InfoHub Logo

Amıak jáne onyń qosylystary
Sabaqtyń maqsattary:
1) oqýshylardyń taqyryp boıynsha alǵan bilimderin bekitý jáne tereńdetý
2) óz bilimderin top aldynda kórsetýge, jyldamdyqqa tárbıeleý;
3) shyǵarmashylyq qabiletterin, zerthanalyq jumystar júrgizý daǵdylaryn qalyptastyrý;
Sabaqtyń kórnekiligi: "Azot jáne onyń qosylystary", "Iondardy anyqtaý" kesteleri, esepter shyǵarý algorıtmderi, gaz alýǵa arnalǵan aspaptyń sýreti, mıneraldy tyńaıtqyshtar úlgileri t. b
Zerthanalyq tájirıbelerge qajetti reaktıvter men qural - jabdyqtar: qurǵaq amonı hlorıdi, amonı súlfaty, amonı nıtraty, natrıı gıdroksıdi eritindileri, tuz jáne azot qyshqyldarynyń konsentrli eritindileri, lakmýs jáne fenolftaleın qaǵazdary, spırt shamy, shyny taıaqshalar,
synaýyqtar t. b.
Sabaqtyń túri: semınar sabaq
Pánaralyq baılanys: matematıka, ekologıa
Sabaqtyń jospary: (ınteraktıvti taqtada)
1. Tolyqtyrý testi
2. Kim jyldam? (suraq - jaýap)
3. Tańdaý testi.
4. Zerthanalyq tájirıbeler.
5. Deńgeılik tapsyrmalar.

Sabaqtyń barysy:
I. Uıymdastyrý. Sabaqtyń maqsatymen, josparmen tanystyrý. Kómekshiler daıyndaý jáne olarǵa jaýap berý paraǵyn berý.

II. Úı tapsyrmasyn qaıtalaý.
1) Tolyqtyrý testi. (Jabyq taqtada aldyn - ala jazylǵan.)
1. Azot aýanyń... bóligin quraıdy
2. Amıaktyń formýlasy...
3. Amıaktyń sýdaǵy eritindisi... dep atalady.
4. Músátirdiń formýlasy...
5. Amonı gıdroksıdi... negiz.
6. Amıak molekýlasyndaǵy baılanys túri...
7. Quramynda metal atomy bolmaıtyn tuzdar...
8. Amonı ıony...

Oqýshylar kóp núkteniń ornyndaǵy kerekti sózderdi aıtady. Ár qatardyń aldynda otyrǵan kómekshiler jaýap berý paraǵyna belgi salyp otyrady.

2) "Kim jyldam?" saıysy
Muǵalim suraqtardy oqyp turady, al oqýshylar kezekpen jaýap beredi
1. Teriselektrlik degenimiz ne?
2. Elementterdiń teriselektrligi perıodtyq júıedegi ornyna baılanysty qalaı anyqtalady?
3. Elementterdiń totyǵý dárejesi qalaı anyqtalady?
4. Qandaı reaksıalar totyǵý - totyqsyzdaný reaksıasy dep atalady?
5. Azot qandaı totyǵý dárejelerin kórsetedi?
6. Amıaktyń fızıkalyq qasıetteri qandaı?
7. Gazdardyń salystyrmaly tyǵyzdyǵyn qalaı esepteımiz?
8. Amıak ónerkásipte qalaı alynady?
9. Amıak óndirisiniń ǵylymı negizderin ata
10. Amıak sıntezdeletin qondyrǵynyń bólikterin ata
11. Amıak zerthanada qalaı alynady?
12. Myna 2 sýrettiń qaısysynda amıaktyń alynýy durys beınelengen?
13. Eritindidegi amonı ıonyn qalaı anyqtaımyz?
14. Amonı tuzdary qaıda qoldanylady?
Mıneraldy tyńaıtqyshtardy kórsetý.

III. Úı tapsyrmasyn qorytyndylaý. Oqýshy amıaktyń adam aǵzasyna jáne qorshaǵan ortaǵa zıany týraly habarlama oqıdy.
IV. Tekserý jumystary.
1. Tańdaý testi.
Oqýshylar eki nusqada berilgen test tapsyrmalaryn oryndaıdy. sosyn 1 jáne 2 nusqadaǵy oqýshylar bir - biriniń jaýaptaryn tekserip, kómekshilerge beredi
2. Deńgeılik tapsyrmalar (magnıt taqtada)
3 nusqada berilgen tapsyrmalardy oqýshylar óz qalaýymen tańdap alyp oryndaıdy. Ár partaǵa tapsyrmalarmen birge esep shyǵarý algorıtmderi taratylady.
V. Zerthanalyq tájirıbeler.
Aldymen keıbir qaýipsizdik erejelerin eske túsirý. Sosyn oqýshylar ıondardy anyqtaý kestesin paıdalana otyryp 6 topqa bólingen jumystardy oryndaıdy.
VI. Sabaqty qorytyndylaý.
"Azot jáne onyń qosylystary" kestesin, "Valeologıa jáne ekologıa" t. b. kitaptaryndaǵy ekologıalyq málimetterdi paıdalana otyryp, amıak týraly alǵan bilimderin júıelendirý

VII. Úıge tapsyrma:
esepter jınaǵynan № 14 - 101 esepter, oqýlyqtan 6 - jattyǵý, sózjumbaq qurastyrý
VIII. Baǵalaý.

Mańǵystaý oblysy, Aqtaý qalasy,
Gımnazıa synyptary bar №20 M. Áýezov atyndaǵy
jalpy bilim berý orta mektebiniń hımıa páni muǵalimi
Shaltaeva Gýlnar Isahanovna