparattyq tehnologıalar negizimen tanysady. 

Kókenhof qyzǵaldaqtar saıabaǵy

Kókenhof — Nıderlandydaǵy ulttyq patshalyq gúlder saıabaǵy, sonymen birge ol Eýropa saıabaǵy dep te atalady. Saıabaq orasan zor qyzǵaldaq plantasıalarymen, ári jyl saıyn ótetin taqyryptyq gúlder kórmesimen tanymal. 2014 jyly qyzǵaldaqtar gúldeý maýsymynda saıabaqqa shamamen bir mıllıon adam keldi.

Saıabaq aýdany 32 ga jerdi alyp jatyr. Kókenhofta otyrǵyzylǵan qyzǵaldaqtar sany adamdy qaıran qaldyrady — júz surypty 4,5 mıllıon ósimdik. Saıabaq aýmaǵynda úsh oranjereıa ornalasqan: bireýinde (Oranje Nassau) nárkes, qyzǵaldaq, bórtegúl ósiriledi, ekinshisinde (Beatrix) — orhıdeıalar, al úshinshisinde (Willem Alexander) — raýshandar ósiriledi.

Saıabaqty ataqty goland landshaft sáýletshileri Zoherlar 1840 jyly jasady. Saıabaqta kóptegen aleıalar, kógaldar, kanaldar, toǵandar, gúlzarlar gúlderden jasalǵan kilemder bar. Kafe men meıramhanalar, sonymen birge sývenır jáne gúl dúkenderi bar. Ol jerden qyzǵaldaqtyń badanasyn jáne basqa ósimdikterdiń kóshetterin satyp alýǵa bolady. Budan bólek, saıabaqta naǵyz shynaıy dıirmen ornalasqan. Bunda saıahatshylardy dástúrli golandıalyq un tartý prosesimen tanystyrady.

Amstel kanaldary

Amsterdamda Amstel ózeniniń qansha kanaly bar ekenin naqty eshkim aıta almaıdy. Amsterdam kvartaldaryn jarty sheńber ǵyp belbeýleıtin Amsteldiń bes basty kanaly ózara orlarlarmen baılanysty, nátıjesinde qalada ataqta sý labırınti qalyptasty.
Amsterdamdaǵy Amstel qanaldary táýliktiń kez-kelgen ýaqytynda tandandyrady. Keshki jáne tańerteńgi ýaqytta kún sáýleleri olardy kúlgin túske boıaıdy. Al kúndiz olar jaǵalaýdaǵy otyrylǵyzǵan aǵashtar sýǵa shaǵylysatyndyqtan jasyl bolyp kórinedi.
Bul kanaldar Amsterdamnyń áshekeıleriniń biri ǵana emes, sonymen birge kóshpendi ómirdi unatatyn adamdardyń turatyn mekeni. Kanaldarda kóptegen barkter ornalasqan, jáne olardyń qojaıyndary ózderin osyndaı júzbeli páterlerde jaqsy sezinedi.

 

---