InfoHub Logo

Álemge tanymal qazaqstandyq bloger Kaısar Kamza Vetnamda ustalǵany týraly aqparattan keıin jelide vıdeo jarıalady. Ol óziniń Instagram paraqshasyndaǵy "Stories" bóliminde jazba qaldyryp, ózine ne bolyp jatqanyn baıandady.

Bul týraly Infohub.kz aqparat agenttigi habarlaıdy.

Vıdeoda bloger jaqynda Qazaqstanǵa baryp kelgenin, biraq keıin Vetnamnyń Náchang qalasyna qaıta oralǵanyn aıtty. Ol ekstradısıa máselesi boıynsha sheshim kútip otyrǵanyn jáne pasportyn ımıgrasıalyq qyzmettiń alǵanyn jetkizdi. "Bári jaqsy bolady dep tileńizder. Osyny aıtqym keldi. Jaqsy kúnderde kezdeskenshe!" – dedi Kamza.

Blogerdiń ustalýy

Buǵan deıin, 13 sáýirde Qazaqstan İshki ister mınıstrligi habarlaǵandaı, halyqaralyq izdeýde júrgen bloger Kaısar Kamza Vetnamda ustalǵan bolatyn. Vedomstvonyń málimetinshe, bul operasıa Interpol arqyly, qazaqstandyq jáne vetnamdyq quqyq qorǵaý organdarynyń ózara is-qımyly nátıjesinde júzege asqan.

Ne úshin izdeý salyndy?

Esterińizge sala keteıik, bıyl qańtarda Quqyqtyq statısıka jáne arnaıy esepke alý portalynda bloger Kaısar Kamzaǵa qatysty izdeý paraǵy jarıalanǵan edi. İzdeýdi Qarjylyq monıtorıń agenttigi bastap, ony Astana qalasy boıynsha Ekonomıkalyq tergeý departamenti júrgizgen. Resmı aqparatqa sáıkes, izdeý isi 10 qańtar 2026 jyly tirkelgen.

Keıinnen blogerdiń zańsyz oıyn bıznesine kómekteskeni úshin kúdiktelgeni belgili boldy. QM agenttiginiń málimetinshe, Kaısar Kamza shamamen bes jyl boıy Instagram jelisinde "qais_arr" esimimen belsendi blogerlik qyzmet júrgizip, shamamen 2,4 mıllıon oqyrmany bolǵan. Sondaı-aq, ol "Qora enterteınment" atty jabyq Telegram arnasyn basqaryp, onyń aýdıtorıasy shamamen 368 myń adamdy quraǵan.

"Jeke áleýmettik jeli akkaýnttaryn paıdalana otyryp, Qamza Q.B. Qazaqstan azamattaryna arnalǵan Pinco saıtyndaǵy qumar oıyndarǵa tirkelýge jáne qatysýǵa shaqyratyn siltemeler men jarnamalyq materıaldardy únemi jarıalap otyrǵan. Sonymen qatar, vıdeolardyń astynda paıdalanýshylarǵa bonýstar beretin jeke promokodyn ornalastyrǵan", – dep habarlady QM agenttigi.