InfoHub Logo

Jadyraǵan jaz mezgili de ótip, kúńirengen kúz mezgili jazdyń ornyn basyp jetti. Japyraqtyń reńi jasyl tústen aırylyp, tabıǵı jolmen altyndaı sary túske aınaldy. Tabıǵat qulazyp, ásem áýen shyrqaǵan qustar da joq. Aǵashtar salqyn jel lebinen teńselip turǵandaı kórinedi. Ár adamǵa arman bolǵan, Astana qalasynyń kúz minezi sekildi muńaıǵan aǵashtardyń arasynda, bir boıjetkenniń yqsyp-yqsyp jylaǵan dybysy estildi. Óz-ózin tejep alady, biraq kózinen monshaqtaı tógilgen jasyna erik bere almaıdy. Ol boıjetkenniń esimi — Aıajan edi. Aıajan ata-anasynyń jalǵyz qyzy. Ata-anasy Aıajandy eshteńeden kemsitpeı, qıynshylyqtyń dámin tatqyzbaı baǵyp qaqty. Aıajan jastaıynan án aıtyp, bı bılep, óleń jazyp, janyndaǵy adamdarǵa qoldan kelgen kómegin kórsetip, úlkenderdiń aq batasyn alyp júretin. Mektebinde de qatarlastarynyń arasynda syıly, úzdik oqýshy bolatyn. Ýaqytynyń árbir mınýtyn bosqa ótkizbeı, jany qalaǵan isimen aınalysatyn. Bul baldyrǵan balalyq kúnderi artta qalyp, mektebin úzdik bitiredi. Jazǵy demalys kúnderi aıaqtalyp, úıdegi ata-anasymen qımaı-qımaı qoshtasyp, aq úmitterin arqalap, arman qýyp, Astana qalasyna keledi. Ózi balalyq shaǵynan armandap júrgen sáńger mamandyǵyna oqýǵa túsip, oqýyna tyńǵylyqty kirisedi. Kúnde qolyna qalam men qaǵaz alyp, aýyldaǵy ata-anasyna úzbeı hat joldap turady. Joǵarǵy oqý ornynda kóptegen dostar taýyp, tanysyp, til tabysady. Aısáýle esimdi boıjetkenmen birinshi kúnnen-aq uǵynysyp ketedi.

Sabaqtary bitkennen soń, kúnde bir-biriniń, kınoǵa, bı ortalyqtaryna baryp júredi. Keshki bir ýaqytta Aısáýle Aıajandy bı ortalyǵyna shaqyrady, alaıda Aıajannyń qalaýy bolmasa da, Aısáýle óz degenine kóndiredi. Bara sala, Aıajandy kórikti de symbatty jigitpen tanystyrady.Ol jigittiń esimi — Qýanysh edi. Aıajandy qyzý áńgimeniń ortasynda, Qýanyshtyń Aısáýleniń aǵasy ekenin bilip, tańyrqap qalady. Eki jas bir-birin qatty unap, bir kórgennen ǵashyqtyq sezim paıda bolady. Osy tanystyqtan keıin jaqyn tanysyp, sóılesip ketedi. Birge saıabaqta júrip, keleshekte birge bolatyn ómirleri jaıly syr tarqatyp, kózderine elestedi. Osyndaı bir kúnderi Qýanysh Aıajandy kenetten saıabaqqa shaqyryp, óziniń Almaty qalasyna shaqyrtý alǵany týraly mán jaıdy baıandaıdy. Aıajannyń kúlimsiregen júzi bul jaıtty estigende sý sepkendeı basylyp ketedi. «Qalaısha men seni alysqa jibere alamyn?» — degen qıyn sózderin jetkizse de, bir aýyz sózben shaqyrtýdy jaýapsyz qaldyrýǵa bolmaıtynyn biletin. Amal barma, súıgenin alys jerge jiberip, jabyrqap qala berdi.

Aısáýle Aıajanǵa qoldaý kórsetip júredi. Kúnder jyljyp óte berse de, Aıajan óz súıgenin taǵatsyzdana kútip júredi. Ýaqytyly pochta arqyly hat jazysyp, bir-birin kórýge asyq ekendigin jetkizgendeı bolady. Qurbysy Aıajanǵa súıgeniniń kelýine áli kóp ýaqyt bar ekendigin, ol kelgenshe kóńil kóterip, jigittermen tanysyp, bilisýin ótinedi, al Aıajan bolsa, múldem kelispeıtin. Qystyń bir aıazdy salqyn kúniniń biri edi..

