InfoHub Logo

Taqyryby: «Eshkimde, eshnárseden umytylmaıdy»

Maqsaty: Uly Jeńisti dáripteý, óz Otanyn, elin, týǵan jerin súıý, týǵan jerine degen súıispenshiligin arttyrý, Otanyn, týǵan elin qorǵaı bilýge tárbıeleý.

Uly Otan soǵysynda erlik kórsetken ata – babalarymyzdyń erlik isterin qasterlep, rýhyn kóterý, úlgi ónege tutý.
Jas urpaqty beıbitshilikti saqtaýǵa jáne nyǵaıtýǵa, Otanymyzdyń saıasatyn qoldaýǵa, erlikke, adal, batyl bolýǵa tárbıeleý, ózin - ózi basqarýǵa, erkin sóıleýge erik berý.

1 - júrgizýshi: Jeńis kúni - adamzat ańsap ótken kún, jeńistiń týyn tikken - 1945 jylǵy 9 mamyr azattyq kúrestiń aıbyndy kúni. 1941 jyly 22 maýsymda fashısik Germanıa Keńes odaǵyna opasyzdyqpen shabýyl jasady. Móldir aspandy bult qaptady. Shattyq áni qaıǵyly únge, nurly kúndi qara túnge aınaldyrmaq boldy. Halyq úshin bul aýyr kezeń boldy.
2 - júrgizýshi: Qurmetti osy keshtiń qonaqtary, ustazdar, oqýshylar! Biz búgin Uly Jeńistiń 67 jyldyǵyna arnalǵan «Eshkimde, eshnárseden umytylmaıdy»
atty ádebı keshimizdi ashýǵa ruqsat etińizder.
1 - júrgizýshi: Qurmetti qonaqtar men óskeleń urpaq! 9 mamyr merekesi barlyǵymyz úshin eń bir qymbat tarıhı kún ekeni kúmánsiz. Biz Uly Otan soǵysyndaǵy Jeńistiń qandaı baǵamen kelgenin eshqashan umytpaımyz. Biz Otanymyzdyń beıbitshiligi men táýelsizdigi úshin óz ómirlerin qıǵan aıaýly jandardy máńgilik esten shyǵarmaq emespiz.

2 - júrgizýshi: Keshegi nemis - fashıs basqynshylarymen bolǵan qyrǵyn soǵystaǵy jeńis ońaılyqpen kelmedi. Talaı ardaqty azamat eli, jeri úshin janyn qıdy.
1 - júrgizýshi: Bul mereke árqaısysymyz úshin jaqyn da qymbat mereke.
Jeńiske jetý jolynda Qazaqstandyqtardyń asqan erligi men áskerı janqıarlyǵy Otan soǵysy tarıhyndaǵy jarqyn betterge aınaldy. Sondyqtan Jeńis kúni árqaısysymyzdyń júregimizge jaqyn.
Ókinishke oraı, ýaqyt sol uly oqıǵalarǵa qatysýshylardy bizdiń qatarlarymyzdan alyp ketip jatyr. Olar azaıǵan ústine azaıyp barady. Biraq eshkim de, eshteńe umytylmaýy tıis! Sebebi, bul – bizdiń tarıhymyz, bizdiń maqtanyshymyz, bizdiń dańqymyz!
2 - júrgizýshi: 1941 jyly maýsymnyń 22 – sinde Gıtlerlik Germanıa Otanymyzǵa soǵys jarıalamastan opasyzdyqpen shabýyl jasaǵany barshamyzǵa aıan.
Jeńis úshin shybyn jandaryn qurban etken birneshe mıllıondaǵan adamdardyń esimderin este saqtap, 1418 azapty kún men túndi bolashaq úshin eren eńbekpen, qaısar erlikpen ótkizgenderin umytýǵa bolmaıdy.

Án «Voına»
1 - júrgizýshi: Uly Otan soǵysynyń dúnıe júzi úshin mańyzy zor boldy. 1945 jyly 8 - mamyrda Berlınde fashısik Germanıa jeńilgenin moıyndap qol qoıdy. 1945 jyly mamyrdyń 9-ynda buryn – sońdy bolmaǵan myń zeńbirek 30 dúrkin salút atyldy. Mine, jeńis kúni osylaı kelgen edi.
2 - júrgizýshi: Dúnıe júzi halqy bostandyq aldy. Halyq Otan uǵymyn tereń sezine tústi. Qaharman erlik pen eńbek jeńip shyqty. Zulymdyq, basqynshylyq tize búkti. Birlik, erlik, halyqtar dostyǵy nyǵaıa tústi. Bıyl Uly Jeńistiń 67 jyldyǵyn atap ótemiz.
Dál osynaý jadyrańqy jaı kúni,
Bolsa daǵy qaı ǵasyrdyń qaı jyly
Uly Otanym bolsyn ıip bir mınýt
Esine almaq sol bir apat qaıǵyny.
- Qurmetti ustazdar, oqýshylar sol aǵalarymyzdyń rýhyna bas ıip 1 mınýt eske alaıyq.
1 - júrgizýshi: 1941 jyly 22 maýsym kúni tań shapaǵy jańa ǵana araılap kele jatqan kezde fashısik Germanıa elimizge opasyzdyqpen basyp kirdi. Uly Otan soǵysy osylaı bastaldy. Otanymyzdyń basyna aýyr kúnder týdy.
Bult túnerip aspannan,
Talaı kózden jas tamǵan.
Tutqıyldan jaý tıip,
Qyrǵyn soǵys bastaldy.

