InfoHub Logo

«Maǵan aıt - men estımin, maǵan kórset - men esimde saqtaımyn, maǵan isteýge ber - men túsinemin»
(Japon maqaly)
Synyptan tys shara
Taqyryby: Ár adamǵa óner tán, ónerliniń isi sán
Maqsaty: Eńbekke baýlý páninen alǵan bilimderin júıeleý, oqýshylardyń ónerge degen súıispenshiligin arttyrý, eńbekke degen sheberligi men ıkemdiligin qalyptastyrý, ultymyzdyń erteden kele jatqan salt - dástúrimen tanystyrý qazaq halqynyń ónerin dáripteý, shyǵarmashylyq qabiletterin damytý, uıymshyldyqqa tárbıeleý.
Sabaq túri: Dástúrden tys saıys sabaq

Júrgizýshi:
Qaıyrly kún, qurmetti áriptester!
«Bilim – asyl qazynaly sandyq, ony ashatyn kilt – eńbek». Búgingi zaman talabyna saı adam segiz qyrly bir syrly bolýy kerek. «Úıretý - úlkennen, úırený - kishiden» demekshi, ótkenniń ónegesin, dástúrdiń tatymdysyn sabaq ústinde bala boıyna sińirý árbir ustazdyń mindeti. Olaı bolsa «Ár adamǵa óner tán, ónerliniń isi sán» taqyrybynda ótkeli otyrǵan synyptan tys sharaǵa qosh keldińizder.
«Ótkirdiń júzi, kesteniń bizi,
Órnegin sendeı sala almas.
Bilgenge marjan, bilmeske arzan,
Nadandar bahara taba almas»- dep uly Abaı atamyz aıtqandaı, isker, on saýsaǵynan óner tamatyn shákirtterdi tárbıeleý – bizdiń mindetimiz bola bermek. Endeshe, sizderdiń aldaryńyzǵa bastaýysh synyp oqýshylarynan quralǵan ónerli de sheber, epti de ismer toptardy ortaǵa shaqyramyz. Qoshemetpen qarsy alaıyq!

1 - top: «Sheberler»
Quramy: Arsen Kalıev - 4a
Dılára Nýrjanova - 4v
Adına Tynyshqalıeva - 4a
Nargıza Elekeeva - 2 «v»,
Jetpis Raıd - 2á
Top urany: Sheber bizdiń atamyz,
Sheber bizdiń ájemiz
Sheber bolǵan babam da,
Biz de sheber bolamyz.

2 - top: «İsmerler»
Quramy: Jáńgir Marhaba - 2 «v»,
Mýhanbetkalıev Amırlan - 2 «v»,
Hamıdýllın Temirlan - 4 «»,
Anel DJamalıeva - 4v
Tamerlan Isataı - 4v
Top urany: Eńbekti súı, qurmette,
Kerek bolar eńbek te,
Eńbek etseń emersiń,
Jaqyn bolshy eńbekke»

3 - top: «Eptiler»
Quramy: Mahambet Alıhan - 2 «v»,
Abdrahmanova Iasmın - 2 «v»,
Haıdar Merýert - 2á
Saǵyngereı Janıa - 4v
Meńdibekova Shalqyma - 4v
Top urany: «Eptilik bolsa adamda,
qıyn is joq ǵalamda»

4 - top: «Ónerliler»
Quramy: Aqtaı Raıana - 2á
Zýhrahan Jýmanıazova - 4a
Ramazanov Arman - 4a
Serik Serhan2á,
Jasulan Elnara2á
Top urany: «Ádepti de ónerli,
Eńbeksúıgish balamyz.
Jańa istiń sheberi,
Jasaýshysy balamyz.

Júrgizýshi: Óner, bilim, ónege tunǵan daryn,
Ónerlige óz basym tań qalamyn.
Ónerdi ádildikpen baǵalaıtyn
Tanystyraıyn ádilqazy alqalaryn

Ádilqazy músheleri:
1. Qaraǵoıshına Gúlbaný Jeńisqyzy - №44 JOBB mektebiniń bastaýysh synyp isi jónindegi d. o.
2. Saparǵalıeva Sara Shaımuratqyzy -№34 mektep - gımnazıasynyń bast. synyp isi jónindegi d. o.
3.