Bul kúnniń ereksheligi — Aısáýleniń dúnıe esigin ashqan kúni. Óziniń qurbysyna syılyq tańdap júrip, ýaqyttyń qalaı tez ótip ketkenin, ańǵarmaǵanyn, túsinistik kórsetýin ótinedi. Bári maquldap, týǵan kún keshin keremet kóńil kúıde ótkize bastaıdy. Aısáýleniń Aıajan tanymaıtyn dostarynyń arasynan ózine degen qaraǵan bir suńǵaq boıly jigitti baıqap qalady. Ol jigit Aıajannyń janyna jaqyndap, jyly-jyly sózdermen Aıajannyń kóńilin baýrap, ishine enip alady. Aıajandy aram sýǵa aldap toıdyryp, óz oılaǵan oıyn oryndaıdy. Tań atysymen Aıajan qatty bas aýyrǵanynan oıanyp ketedi. Jan-jaǵyna kóz salyp, qurbysy Aısáýleniń úıinde jatqanyn ańǵarady. Janyna kóz qıyǵyn salsa, keshegi beıtanys jigittiń janynda jatqanyn baıqap, ornynan lezde atyp turady. Ne isterin bilmeı, basqalardyń oıanǵanyn kútpesten apyl-ǵupyl kıinip, úıden kózine jas alyp shyǵyp ketedi. Keshegi bolǵan oqıǵany esine túsire almaı, qatty qınalyp sarsań bolady.

Bir aı bir kún sekildi ótip ketedi. Aıajannyń kútýge qorqyp júrgen oılary oryndalyp edi. Aıajan óziniń qursaǵyna bala bitkenin bilgende ómirden túńilip, odan beter qınalyp, tynyshtyqta ómir súredi. Janyndaı jaqsy kóretin qurbysy Aıajandy jeniltekke sanap, onymen qarym-qatynasyn úzedi. Aıajan jataqhanada turýdan bas tartqannan soń, ata-anasy týystarynyń úıine ornalastyrǵan bolatyn. Týystary bul jaǵdaıdy bilgenen soń, Aıajandy kıimderimen birge laqtyrǵandaı bop, qaralap úıden qýyp jiberedi. Barar jeri, basar taýy qalmaǵanyn túsinedi. Ózin asyraý úshin, kúndiz aýrýhananyń edenin jýsa, al keshke oıyn-saýyq ortalyqtarynda án salady. Sóıtip, osylaı júrgende sabaǵy nasharlap, emtıhannan súrinip, tegin oqýynan aıyrylady. Taǵatsyzdana kútken súıiktisi áskerden kelip, Aıajannyń júkti ekenin bilgende, óń-boıy ashýǵa tolyp, aýyr sózdermen júregin jaralap qosh aıtysady. Kelesi kezekte qursaǵyndaǵy sábıdiń ákesin sharq uryp, áreń degende tapqanda, olda sábıdiń ákesi ekenin moıyndamaı bas tartady. Ne isterin bilmegen Aıajannyń oıynda tek ata-anasy ǵana. Basy ábden qatyp, aýyldaǵy úıine qaıtýdy jón sanaıdy. Úı ishine mán-jaıdy baıandaǵanda, ákesininiń júregi bul estigen jaıttarǵa shydamaı dúnıeden ótedi. Aıajan bul bolǵan oqıǵaǵa ózin-ózi kináláp, qol jumsamaq ta bolady, biraq ta anasy der kezinde kelip qaldy . Tek janynda qalǵan anasy Aıajanǵa demeý bolyp, aýyldaǵy olar jaıly aıtylǵan sybystarǵa qaramastan, qursaǵyndaǵy sábı men Aıajanǵa kútim jasaıdy. Aıajan aı kúni jetip, dúnıege súp-súıkimdi, perishtedeı sulý, súıkimdi qyz balany alyp keledi. Dúnıege jańa ǵana kelgen sábıge Aıajan burylyp ta qaraǵan joq. Tek Aıajannyń anasy ǵana sábıdi qushaqtap, ıiskep, maýqyn basyp alady. Óz-ózine kelgennen keıin Aıajan sábıdi anasyna tastap, burynǵy qalasyna attanyp ketedi.

Sábıdiń ákesin izdestirip júrgende, onyń túrmege urlyq jasap, adam óltirip jasaǵan qylmystaryn biledi. Burynǵy súıgeniniń qazirgi ýaqytta otbasy bolǵanyda estildi. Otbasylyq baqytty Aıajanǵa sábıdiń ákesin izdestirýde úlken kómek kórsetken ınspektor jigitinen tabady. Bir jetim balanyń bir tıynǵa zárý bolǵanyn kórip, qyzyna degen analyq mahabbaty oıanyp ketedi. Qyzyn qushaǵyna qysyp, odan keshirim suraıdy. Aı saıyn Aıajan otbasymen ákesiniń zıratyna kelip, aǵashtarǵa súıenip, ómiriniń artynda qalǵan qıyndyqtardy esine túsirip, ákesiniń ózi úshin dúnıeden ótkenin oılasa, qatty eńkildep jylap alady. Biraq qazir Aıajan óte baqytty. Óıtkeni, janynda adal súıgen jary, bóletken úsh búldirshini men aıaýly anasy bar, bir ókinishtisi asqar taýdaı ákesi joq. Ómirde ár adam baqytty bola bermeıdi. Qudaı jaqsy adamdardy aldymen qıyn jaǵdaılardan ótkizip qana baqytty etedi, al zulym minezdi adamdardy birinshi rahat ómirge bólep, artynan tozaq otyna jandyrady. Bul ómir zańdylyǵy. Sondyqtan da qazirden bastap baqytty ómir súrgin kelse, jaqsylyq jasa! Jaqsylyq jasaýdan jalyqpa!

Aıdana Boranbaeva Inovasıalyq Eýrazıa Ýnıversıtetiniń 4 kýrs stýdenti

---