InfoHub Logo

Bilim berý úrdisinde aqparattyq - komýnıkasıalyq tehnologıany qoldaný

Qazaqstan Respýblıkasynyń «Bilim týraly» Zańynda «Bilim berý júıesiniń basty mindeti - ulttyq jáne adamzattyq qundylyqtar, ǵylym men praktıka jetistikteri negizinde jeke adamdy qalyptastyrýǵa jáne kásibı shyńdaýǵa baǵyttalǵan bilim jáne tárbıe alý úshin qajetti jaǵdaılar jasaý, oqytý jáne tárbıe berýdegi jańa tehnologıalaryn engizý, bilim berýdi aqparttandyrý, halyqaralyq ǵalamdyq komýnıkasıalyq jelilerge shyǵý» delingen. [1]

Bilim berý júıesin aqparattandyrý - qoǵamnyń mańyzdy baǵyttarynyń biri. Al bul óz kezeginde bilim sapasyn kóterýdi júzege asyrýǵa baǵyttalǵan úrdistiń quraldary men ádisterin, oqý - tárbıe úrdisiniń barlyq deńgeılerin bir - birimen tyǵyz baılanysta ósirýge jáne olardyń tıimdiligi men sapasyn kóterýge, jas urpaqty jańa qoǵam jaǵdaıynda ómir súrýge daıyndaýǵa paıdalaný.

HHİ ǵasyr – aqparattyq qoǵam dáýiri. Aqparattyq qoǵamnyń negizgi talaby – oqýshylarǵa aqparattyq bilim negizderin berý, logıkalyq – qurylymdyq oılaý qabiletterin damytý, aqparattyq tehnologıany ózindik damý men ony iske asyrý quraly retinde paıdalaný daǵdylaryn qalyptastyryp, aqparattyq qoǵamǵa beıimdeý. Olaı bolsa, aqparattyq birlikterdiń bilimge aınalýy álemniń júıelik aqparattyq beınesin oqýshylardyń shyǵarmashylyq qabiletteri men qundylyq baǵdarlaryn damytý arqyly qalyptastyrýdy kózdeıtin, adamnyń dúnıetanymynyń quramdas bóligi bolyp tabylatyn ıntellektýaldy damýdy qalyptastyrýdyń bir joly.

Aqparattyq – komýnıkasıalyq tehnologıa elektrondy esepteýish tehnıkasymen jumys isteýge, oqý barysynda kompúterdi paıdalanýǵa, modeldeýge, elektrondyq oqýlyqtardy, ınteraktıvti quraldardy qoldanýǵa, ınternette jumys isteýge, kompúterlik oqytý baǵdarlamalaryna negizdeledi. Aqparattyq ádistemelik materıaldar komýnıkasıalyq baılanys quraldaryn paıdalaný arqyly bilim berýdi jetildirýdi kózdeıdi.

Aqparattyq - komýnıkasıalyq tehnologıanyń keleshek urpaqtyń jan - jaqty bilim alýyna, isker ári talantty, shyǵarmashylyǵy mol, erkin damýyna jol ashatyn pedagogıkalyq, psıhologıalyq jaǵdaı jasaý úshin tıgizer paıdasy zor. Qazirgi zamanǵy bilim berý tehnologıalaryn iske asyrýdaǵy mehanızmniń biri - ınteraktıvti taqtamen sabaq ótkizý. Interaktıvti taqtamen ótkizgen sabaq oqýshynyń pánge degen qyzyǵýshylyǵyn arttyryp, ıntellektýaldyq shyǵarmashylyq belsendiligin, daryndylyǵyn damytý faktorlarynyń biri bolsa, muǵalim úshin sheberlik pen saýattylyǵyn arttyratyn, ýaqytyn únemdeıtin, estetıkalyq talǵamǵa saı bezendiriligen kórnekilik quraly bolyp tabylady. Jańa aqparattyq tehnologıalar pedagogtik múmkindikterin kúsheıtetin qural, biraq ol muǵalimdi almastyra almaıdy. Kompúterlik múmkindikter psıhologıa men dıdaktıka turǵysynan taldanyp, kerek kezinde pedagogıkalyq talaptarǵa saı qoldanylý kerek. Sonyń negizinde oqytýdyń tıimdi ádis - tásilderin muǵalimniń ózi anyqtap alý qajet.