InfoHub Logo

Aqparattyq mádenıet negizderin oqytýda ınteraktıvti taqtany qoldaný tásili

Qazaqstan Respýblıkasynyń 2015 jylǵa deıingi bilim berýdi damytý tujyrymdamasynyń negizgi mindetteriniń biri oqýshylardyń aqparattyq daıyndyǵyn jetildirý bolyp tabylady. Osy mindetterdi júzege asyrý maqsatynda bilim berý salasynyń 1 - 4 synyptar aralyǵynda «Aqparattyq mádenıet negizderi» páni engizilýde.

Bul pán arqyly oqýshylar aqparattyq mádenıettiń negizi bolyp sanalatyn komýnıkasıa men túsinikterdiń jáne oılaýdyń matematıkalyq negizderin meńgeredi.
Bastaýysh bilim berý - jas balanyń aqyl - oıynyń damýy men áleýmettik daıarlyǵy úshin eń qolaıly kezeń. Bastaýysh synypqa ınformatıkany pán retinde engizý oqýshynyń erte jastan bastap logıkalyq oılaý qabiletin qalyptastyrý, álemniń júıelik - aqparattyq beınesin, aqparattyq mádenıetin qalyptastyrý jáne olardyń ózin - ózi jetildire otyryp qyzmet sýbektisi deńgeıine kóterilýin qamtamasyz etý.

Aqparattyq mádenıet negizderiniń «Jıyn jáne ony toptaý» sabaǵyn ótkizý barysynda qarapaıym mysaldy Activstudio3 baǵdarlamasy arqyly daıyndalǵan tapsyrma arqyly túsindirýge bolady. Oqýshy ınteraktıvti quraldardy qoldana otyryp, jıyn elementteriniń ortaq belgileri men qasıetterin anyqtap, toptastyrady.
Tómende sabaqty ótkizý barysynda qoldanylǵan «Qustardy qasıetterine baılanysty toptaý» tapsyrmasynyń daıyndalý ádisi berilip otyr.

Activstudio3 Professional Edition baǵdarlamasyn iske qosyńyz.
Jańadan flıpchart quryńyz.
Jańadan tús tańdap, bettiń fonyn quıý aspaby arqyly óz qalaýyńyz boıynsha ózgertińiz.
Jazý aspabyn qoldanyp betke taqyryp jazyńyz.
Kitaphanadan qustardyń ár túrin tasymaldaý arqyly ornalastyryńyz.
Kitaphanadan ózińizge unaǵan fıgýrany tańdap alyńyz. Erekshelep, ózgertý - dýblıkat komandasyn oryndap, kóshirmesin ornalastyryńyz. Fıgýranyń joǵarǵy jaǵyna «Ushatyn», «Júzetin» sózderin jazý quraly arqyly engizińiz.

Endi osy qustardyń qasıetterine baılanysty ushatyn jáne júzetin qustardy eki bólip toptaý qajet. Ol úshin qustardyń qasıetterine baılanysty ár qaısysyna kilttik sóz engizýimiz kerek.
Sýretti eki ret shertip, Qasıetter jáne áreketter terezesin ashamyz. Ashylǵan terezeden Identıfıkasıa bóliminiń kilttik sóz bóligine qasıetterine baılanysty «ushatyn» jáne «júzetin» sózderin engizemiz. Ol úshin sońǵy sózdiń artyna kýrsordy ornalastyryp Ctrl+Enter pernelerin shertip, jańa qatarǵa qajetti sózdi engizemiz. Osy áreketterdi barlyq sýretke oryndap kilttik sóz taǵaıyndańyz.

Ortadaǵy fıgýrany belgilep, eki ret shertip Qasıetter jáne áreketter terezesin ashyńyz. Terezeden Konteıner bólimin belgilep, Bolýy múmkin tiziminen kilttik sóz bóligin belgileńiz. Kilttik sózge fıgýradaǵy sózge baılanysty sóz engizińiz. Eger sáıkes kelmese, ornyna qaıtyp kelý komandasyna qanat belgisin qoıyńyz. Ekinshi fıgýraǵa da osy áreketti oryndańyz.
Terezeni jaýyp, flıpchartty saqtańyz.

Tapsyrmany oryndaý barysynda «ushatyn» sózi bar fıgýraǵa tek ushatyn qustar, «júzetin» sózi bar fıgýraǵa júzetin qustar ǵana qoıylatynyn kóremiz. Eger júzetin qustar «Ushatyn» fıgýrasyna aparylsa, onda ol fıgýranyń ishine qoıylmaı óz ornyna qaıtyp barady.
Dál osyndaı áreketterdi oryndap Arýnanyń sorpa daıyndaýyna, Álimniń tosap qaınatýyna kómek kórsetý flıp chartyn daıyndaýǵa bolady.

Osyndaı daıyndalǵan tapsyrmalardy oryndaý barysynda oqýshylardyń sabaqqa degen yntasy men qyzyǵýshylyǵy artyp, ınteraktıvti qurylǵylarmen jumys isteý arqyly praktıkalyq is - áreket daǵdylary qalyptasady.

Ádebıetter:
1. «Informatıka negizderi» ǵylymı - ádistemelik jýrnaly;
2. Aqparattyq mádenıet negizderi. Ádistemelik nusqaý.