InfoHub Logo

ESSE
Tabıǵat - ǵajap álem.
Adamnyń tabıǵatsyz kúni joq,
Tabıǵattyń ony aıtar tili joq.
Bizdi qorshaǵan orta: jan - janýarlar men ósimdikter, Jer men Aı, Kún men alystaǵy juldyzdar — osylardyń barlyǵy da tabıǵat degen aýqymdy uǵymdy bildiredi.

Adam - tabıǵattyń ajyramas bóligi. Sondyqtan halqymyzda «Jer - Ana» degen egiz uǵym qalyptasqan. Jerdi óz Anasyndaı, Anasyn Kúndeı qasterleý Ata qostaǵan saltymyz. «Jer shoqtyǵy - Kókshetaý», «Jer jannaty - Jetisý» dep, babalarymyz týǵan jerge, tabıǵatqa degen ystyq mahabbatyn bildirgen.
Sondyqtan orman - toǵaılardy saqtap, qorshaǵan ortanyń, ózen men kólderdiń lastanbaýyna erekshe mán bergen.

Tabıǵat – barlyq tirshilik ataýlynyń qutty qonys - mekeni, altyn uıa - besigi, bar baılyqtyń yrys, qazynasy. Al, adam úshin tabıǵat eń qasıetti de, qasterli uǵym! Óıtkeni adamnyń ózin dúnıege alyp kelgen aıaýly da ardaqty Anasy, sondyqtan da adamnyń tabıǵatty «Ana» dep qurmetteýinde de óte tereń tanymdyq ta, taǵylymdyq jáne tárbıelik máni zor uǵym jatyr.
Týǵan jerdi Anam demeı ne deıin,
Týǵan jerdi panam demeı ne deıin.
Týǵan jermen asqaq meniń án - jyrym,
Týǵan jermen asqaq meniń mereıim.
(Juban Moldaǵalıev)
«Tabıǵat – Ana», «Jer – Ana», «Otan – Ana» degen kıeli sózderdegi «Ana» degen sózdiń qosylyp aıtylýynda zor mán bar, ıaǵnı bul sózder adamdy dúnıege ákelýshi, ári oǵan ómir syılap, óz perzentterindeı aıaly alaqanymen aıalap, júrektegi eń ystyq yqylasy arqyly búkil meıirim shapaǵatyn arnaıtyn aıaýly da ardaqty «Ana» degen uǵymdy naqtylaı túsedi. Tabıǵat, Jer – Ana, týǵan jer, atameken, aýylym degen janǵa jaıly, sezimińdi sergitetin sózder bir - birimen únemi úndesip, qulaqqa jaǵymdy estiletin bir - birimen maǵynalas mazmuny baı sózder.

Tabıǵat kórkemdigin aq qaǵaz betine túsirgen aqyndarymyz onyń qudiretin bilgen. Sol óleń joldaryn bolashaq urpaqqa, ıaǵnı bizge qaldyryp otyr.

Bizdiń árbir basqan qadamymyz, árbir istegen isimiz tabıǵatqa baılanysty bolǵandyqtan, onyń bizdiń ómirimizde erekshe oryn alýy sózsiz. Biraq, adamzattyń keıbir isteri tabıǵatqa keri áser etýde. Onyń keri áseri bizdiń densaýlyǵymyzǵa da zıan keltiredi.

Tabıǵatty qorǵaý - tabıǵatty aıalaý ár adamnyń mindeti. Úlken - kishi árdaıym ony taza ustap, qurmet tutý qajet. Onyń bizge qanshalyqty qajet ekeni barshamyzǵa málim.

Tabıǵatta adamnyń róli óte kishkentaı. Úlken tabıǵatta, adam kishkentaı qum sıaqty. Biraq, tabıǵattyń taǵdyry sol qumnyń qolynda. Sebebi adamnyń múmkindikteri óte úlken.

Dostarym, men sizderdi tabıǵat qorǵaýǵa shaqyramyn. Biz bolmasa - tabıǵatqa jaman bolmaı qalady, al tabıǵat ólse - adamdar da dúnıeden ketedi!!!
Esse. Tabıǵat - ǵajap álem júkteý