Sońǵy jańartý

(Ózgertilgen ýaqyty 4 kún buryn)
Qyzyqty gramatıka
Qazaq tilinde oqytylatyn orta mektepterdiń 3 - synybyna arnalǵan fakúltatıvtik kýrsqa jyldyq jospar men sabaq josparlary

Túsinik hat
Qazirgi mekteptiń úshinshi synybyndaǵy qazaq tili pánine qosymsha sabaq retinde «Qyzyqty gramatıka» fakúltatıv sabaǵyn aldym. Bul qosymsha sabaq aptasyna bir saǵat, oqý jylynda barlyǵy – 34 saǵat ótkiziledi.
Bul fakúltatıv sabaqty alý sebebim: jalpy oqýshylardyń gramatıkalyq taldaý daǵdysyn damytý, saýatty, ári kórkem jazýǵa baýlý. Sonymen qatar oqýshylarǵa jan - jaqty izdenýge arnalǵan tapsyrmalar bere otyryp, oqýshylardyń alǵan bilimderin pysyqtap, saýatty jazý daǵdylaryn qalyptastyrý, óz betinshe taldaýǵa úıretý. Oqýshylardyń boıyndaǵy shyǵarmashylyq qabiletter ashý jáne ony damytý.
Qazaq tiliniń dybystyq júıesin, leksıkasy men gramatıkalyq qurylymyn tereń meńgertý, bir júıede saýatty jazý, tildik – gramatıkalyq qurylymdy oryndy paıdalaný osy pándi oqytýdyń negizgi maqsaty bolyp tabylady. Bul turǵydan alǵanda, oqýshylardyń bilimderin pysyqtaý men tekserýge arnalǵan gramatıkalyq tapsyrmalar, taldaý jumystary, dıktant jumystarynyń alatyn orny erekshe. Saýatty jazý – durys oılaýdyń kórinisi. Endeshe bul fakúltatıv sabaq - oqýshylardyń dúnıetanymyn keńeıtip, olardyń oılaý, shyǵarmashylyq qabiletterin arttyrýǵa, jazý daǵdylaryn damytýǵa kómegin tıgizedi.

Qazaq tili /fakúltatıv/
Sabaqtyń taqyryby

1. Dybys. Árip. Sóz
2. Sózdik dıktant jumysy (dybystyq taldaý jumystary)
3. Qyzyqty gramatıkalyq tapsyrmalar
4. Shyǵarmashylyq dıktant
5. Sóılem (taldaý jumystary)
6. Sóılem músheleri
7. Turlaýly músheler
8. Turlaýsyz músheler
9. Kórý dıktanty. (kórkem jazý)
10. Tirek syzbalarmen jumys
11. Terme dıktant
12. Kartochkalarmen jumys
13. Jalań jáne jaıylma sóılem
14. Qaratpa sóz, tynys belgileri
15. Dıdaktıkalyq materıaldarmen jumys
16. Ózdik dıktant
17. Ashyq test jumysy
18. Mátin, mátinniń túrleri
19. Eskertý dıktanty
20. Mándes sózder /sınonım/
21. Qarama - qarsy maǵynaly sózder /antonım/
22. Maǵynasy ártúrli sózder /omonım/
23. Sóz quramy
24. Túbir men qosymshanyń jazylýy
25. Túbir jáne týyndy sóz
26. Sóz taptary
27. Zat esim
28. Etistik
29. Syn esim
30. San esim
31. Grafıkalyq jattyǵýlar.
32. Test jumysy
33. Baqylaý dıktanty
34. Jyl boıy ótkendi qaıtalaý

Qurastyrǵan: Z. Q. Myqtybekova
Bastaýysh synyp muǵalimi
Ómirlik orta mektebi

Tolyq nusqasyn júkteý

You Might Also Like

Jańalyqtar

Jarnama