InfoHub Logo

Beıneleý óneri, túrleri, saıahat sabaq, murajaılar, sándik qoldanbaly óner, sáýlet óneri, músindeý, keskindeme, grafıka, sýret, qaryndashpen sýret salý, boıaý týraly logıkalyq suraq, Oral Tańsyqbaevtiń shyǵarmashylyǵy, Jeńis Kákenovtyń portretteri, qazaq músinshileri, Ǵ. Iláev jáne T. Basenov oıý – órnekteri Qazaqstandaǵy 7 keremet, prezentasıasymen

4 synyp
Sabaqtyń taqyryby: Beıneleý óneriniń túrleri.
Sabaqtyń maqsaty:
Oqýshylardy tanymal sýretshilerdiń shyǵarmalarymen tanystyrý, sýret óneriniń elementarlyq negizi týraly bilim berý.
Oqýshylardyń baıqaǵyshtyǵyn, kórý arqyly qabyldaýyn damytý.
Elimizdiń qoǵamdyq ómirine belsene aralasýyna qabiletti, bilimdi, tárbıeli azamattaryn azamatyn tárbıeleý.
Sabaqtyń túri: saıahat sabaq
Sabaqtyń ádisi: suraq - jaýap
Sabaqtyń kórnekiligi: reprodýksıa, taqta, slaıd, shaǵyn kórme.
Sabaqtyń barysy:
1. Uıymdastyrý kezeńi
Sálemdesý. Oqýshy nazaryn sabaqqa aýdarý. Sabaqtyń taqyrybyn jarıalaý.
Sılýet sýretterge qarap otyryp «beıneleý» sózin qurastyrý( besik, erin, ıne, nan, etik, laq, eki, ýyq ) Oqýshylardy sabaqtyń maqsatymen tanystyrý.
2. Saıahat jasaý
- Balalar, búgin biz «sıqyrly kilemge» jaıǵasyp saıahatqa shyǵamyz. Aldymyzda beıneleý óneri týyndylary jınaqtalǵan «sýret», «grafıka», «keskindeme», «músin», «sáýlet óneri» jáne «sándik qoldanbaly óner» murajaılary kútip tur. Sol
murajaılarǵa jetip kirý úshin berilgen tapsyrmalardy oryndaý qajet, suraqtarǵa durys jaýap berý kerek.
- Al, qane «sýret» murajaıyna saıahatqa baraıyq.
1. Tapsyrma: a/ Sýret degenimiz ne?
á/ Sýret salý quralyn ata
b/ Sýret tarıhy qaıdan bastaý alady.
v\ Jumbaq sýrettiń jaýabyn sheshý.
Murajaıǵa kirýge qol jetkizdik ( slaıd kórsetý) Karandashpen oryndalǵan nobaı sýretter tanystyrý, qolmen salyp kórsetý.

Endigi saparymyz «grafıka» murajaıy
2. Tapsyrma: a/ Grafıka sóziniń qazaqsha maǵynasy
á/ «Grafıka» sózi qaıdan shyqqan?
b/ Qazaqstandaǵy grafık sýretshilerdi ata
v/ «grafıka» sózinen beıneleý ónerine qatysty 7 sóz oılap tap.
(gýash, reprodýksıa, akvarel, freska, ılústrasıa, kompozısıa, avtoportret)
«Grafıka» murajaıyn tamashalaıyq (slaıd kórsetý) Jeńis Kákenovtyń grafıkalyq týyndylaryn kórsetý, tanystyrý

Saıahatymyzdy jalǵastyraıyq, bizdi «keskindeme» murajaıy kútip tur.
3. Tapsyrma: a/ Keskindemege qajet qural - jabdyqtardy ata
á/ «Jıvopıs» degen ne?
b/ Keskindemeniń qandaı túrleri bar?
v/ boıaý týraly logıkalyq suraq berý

Keskindemelik týyndylary bar murajaıdy kórip, taldaý. Oral Tańsyqbaev týraly slaıd kórsetý.

Saıahatty jalǵastyraıyq, «músinder» murajaıyna jol tartaıyq.
4. Tapsyrma: a/ Ertede qazaq jerinde músinder bolǵan ba?
á/ Músin qalaı jasalady?
b/ Músin neden jasalýy múmkin?
v/ Qazaq músinshileri kimder?
«Músin» murajaıyn aralaý, kórý, tanysý ( slaıd)
Esken Sergebaev jáne Hakimjan Naýryzbaevtyń shyǵarmashylyǵy týraly maǵlumattar berý.

Saıahatymyz «sándik qoldanbaly óner» baǵytynda jalǵasady.
5. Tapsyrma: a/ Qazaq qolóneri degenimiz ne?
á/ Qolónerdiń qandaı túrleri bar?
b/ Ulttyq oıý - órnekti zerttep, damýyna úles qosqan sýretshi
qolónershiler kimder?
v/ Bas kıimge qandaı oıý - órnekter salynýy múmkin?
Oqýshylardyń jaýaptaryn tolyqtyryp, olardy «oıý - ónek» álemine jeteleý.
«Oıý - ónek túrleri» slaıdymen tanystyrý. Ǵ. Iláev, T. Basenov eńbekterine toqtalý.
- Al, endi bizdiń sońǵy baǵytymyz «sáýlet óneri»
6. Tapsyrma. a/ «Sáýlet» sózin basqa tilderge aýdaryp kóreıik.
á/ Eń ejelgi tanymal, saqtalyp qalǵan sáýlettik qurylys qaı jerde?
b/ Qazaqstandaǵy 7 keremetti atap ber.
v/ Sen týyp ósken jerde sáýletti qurylystar bar ma?

Oqýshylardy baǵalaý.
1. Belsene qatysqan oqýshylardy marapattaý.
2. Oqýshylardyń bilimin salystyra otyryp baǵalaý.
Oı tolǵaý
- Men ne bilemin?
- Men ne bilgim keledi?
Sabaqty qorytyndylaý.
Biz búgin beıneleý túrlerin eske túsirdik. Sýretshi shyǵarmalary qorshaǵan ortany, tabıǵatty, ómirdegi qubylystardy tanyp bilýge, sulýlyqty sezine bilýge jeteleıdi.