InfoHub Logo

Maqsatym:
Ómirdegi ornyn túsine biletin, tereń bilimdi, jan - jaqty damyǵan tulǵa retinde qalyptasý.
Mindetteri:
1. Otandy, ultty, tildi súıý;
2. Shyǵarmashylyqpen jumys isteı bilý;
3. Qoǵamdaǵy óz ornymdy taba bilý.
Jospar
İ. Kirispe.
İİ. Negizgi bólim.
a) Qazaqstandaǵy jáne jekelegen elderdegi baqyttyń halyqaralyq ındeksi (BHI);
á) Baqyttyń máni.
İİİ. Qorytyndy.
«Baqyt degenimiz – adamnyń ózine ózi razy kezi» (Maksım Gorkıı)

İ. «Ózin - ózi bilgen – er baqytty, ózin - ózi bılegen el baqytty» degen halyq maqalyn búgingi aıtar oıymnyń túp qazyǵy etip almaqpyn. Netken danalyqpen, kóregendikpen aıtylǵan sóz! Týǵan eliń, Otanyń quldyqta bolsa qaıdaǵy baqyt?! Quldyqtaǵy el tógilgen terdiń, eńbektiń jemisin esh ýaqytta kóre almaıdy, oı erkindigi týraly aıtýdyń da qajeti joq. Qudaıǵa shúkir, «myń ólip, myń tirilgen» qazaq táýelsiz el boldy. Ǵasyrlar boıy ańsaǵan baqyt qusy qolymyzǵa qondy. Qazaq halqy baqytty qusqa teńeıdi, onyń máni nede? Qus qolǵa ońaıshylyqpen qonbaıdy, qonǵan eken ony aıalaı bilmesek, baptaı bilmesek, qadirin bilmesek qalaı ushyp ketkenin bilmeı qalamyz. Baqyttyń shalǵaıynan basyp, kúshpen ustap turýǵa bolmaıdy, - degen eken uly oıshyl Saıf Saraı.

Qazirgi ýaqytta tehnıka men tehnologıalardyń qarqyndy damýy jaǵdaıyndaǵy jahandaný dáýirinde memlekette áleýmettik - ekonomıkalyq jańǵyrtý saıasatyn júzege asyrý arqyly izgi qoǵamǵa qol jetkizý basty másele bolyp otyr. Qoǵamdy ózgertýshi kúshtiń biri adam bolǵandyqtan, qoǵamnyń izgiligi adamdardyń ıgiliginen, adamı is - áreketterinen, olardyń órkenıettik ozyq úlgileri boıyna sińirýinen jáne ózindik bolmysyn saqtap qalýynan negiz alady. Osy turǵydan Elbasy N. Á. Nazarbaev áleýmettik - ekonomıkalyq jańǵyrtý saıasatyndaǵy on baǵyttyń biri retinde «Qazaqstandaǵy adam kapıtalynyń sapaly ósýine» basa nazar aýdardy.

İİ. Baqyttyń halyqaralyq ındeksi (BHI) adamdardyń ál - aýqaty men qorshaǵan orta jaǵdaıyn beıneleıtin ındeksten turady. Ony 2006 jyly New Economics Foundation usynǵan.
Indekstiń basty maqsaty – jan basyna shaqqandaǵy İJÓ - di esepke almastan, ulttyń ál - aýqatyn beıneleý. Bul ındekste adamdardyń túpki maqsaty birinshi kezekte baqytty jáne deni saý bolý kerek degen basty shart retinde alynady.
BHI adamdar uzaq jáne tolyqqandy ómir súrgisi keledi, al elder qolda bar resýrstardy oıly paıdalanyp, qorshaǵan ortaǵa nuqsan keltirmeı, óz azamattarynyń ál - aýqatyn barynsha jaqsartýǵa qol jetkizý úshin múmkindikterdiń bárin jasaýǵa umtylady degen jalpyǵa birdeı qaǵıdalarǵa negizdeledi.