informburo.kz
Almatyny masalar jaılady: ǵalymdar jándikterdiń jappaı paıda bolý sebepterin anyqtady
Almaty qalasyn sońǵy kezderi masalar jappaı basyp aldy. Bul qubylystyń sebebin Qazaq ósimdikterdi qorǵaý jáne karantın ǵylymı-zertteý ınstıtýtynyń mamandary anyqtapty. Olardyń boljamy boıynsha, munyń birneshe sebebi bar.
Bul týraly Infohub.kz aqparat agenttigi habarlaıdy.
Mamandardyń aıtýynsha, aýa raıynyń jylynýy, joǵary ylǵaldylyq, jasyl jelektiń qarqyndy ósýi jáne qalanyń aryq júıesiniń erekshelikteri masalardyń kóbeıýine yqpal etýi múmkin. Zertteýshiler qazirgi ýaqytta bul jándikterdiń naqty túrlerin anyqtap, jaǵdaıdy baqylaýda.
Qala ákimdiginiń sharalary
Qala bıligi masalardyń jappaı paıda bolýyna baılanysty aýmaqtardy óńdeý jumystaryn bastap ketken. Qazaqstanda ruqsat etilgen preparattar qoldanylýda. Bul quraldar adamdar men janýarlar úshin qaýipsiz ekeni aıtyldy.
Turǵyndardyń shaǵymdary
Buǵan deıin áleýmettik jelilerde Almaty turǵyndary masalardyń shamadan tys kóbeıgenine shaǵymdanǵan bolatyn. Olar jándikterdiń kózderine, muryndaryna jáne shashtaryna kirip, kóshede júrýge múmkindik bermeıtinin aıtty. Osyǵan baılanysty qalanyń ekologıa basqarmasy sebepterin anyqtaý úshin tıisti ǵylymı-zertteý uıymdaryna suraý salǵan.
-
Investısıa salasyndaǵy bilikti mamandardyń tapshylyǵynan týyndaǵan máselelerdi «Qazaqstan Investment Corporation» basshysy Dıdar Kárimsaqov málimdedi.
-
Bilim mınıstrligi mektep bitirý keshterinde qymbat gúl shoqtaryn berýge jáne aqsha jınaýǵa qatysty qatań sharalar qabyldanatynyn habarlady.
