InfoHub Logo

Qyzylorda oblysy, Qazaly aýdany, Qazaly aýyly,
№100 mektebiniń tálimgeri Pshanova Aıgúl Ábýbákirqyzy

Maqsaty: Oqýshylardy ata - ana sóziniń mánin uǵynýǵa úıretý, otbasy músheleriniń arasyndaǵy baýyrmaldyqty, syılastyqty dostyq qarym – qatynasty qalyptastyrý.
Ana úshin aıanba - ant urady,
Bala úshin aıanba - betiń kúıedi.
El úshin aıanba - erligińe syn,
Jurt úshin aıanba - jigittigińe syn. (B. Momyshuly)

Anam maǵan”úlkendi syıla” degen,
Sol sóz maǵan izgilik quıǵan eren.
Úlkenderden aýysqan kishilikti,
Úlkenderdiń ózine syıǵa berem. ( M. Maqataev).

Jel besikten jer besikke deıingi adam ómirindegi tárbıeniń uıtqysy ata - ana men mektep. Bolashaq desek te, Keleshek desek te bala «urpaq» degen maǵyna bildiredi.
Adamnyń ózge tirshilik ıesinen aıyrmashylyǵy – ómirge perzent ákelgen soń onyń bolashaǵyn oılaý, adam etip tárbıeleý. Osyǵan oraı Uly Abaı atamyzdyń «Otyz tórtinshi qara sózinen» úzindi tyńdap kóreıik:
...« Adam balasyna adam balasynyń bári – dos. Ne úshin deseń, dúnıede júrgende - týysyń, ósýiń, toıýyń, ashyǵýyń, qaıǵyń, qazań, dene bitimiń, shyqqan jeriń, barmaq jeriń – bári birdeı, ahıretke qaraı - ólýiń, kórge kirýiń, shirýiń, mahsharda suralýyń – bári birdeı, eki dúnıeniń qaıǵysyna, pálesine haýpiń, eki dúnıeniń jaqsylyǵyna rahatyń bári birdeı eken. Bes kúndik ómiriń bar ma, joq pa? Birińe - biriń qonaq ekensiń, óziń dúnıege de qonaq ekensiń, bireýdiń baǵyna, malyna kúndestik qylyp, ıa kórseqyzarlyq qylyp kóz alartyspaq laıyq pa?» - dep Abaı atamyz aıtyp ketkendeı, myna qysqa ómirde adam óz ómirin qurmettep, baǵalaı bilýi kerek dep oılaımyn.