InfoHub Logo

Astana. 7 mamyr. Qazaqstannyń saıası arenasynda jańa "Ádilet" partıasy paıda boldy. Partıanyń quryltaı sezinde eks-Prezıdent Ákimshiliginiń basshysy Aıbek Dadebaı partıanyń tóraǵasy bolyp saılandy. Bul sheshim 7 mamyrda qabyldandy.

Bul týraly Infohub.kz aqparat agenttigi habarlaıdy.

"Ádilet" partıasynyń maqsaty

Sıez barysynda partıanyń saıası keńesi qurylyp, jarǵysy bekitildi. "Ádilet" partıasy ózin prezıdenttik reformalardyń jaqtaýshysy retinde tanystyrdy. Partıanyń basty ıdeologıasy – ádildik.

Aıbek Dadebaı óz sózinde ádildikti qazaqstandyqtardyń saıası mádenıeti men kúndelikti ómiriniń mańyzdy bóligine aınaldyrýdy maqsat etetinin atap ótti. Onyń aıtýynsha, ádildik ulttyq mentalıtettiń aıryqsha belgisi bolýy tıis, bul baǵytta Memleket basshysy Qasym-Jomart Toqaev ta únemi nazar aýdaryp otyrady.

Partıanyń qurylý tarıhy

Sáýir aıynyń ortasynda saıasatkerler, jýrnalıser men qoǵam qaıratkerlerinen quralǵan bastamashyl top jańa "Ádilet" partıasyn qurý nıetin jarıalaǵan bolatyn. Partıa progresıvti reformalardy, Ádiletti Qazaqstandy qurý ıdeıasyn, zań ústemdigin nyǵaıtýdy jáne azamattardyń sheshim qabyldaý prosesine qatysýyn keńeıtýdi qoldaıtyny aıtyldy. Partıanyń negizgi maqsaty – jańa Konstıtýsıa men el qundylyqtary negizinde azamattardyń quqyqtary men bostandyqtaryn qorǵaý.

16 sáýirde partıanyń uıymdastyrý komıteti Ádiletti qurý nıeti týraly habarlamany Ádilet mınıstrligine resmı túrde tapsyrdy. "Ádilet" partıasy sezge 5000 músheden kem emes, naqtyraq aıtqanda 9312 adam jınap, zań talaptaryn oryndaǵanyn málimdedi. Sondaı-aq, ár oblystan jáne respýblıkalyq mańyzy bar qaladan keminde 200 adamnan múshe jınaý sharty da oryndalǵan.

Resmı derekterge súıensek, sıezge Qazaqstannyń barlyq óńirlerinen 1000-nan astam delegat qatysty.