InfoHub Logo

Taqyryby: Besik jyry
Maqsaty:
Bilimdilik: Oqýshylardyń boıyna halqymyzdyń rýhanı baılyǵyn ıgertýge, ulttyq ozyq dástúrden úlgi alýǵa baýlý
Damytýshylyq: Halqymyzdyń salt - dástúr mádenıetin, ózindik úlgi ónegesin balalar boıyna sińirý. Kóshpeli ǵumyr keshken babalarymyzdan qalǵan qasıetti besiktiń, balaǵa aıtylatyn besik jyrynyń bala ómirine paıdalylyǵyn uǵyndyrý.
Tárbıelik: Oqýshylarǵa halyqtyq mol qazynany qurmetteýge tárbıeleý.
Kórnekiligi: Interaktıvti taqta, besik, arba, plakatqa jazylǵan sózder.
Qoldanylatyn ádis - tásilder: Túsindirý, kórnekilik, suraq - jaýap

Sabaqtyń barysy:
I. Uıymdastyrý kezeńi
A) Oqýshylarmen sálemdesý
B) Oqý quraldaryn daıarlatý
Shattyq sheńberi:
Kúnge qarap kúlemiz,
Iilip sálem beremiz.
Baqyt, shattyq syılaısyń,
Kúnim saǵan senemiz.

II. Ótkendi qaıtalaý:
Balalar biz sendermen «Jazdygúni shilde bolǵanda degen» úlken taraýdy aıaqtadyq. Sol taraýdy qorytyndylap test jumysyn oryndaıyq
(Balalar test jumysyn oryndap, ózderin ózderi baǵalaıdy. Durys jaýap
taqtaǵa ilinedi).

III. Jańa sabaq:
Balalar búgin biz sendermen «Sarqylmas qazyna» degen taraýdy bastaımyz. Bul taraýdada birneshe taqyryptar qamtylǵan.
Besik jyry
Tórt túlik týraly jyrlar
Ertegiler
Sheshendik sózder
Maqal - mátelder
Jumbaqtar
Sendermen búgingi ótetin taqyrybymyz «Besik jyry».
Besik degen ne?
Ony kórgenderiń bar ma?
Muǵalim:
Besik - kóshpeli ǵumyr keshken babalarymyzdan qalǵan qasıetti mura.
Qazaqta «El bolamyn deseń, besigińdi túze» degen ulaǵatty marjan sóz bar.
Olar tegin aıtylmaǵan.
Besik - ulttyq ónerimizdiń týyndysy, saltymyzdyń jurnaǵy, ulttyq tárbıe
quraly. Kóship - qonǵan halqymyzdyń ǵasyrlar boıy tájirıbesinen týyndaǵan, ýaqyt zaman synynan súrinbeı ótken kıeli besiktiń ózindik ereksheligi, turmysqa beıimdiligi, bala ómirine paıdalylyǵy orasan zor.
Besiktiń eń qarapaıym túri qaıyń, tal, taǵy basqa ońaı ıiletin ári jeńil aǵashtan jasalady. Besiktiń quramy 15 bólikten turady.
Olar: bel aǵash, eki bógen, tórt jaqtaý, tórt shabaq, eki sabaý, eki jorǵadan turady. Qazaq durys bólenip, besik kórgen balanyń deni saý, tárbıesi túzý bolady deıdi. Sondyqtan balany besikke bóleýdiń máni zor. Besikke bólegennen keıin qońyrqaı ásem daýyspen besik jyry aıtylady.

VI. Dáptermen jumys:
Balalar dápterimizdi ashyp, Búgingi kúnniń reti men taqyrypty jazyp alaıyq.
Beınesújet
Balalar osy mekteptiń úlgili aǵa ustazy, kópti kórgen anamyz, búgingi kúni áje bolyp otyrǵan Jumaǵaısha muǵalimniń beınesújetin tamashalaıyq!
Endi myna beınesújetti tamashalaıyq!

Sergitý sáti:
Besik, besik, besik,
Sen arqyly bilimge ashtyq esik.
Senen alǵan tárbıeniń negizinde,
Keledi urpaqtaryń túzý ósip.

VII. Oqýlyqpen jumys:
Balalar oqýlyǵymyzdyń 302 - inshi betin ashyp «Besik jyryn» túsinip tizbekteı oqyp jibereıik.(oqýshylarǵa tizbekteı oqytý).

Tusaý kesý rásimi: Qaz basyp júre bastaǵan sábıdiń tusaýyn keserde,
ony úsh túrli tilekpen kesedi. Birinshi, balanyń tuqymy shópteı kóktep óssin dep, aıaǵyn shópten esken jippen kesedi. Ekinshi, maly kóp jáne semiz kúıli bolsyn dep aıaǵyn tik ishekpen kesedi. Úshinshiden, Adal bolsyn bireýdiń ala jibin attamaıtyn shynshyl bolsyn dep, balanyń aıaǵyn ala jippen kesedi.

Muǵalim:
Balalar burynǵy kezde ata - babalarymyz balaǵa besikti qoldansa, qazirgi
damyǵan kezde besiktiń ornyna túrli arbalardy qoldanýda. Ony myna beıne
sújetten tamashalaı alasyzdar.( Súıinshi, súıinshi).

Sabaqty bekitý:
Mynandaı suraqtarǵa jaýap berip jibereıik.
A) Anasy balasyn qalaı jubatady?
B) Óleń nelikten «Besik jyry» dep atalǵan?
V) Balanyń tusaýyn keserde neshe túrli jippen kesedi?
G) «Kóp qıynnan ótersiń» degen joldyń maǵynasyn túsindir?

Balalar úıge ózderiń biletin besik jyrlaryn daıyndap kelýge bergen bolatynbyz. Qáne, kim aıtady?
Qorytyndylaý:
Sonymen, búgin sender besik týraly, besik jyry týraly biraz maǵlumattar bildińder. Besik sıaqty qasıetti qundylyqty saqtaı bileıik. Saý bolyńdar.
Baǵalaý