2 - júrgizýshi: Gıtlershilder soǵystyń bas kezinde 190 dıvızıany, 5 myńdaı ushaqty, 3700 tankti, 50 myńdaı qarý shabýylǵa shyǵardy. Jerimizge basyp kirgen jaý áskeriniń jalpy sany 5, 5 mıllıon adamǵa jetti.
1 - júrgizýshi: Adam balasy úshin soǵystan asqan kesapat joq. Soǵys! Jalǵyz aýyz sóz. Biraq qandaı qorqynyshty?! Soǵys degenimiz – qaıǵy – qasiret, qantógis, ólim – jetim. Soǵys degenimiz – kún saıyn týǵan – týystan, jaqyn – joradan, qarýlas dosyńnan aıyrylý.
Birjan: Júrgenimde qýanyshpen qamdanyp,
Kerek – jaraq zattarymdy qolǵa alyp,
Jıyrma ekinshi saǵatynda qyryq birdiń
Batystan daýyl soqty doldanyp.
Tań aldynda saǵat besti soqqanda
Jyndy nemis syltaý tapty joqtan da,
Tutqıyldan tynysh jatqan samarqaý
Shekaraǵa kelip saldy oırandy.

Talaıbek
İ. Eske alyp týǵan jer, ana jaryn
Bıik ustap abyroı, namys, aryn.
Otan úshin aıanbaı soǵysty olar
Keýdesinen ursa da otty jalyn.

İİ. Qan keshkende maıdanda babalarym
«Qan kórmesin urpaǵym, babalarym»
Tilek etken urysqa túsip almaı
Taýyp alyp qan - jasa jaralaryn.

İ. Batyrlyqtyń qashanda turaǵy – eli
Júreginde batyrdyń turady eli.
Óshpes erlik, ónege, taǵylymnyń
Biz bolamyz árkezde murageri.

2 - júrgizýshi: Iá, Otan – ana óziniń 27 mıllıon uldary men qyzdarynan aıyryldy. Olar dala tósiniń erleri, ınjenerler men ǵalymdar, qysqasy adamdardyń zor baqytyn jasaýshylary bola alatyn edi. Ómir men ólim arasynda otty maıdandarda qazaqstandyqtar, solardyń ishinde ózimizdiń osy Keńes aýylynyń órimdeı azamattary qyrshyn ketti.
1 - júrgizýshi: Fashısik Germanıa Keńes Odaǵynyń astanasy – Máskeýdi birneshe apta ishinde basyp alamyz dep josparlady. Biraq Máskeý túbindegi shaıqasta Qyzyl armıa entelep kele jatqan fashıs basqynshylaryn toqtatyp, ózderi qarsy shabýylǵa shyqty. Bul jeńiste qazaqstandyqtardyń úlesi zor boldy

2 - júrgizýshi Qazaqstannan Uly Otan soǵysyna 12 atqyshtar dıvızıasy, 7 atqyshtar dıvızıasy, 4 atty ásker dıvızıasy, 50 jeke polk batalóndary qatysty. Sonyń ishinde
Jambyl oblysynan - 100 myńnan asa jaýynger ul men qyz qolyna qarý aldy.
Merki aýdany boıynsha - 14 myń adam maıdanǵa attandy.
Án «Qaıdasyńdar qaharmandar»
2 - júrgizýshi:
Jıyrma segiz, jıyrma segiz – bir ǵalam,
Anaý jaýdyń tankteri laýlaǵan.
Reseı keń, Otan keń, artymyzda Moskva.
Sheginýge haqymyz joq, haqymyz joq bir qadam.

1 – júrgizýshi: Orys, qazaq, qyrǵyzdan,
Qurylǵan bul shaǵyn top.
Jaýǵa úreı týǵyzǵan
Jaıpap túser jalyn bop.
Aısulý:
Otanym erkeleımin endi kimge,
Ózińmen neni bolsa kórem birge.
Qalaısha qabyrǵama batpas meniń,
Basyńa qater bulty tóngen kúnde.
Bári:
Barlyǵy maıdan úshin,
Barlyǵy jeńis úshin.

