InfoHub Logo

Sabaqtyń taqyryby: Etistik
Qazaq tili 3 synyp
Sabaqtyń maqsaty:
1. Etistik zattyń qımylyn, is – áreketin bildiretini týraly túsinikterin qalyptastyrý úshin sóılemderge suraq qoıa otyryp, etistikterdi taba bilýge úıretý.
2. Sóılemdi júıeli qurýǵa, ózdiginen qortyndy shyǵara bilýge úıretip, shyǵarmashylyq qabiletterin damytý.
3. Ádemi jazýǵa, mánerli sóıleýge tárbıeleý. Oqýshylardyń meıirimdilik, adamgershilik, tanymdylyq sezimderin oıatý.
Túri: jańa sabaq.
Ádisi: túsindirý, suraq - jaýap, strategıasyn paıdalaný.
Kórnekiligi: sózjumbaq, tirek syzbalar toptamasy. túlki, taýyq,, balapan, qoıan, ıt, torǵaı, kerik.

Sabaqtyń barysy: İ. Uıymdastyrý. Trenıń.
- Balalar, búgin bizdiń sabaǵymyzǵa kóptegen qonaqtar kelip otyr. Osy qonaqtarymyzdyń jáne ózderimizdiń kóńilderimizdi kóterý úshin, bir - birimizge qarap, kúlki syılaıyqshy, ári ózimizge sabaqta sáttilik tileıik.

İİ. Úı tapsyrmasyn tekserý.
- Balalar, búgin sabaǵymyz «Balapandardy qutqarý» oınyna arnalady. Jaımashýaq ashyq kúnde balapandarmen qydyryp júrgen taýyqtyń balapandaryn ańdamaı turǵanda túlki urlap áketedi.
- Endi biz taýyqqa kómekteseıik. Túlki bizge sandyq berip jiberipti. İshinde tapsyrmalar bar eken. Eger osy tapsyrmalardy oryndasaq, túlki balapandardy bir - birlep qoıa beredi.
-- Balapandardy qutqaramyz ba? Endeshe túlkiniń tapsyrmasyn oryndap kóreıik.(sandyqty ashyp tapsyrmany oqý)

1 - tapsyrma. Jumbaq sheshý.
Syldyrdan qorqady, Shoshynyp jortady. (sheshýi: qoıan)
- Qoıan sózine suraq qoıamyz. -- Ne? -- Qaı sóz tabynan suraǵy?
- Zat esim degenimiz ne? Mysal keltir.
- Zat esimniń qandaı túrlerin bilemiz?
- Balalar, sender suraqtarǵa jaqsy jaýap berdińder, sóıtip bir balapandy qutqardyq.
- Balalar, qoıan sózinde neshe dybys, neshe árip bar?
- Bes dybys. tórt árip.
- « Qoıan» sózindegi birinshi dybysty atańdarshy.
- Endeshe dápterlerińe búgingi kúndi jáne Q q árpin ádemilep jazamyz.

İİİ. Jańa sabaq.
- Balalar túlkiniń kelesi tapsyrmasyn oryndaıyq.
Sharshylardy juldyzshalardyń ósý retine qaraı ornalastyrsań sóz shyǵady sol sóz týraly oıyńdy aıt.
- Etistik degenimiz ne? Qandaı suraqqa jaýap beredi? Mysal keltir.
Kartochkamen jumys: Berilgen zat esimderge tıisti etistikterdi jalǵap jaz.
Shyrsha ósti. Teńiz tolqydy. Zymyran ushty.
- Balalar sender tapsyrmany durys oryndadyńdar. Ekinshi balapandy qutqardyq.
Balalar, ótken sabaqtaǵy zat esim sıaqty etistiktiń túrlerin aldaǵy saǵattardan biletin bolamyz.
Etistik tulǵasyna qaraı negizgi, týyndy. Maǵynasyna qaraı bolymdy, bolymsyz. Quramyna qaraı dara jáne kúrdeli ekenin biletin bolamyz.
Oqýlyq materıaldarymen jumys. Túlkiniń úshinshi tapsyrmasy.
- Oqýlyqtaǵy jattyǵýlar oryndalady. 1 - jattyǵýdaǵy óleń jatqa jazylady. Oqýshylar oryndaıtyn tapsyrmalary:
- óleńnen etistikterdi taýyp, astyn syzý;
- etistikterge suraq qoıý;
- dáriger mamandyǵy týraly qysqasha áńgimelesý;
Jaraısyńdar úshinshi balapanǵa jaqsy kómektese aldyńdar.
Túlkiniń tórtinshi tapsyrmasy 2 - jattyǵýda ornalasqan. Kim oqıdy? Sen bilesiń be? Sóılemderdi túsinip oqy. Etistikterdi taýyp, olarǵa suraq qoı. Etistikterdiń qaı sóz tabymen baılanysyp turǵanyn aıt. Kórnekilik arqyly qosymsha tanymdylyq maqsatynda túsinikter beremin.
- Balalar bul jolynda tórtinshi balapanǵa kóp kómek kórsettińder.