InfoHub Logo

8 synyp
Taqyryby: «Tabıǵat - tal besigiń, aıalaı bil!»
Maqsaty:
Adamǵa qajetti tabıǵattyń qundylyǵy men tabıǵattyń baılyǵyn saqtaýdaǵy adamnyń roli týraly uǵymdy tereńdetý, tabıǵatty emosıalyq sezýdi damytý, tabıǵatqa degen qamqorlyq qatynasyn damytý.
Ádisteri: jyl mezgilderine, tabıǵattyń tamasha kórinisterine sýret salý, túrli sezimderdi, oıyn - tapsyrmalardy toppen áńgimeleý, shyǵarmashylyq jumys, «tynyshtyq mezeti», praktıkalyq jumys.
Qosymsha quraldar: «Sarjaılaý» kúıi jazylǵan uıaly telefon, qaǵaz paraqtary, tústi qaryndashtar.

Sabaqtyń barysy:
1. Shattyq sheńberi. Balalardy shattyq sheńberine turǵyzamyn, qolymyzdan ustap
Armysyń, shapaǵatty kúnimiz!
Armysyń, meıirimdi jerimiz!
Armysyń, tabıǵat anamyz!
Keldi Sizge ózińizdiń balańyz! – dep óleń shýmaǵyn barlyǵymyz daýystap aıtamyz.
«Tabıǵat tamashalary» atty shyǵarmashylyq tapsyrmalardyń oryndalýyn qorytyndylaý.
Sabaqtyń epıgrafynan A. Franstyń «Adam tabıǵatqa táýeldi bolsa,
Tabıǵat ta oǵan táýeldi» - dáıek sózin oqımyn. Sodan keıin teńiz shýy, qustardyń án salýy, japyraqtardyń sýsyly degen tabıǵatqa arnalǵan mýzykalyq shyǵarma «Saryjaılaý» kúıi oınalady. Balalar salǵan sýretteri boıynsha tabıǵatty kórkem beıneleıdi, sodan keıin bárimiz birge kimniń sýretteri jarqyn jáne tabıǵattyń tilin túsinýge úırený qajet ekenin áńgimeleımiz.
«Adam - tabıǵattyń patshasy» degen uǵymy bar.
Osy uǵymmen siz kelisesiz be?

Tabıǵatty súıý jáne túsiný degen ne?
Tabıǵatpen kezdesýden qalǵan jarqyn mezetterdi esińe túsir. Ol týraly áńgimelep ber.
Sizdiń oıyńyzsha, tabıǵat adamdy seze jáne túsine bile me?
Dáptermen jumys:
Dápterde 1 tapsyrmany oryndaý. Balalardyń sýretterinen «Biz jáne tabıǵat» kórmesin uıymdastyrý. Barlyq yqylas bildirgender sóz sóıleıdi.

Tynyshtyq mezeti:
Barlyqtaryńyz kózderińizdi jumyńyz. Siz tabıǵattyń eń kórkem jerinde ekenin elestetińiz. Jasyl shóp sizdiń aıaǵyńyzdy sıpap jatqan sezimde bolasyz (tynyshtyq). Kúnniń kózi jer betin qyzdyrýda (tynyshtyq). Siz gúldiń, shóptiń jáne baldyń ıisin sezesiz (tynyshtyq). Siz áli ózenniń syńǵyrlaǵanyn, kóńildi qustar án salyp jatqanyn estısiz..... (tynyshtyq).
Tynyshtyqta turyp, ózimizdi tyńdaıyq, tabıǵat - anamyzdy tyńdaıyq. Alaqandaryńyzdy kúnniń kózine jaıyńyz. Kók aspannan jáne kúzgi jerdiń sýyǵy aǵatyn jyly kúnniń sáýlelerin sezińiz (tynyshtyq). Qazir biz kózimizdi aqyryn ashyp, basqa jaqqa qaraı qolymyzdy jaıyp, bizge ómir, densaýlyq, qýanysh jáne jaqsy kóńil kúı syılaǵan Ana - Tabıǵatqa «Rahmet» dep aıtamyz.
Sizge «Tynyshtyq mezeti» unady ma?
Tabıǵatta serýendegende senderde qandaı sezimder bolady? (Balalardyń oıyn tyńdaý).

Oqýlyqtarmen jumys:
Q. Tolybaevtyń «Qaıyńnyń qasireti» áńgimesin oqý. Áńgime mátini boıynsha pikirlesý.
- Adamdar tabıǵatqa nelikten zalal keltiredi?
- Tabıǵat ta jylaı ma?
- Tabıǵattyń zańdylyqtaryn buzý qandaı jaǵdaıǵa ákep soqtyrady?
Sýretterge qarap, tabıǵat apattarynan saqtanýdyń joldaryn kórsetetin joba jasaý.
Tabıǵatty taný - bul qyzyqtyratyn tanymdy proses, qazir biz qaıtadan kóz jetetin ózindi taný sekildi.
Oılańyz jáne sýret salyńyz: siz minezińiz boıynsha kimge nemese nege kóp uqsaısyz, mysaly: gúlge, shyńǵa, aǵashqa, aspanǵa, qusqa t. b.
Bir - biriniń sýretteri boıynsha balalar qandaı da bir keskin kimge uqsaıdy jáne nege ekenin túsindiredi.

«Júrekten júrekke deıin» sheńberi:
Bizde qandaı tamasha «Ózin - ózi taný» sabaǵy ótti. Men barlyq balalardy «Júrekten júrekke deıin» sheńberine turýǵa shaqyramyn. Bir - birimizdiń qolymyzdan myqtap ustaıyq. Biz búgin óte kóp jáne qyzyqty jańalyqtardy estidik. Biz - «Tabıǵat – Ana» deımiz. Ana - tabıǵat, al adam – tabıǵattyń bólshegi. Adam, ósimdikter, aǵashtar, gúlder, janýarlar, qustar, jándikter, andar – Ana - Tabıǵattyń bólshegi. Biz olarǵa qamqorlyq jasap, qorǵaýymyz qajet - olar Jerdiń injý - marjany, ómirdiń baǵa jetpes áshekeıi.
Ózin - ózi taný – tabıǵat – bul baǵa jetpes syı ekenin este ustaýǵa úıretedi. Sondyqtan da biz Ana – Tabıǵatty qasterleýimiz qajet.