Án «Aıgólek»
I - saıys «Atymda meniń syrym bar» (toptardyń ózin - ózi tanystyrýy)
II - saıys: «Tapqyr bolsań, taýyp kór» (beıne suraq)
«Bilekti birdi jyǵady,
Bilimdi myńdy jyǵady.
Inemen qudyq qazǵandaı
Bilimniń shyńyna shyǵady, - deı otyryp, kezekti «Suraq - jaýap» saıysyna beremiz. Endeshe, ekranǵa nazar aýdaraıyq.

Suraqtar:
1. Kompozısıa degenimiz ne?
Qaǵaz betinde sýrettiń barlyq bólikterin oılaǵan taqyrypqa saı, áserli etip ornalastyrý
2. Aplıkasıa degen ne?
Japsyrma degen uǵymdy bildiredi. Ár túrli pishinderdi qaǵaz ne mata betine jelimdep japsyrý arqyly bir zattyń beınesin jasaý.
3. Konstrýktor degen ne?
Eki túrli uǵymy bar: - qurastyrýǵa arnalǵan bólshekter jıyntyǵy;
- qandaı da bir qurylymnyń konstrýksıasyn jasaıtyn maman.
4. Mozaıka týraly ne bilesiń?
Shyny, usaq as, mata, qaǵaz, ermeksaz, keramıka, plasmassa qaldyqtarynan qurastyrylǵan kartına, beıneli sýret.
5. Oımaq týraly ne bilesiń?
İs tikkende ıneni materıalǵa kirgizý úshin jáne ıneni qolǵa shanshyp almaý úshin saýsaqqa kıiletin qatty qalpaqsha. Oımaqty kóbine ájeler qoldanady.
6. «Orıgamı» degen ne?
Qaǵazdan jasalǵan pishinderdi qurastyrýdyń japondyq óneri.
7. Tabıǵı materıaldar qandaı bolady? Aǵashtan jáne ósimdikten alynatyn materıaldar qandaı bolyp keledi?
Tabıǵı materıaldar óte kóp. Olar: japyraqtar, dánder, ósimdik sabaqtary, aǵashtyń butaǵy, tamyry, bezi, qabyǵy jáne taǵy basqalar. Aǵashtan jasalǵan materıaldar qatty, ósimdikten jasalǵan materıaldar jumsaq bolyp keledi.
8. Maqtadan ne alynady? Maqta Qazaqstannyń qaı oblysynda ósiriledi?
Maqtadan mata alynady. Maqta Ońtústik Qazaqstan oblysynda ósiriledi.

Jumbaqtar
1 Qımyldasa qos sheber,
Qyrýar - qyrýar is óner (qol)

2. Bar eken dúnıede jalǵyz kózdi,
Sol kózben dúnıeniń bárin kezdi
Álemdi on segiz myń kıindirip,
Dúnıeden jap - jalańash ózi bezdi. (Ine)

3. Eki tyshqan birlesip,
Qıyp, piship beredi.
Ekeýi birge júrmese
Joq qoı bizge keregi (Qaıshy)

4. Bir shuńqyr,
Bir shuńqyra myń shuńqyr (Oımaq)

III - saıys. Maqaldy jalǵastyr
Júrgizýshi: Maqal - mátel - sóz máıegi, tilegi,
Ár syndarda asyl sózdiń tiregi.
Qarapaıym qazaq tili - óz tilim,
Óz tilimde bulqynady júregim.
Ata dástúr abyroı kótergenge,
O, bul sózder súıekten óter demde,
Toqtalamyz endi biz, al halaıyq,
Qanatty sóz, maqal men mátelderge.

1. Ónerliniń on saýsaǵy teń, (Ónersizdiń bir saýsaǵy kem).
2. Óner izdegen óser..... (Ósek izdegen ósher)
3. Ata kórgen oq jonar, (Sheshe kórgen ton pisher)
4. Ónerliniń qoly altyn, (Óleńshiniń sózi altyn)
5. Eńbektiń nany tátti, (Jalqaýdyń jany tátti)
6. Eńbek - óner órisi, (Óner - ómir jemisi)
7. Ónerli bolý - zeınet, (Ónersiz bolý - beınet)
8. Eńbektiń kózin tapqan... (Baılyqtyń ózin tabady)

Almaty oblysy, Alakól aýdany, Ýsharal qalasy.
Bastaýysh synyp muǵalimi Bekenova Botakoz Sabyrǵalıqyzy

Ár adamǵa óner tán, ónerliniń isi sán. júkteý