1 - júrgizýshi: Zulym jaýǵa qarsy kúreske 1 mıllıon 200 myń qazaqstandyqtar qatysty. Olardyń 200 myńnan astamy ordendermen jáne medaldarmen nagradtaldy. Al, 500 - i Keńester Odaǵynyń Batyrlary ataǵyna ıe boldy.
2 - júrgizýshi:
1 - júrgizýshi: Fashısik Germanıa Keńes Odaǵynyń astanasy – Máskeýdi birneshe apta ishinde basyp alamyz dep josparlady. Biraq Máskeý túbindegi shaıqasta Qyzyl armıa entelep kele jatqan fashıs basqynshylaryn toqtatyp, ózderi qarsy shabýylǵa shyqty. Bul jeńiste qazaqstandyqtardyń úlesi zor boldy
B. Momyshuly – Birjan
«Ataqty qyzyl ofıser» - Aıaýjan
T. Toqtarov – Talaıbek
M. Ǵabdýllın
«Qan sasyǵan urysta» - Aısulý

2 - júrgizýshi: Gıtlerdiń basqynshylary 1941 jyldyń qyrkúıeginde Lenıngradqa jetti, qalany tolyq qorshaýǵa aldy. Lenıngrad úshin aýyr blokada kúnderi bastaldy. 900 kún men tún basqynshylar Lenıngradty áýeden, aýyr zeńbirektermen oq jaýdyrdy. Lenıngradty azat etýde qazaq sarbazdary da at salysty.

N. Ábdirov – Lazat
«Qyrǵıdaı tıip jaýyna» - Talaıbek
S. Baımaǵanbetov –
Álıa – Tolǵanaı
Mánshúk – Aıaýlym
J. Moldaǵalıev «Álıa» - Aıda
A. Baqtygereeva «Mánshúk» - Aıana
T. Bıgeldınov – Baýka
İİ júrgizýshi: «Katúsha» - Aısulý, Aıda
İ júrgizýshi
Jerden, kólden, aspannan,
Soqty jaýdy el kúnde.
Berlınde alǵash bastalǵan,
Bitti soǵys Berlınde.
İİ júrgizýshi: 1945 jyly 2 mamyrda Berlın qalasy alyndy, Fashızmniń ordasy Reıhstagqa qazaq jigiti, leıtenant Rahymjan Qoshqarbaev Qyzyl tý tikti!
1 - júrgizýshi: Súıinshi, halqym, súıinshi!
Belińdi bekem býynshy,
Jeńdik jaýdy kúırete,
Jasalǵan toı mereke!
2 - júrgizýshi: Jeńis degen jaqsylyqtyń syńary,
Jigerlengen qushtarlyqtyń quraly.
Kúreskerdiń armany men urany,
Qýanysh pen merekeniń bulaǵy.
1 - júrgizýshi: Kórdik, sizderdi jaıdyq qushaq,
Elestetip janyn qıǵan qurbandarǵa.
Qarsy alamyz úlgi tutyp,
Maıdandy kórgen, bizge ómir bergen atalardy!
oqýshylardyń oryndaýynda hor «Den Pobedy» áni
İ júrgizýshi:
Jeńis keldi qalama,
Jeńis keldi dalama.
Jeńis keldi áke bop
Jeńis keldi án bolyp.
Jeńis keldi alaqaı
Toıa jeıtin nan bolyp.
İİ júrgizýshi:
Jeńis, jeńis!
Babamyzdyń –
Qyzyl qany tógilgen.
Keshe týǵan jáne bizdiń
Baǵymyz bop kóringen.
Lazat, Aıaýjan, Tolǵanaı, Aǵybaı, Nurlan
1 - júrgizýshi: Ia, bul Jeńis ońaılyqpen kelgen joq. Uly Otan soǵysyna qatysyp, erlik kórsetken Qasym Qaısenov, Nurken Ábdirov, Baýyrjan Momyshuly, Talǵat Bıgeldınov, Raqymjan Qoshqarbaev, Mánshúk Mámetova, Álıa Moldaǵulova sıaqty esimderi ańyzǵa aınalǵan atalarymyz ben apalarymyzdy tarıh betinde «Batyr» dep jazyp ketti.
Ketpes olar esten máńgi,
Kekteri tur keýdemizde,-
Erlik dańqy - jeńis tańy
Jarqyratyp keldi bizge.
oqýshylardyń oryndaýynda hor «Aq kógershin» ánin qabyl alyńyzdar.
2 – júrgizýshi: 1945 jyldyń 9 mamyry. German fashızminiń kúıreı jeńilgen kúni. Jeńis! Uly Jeńis!
2 - júrgizýshi: Jeńistiń týy jaltyldap,
Jyǵylmaı máńgi turady.
Sol týmen ósken arshyndap,
Erlerdiń bizbiz ulany!

1 - júrgizýshi. Qurmetti kórermender búgingi Uly Jeńis kúnine arnalǵan konserttik baǵdarlamamyzdy aıaqtaýǵa ruqsat etińizder. Kelip tamashalaǵandaryńyzǵa kópten – kóp rahmet. Kóriskenshe saý bolyńyzdar!