InfoHub Logo

Qazaq tili 2 synyp
Taqyryby: Jalqy esim men jalpy esim
Maqsaty: Jalqy esimdi sózder bas árippen jazylatynyn, jalpy esimder kishi árippen jazylatyn zat esimder ekenin biledi.
Kútiletin nátıje:
1. Zat esimniń túrlerin, onyń ishinde jalqy, jalpy esimdi meńgeredi
2. Jattyǵýlar oryndaı otyryp, ómirmen baılanystyrady.
3. Toptyq jumysty uıymdastyrý kezinde kóshbasshylyq baıqalady.
Derekkózder, qural - jabdyqtar: J. Q. Baltabaeva. M. Q. Soltanǵazıana. F. S. Lekerova. 2 - synyp. Almatykitap, 2013. Metodıkalyq nusqaýlyq, dıdaktıkalyq materıaldar, flıpchart, stıker, marker. Jumys dápteri

Sabaqtyń barysy
Kirispe: Oqýshylarmen sálemdesý, túgeldeý, qural - jabdyǵyn tekserý, nazarlarynyn sabaqqa aýdarý.

Psıhalogıalyq daıyndyq: Oqýshylar sabaqtyń kóńildi, sátti ótýine tilek tilep, bir - birine kúlimsirep jylýlyq nuryn sebedi. kúnmen sálemdeseıik.
Sálem Kún - Anamyz! /qol joǵaryda/
Qýanatyn kún búgin / qol ustasady/
Qaıyrly tań! Qaıyrly kún! /qol kókirekte/
Kúlip shyqty kún búgin! /qol joǵaryda/

Topqa bólý: Qıma sýretter úlestirý arqyly topqa bólý. Oqýshylar sýretter arqyly sóz taptaryn anyqtap, zat esim, syn esim, san esim, etistik bolyp 4 topqa bólinedi Árkim óz tobyna baryp otyrady.

Suraqty qaǵyp al ádisi arqyly ótken sabaqty pysyqtaý.
1. Qazaq tilinde neshe sóz taby bar?
2. Tilimizdegi sózder nege bólinedi?
3. Zat esim degenimiz ne?
4. Kim? kimder? ne?, neler? suraqtaryn qandaı jaǵdaıda paıdalanamyz?
5. Qandaı sózder bas árippen jazylady?

Tusaýkeser: Vızýaldy oqytý.
Oqýshylarǵa aldyńǵy sabaqty baılanystyra otyryp suraqtar qoıylady.
1. Bizdi qorshaǵan nárselerdiń barlyǵy ne dep atalady? Bizdi qorshaǵan nárselerdiń bári zattar dep atalady.
2. Bizdi qorshaǵan zattar qandaı kúıde kezdesedi? Derekti jáne dereksiz kúıde kezdesedi.
3. Derekti zattar degen ne? Kózben kórip, qolmen ustaýǵa bolatyn zattar. Mysaly: muǵalim, oqýshy, kitap, gúl, parta, mektep.
4. Dereksiz zattar degen ne? Olar eleýsiz kózge kórinbeıtin, qolǵa ustaýǵa bolmaıtyn zattar. Mysaly: jel, aýa, aqyl, arman, qıal, sezim, tilek, án.
Endeshe myna taqtadaǵy kestege nazar aýdaryp qaraıyq, bul kesteden zat esimniń qandaı suraqtarǵa jaýap beretinin kórip turmyz, ony aldyńǵy sabaqtan bilemiz.

Sonymen zat esimniń birneshe túri bar, sonyń búgin jalqy esim men jalpy esim degen túrimen tanysamyz. Tanyspas buryn esimizge túsireıikshi, bas árippen jazylatyn qandaı sózdermen tanysyp edik?

Negizgi bólim
Oılan, juptas, bólis.
Sýrette ne kórip tursyńdar? QR - nyń kartasy.
Kartada neler beınelengen? Qalalar, ózen - kólder, taýlar. (ataýlaryn ataıdy)
Úı janýarlarynyń sýretteri kórsetiledi. Osy janýarlardyń qaısysyna at qoıamyz?
Ereje shyǵarý: Olaı bolsa balalar, kisi aty - jóni,, jer - sý attary, jan - janýarlarǵa qoıylatyn ataýlar jalqy esim dep atalady. Iaǵnı jalqy esimder bas árippen jazylady. Sonymen, jalqy esimderden basqa zat esimderdi jalpy esim deımiz. Jalpy esimder kishi árippen jazylady.

Toppen jumys. 4 topqa 1, 2, 3, 4 - jattyǵýlar bólip beriledi.

İ top: 1 - jattyǵý. (Aýyzsha). Óleńdi mánerlep oqy. Adam attaryn taýyp, suraq qoı. Adamnyń aty - jóni qandaı áripten bastalyp jazylǵan.
Talǵat, Mánshúk, Tólegen, Tarǵyn, Qambar, Ótegen, Nurken, Málik, Qabanbaı, Baýyrjan, Bógenbaı. Atalǵan adam attaryn toptastyr.
Toptastyrý:
Uly Otan soǵysy batyrlary Jońǵar - qazaq soǵysy batyrlary Qazaq - aýyz ádebıeti batyrlar jyrynan
Talǵat, Mánshúk, Tólegen, Nurken, Málik, Baýyrjan. Qabanbaı, Bógenbaı, Ótegen, Tarǵyn, Qambar,

- Olardyń maqsaty ne boldy? Elin - jerin, Otanyn jaýdan qorǵaý.
İ toptyń daryndy oqýshylarymen jumys.
- Osy batyrlar týraly qysqasha maǵlumat beredi.
Dáptermen jumys.
İİ top: 1 - jattyǵý. Mátindi oqy. Jalqy esimderdi terip jaz. Mátindi qalaı ataýǵa bolady? Mańǵystaý, Qanysh Sátbaev, Qaraqıa.
İİ toptyń daryndy oqýshylarymen jumys. Mańǵystaý jáne Q. Sátbaev týraly maǵlumat beredi.

Sergitý sáti: "Kún men tún" oıyny. Sharty: Muǵalimniń buıryǵy boıynsha "Tún" degende balalar "uıyqtaıdy". Muǵalim bir oqýshynyń aldyna "kim?", "ne?", "kimder?", "neler?" nemese zat esimderdi aıtady oqýshylar "oıanyp", sol suraqqa jaýap beredi ne zat esimniń jalqy ne jalpy ekenin aıtady.

İİİ top: 3 - jattyǵý. Aldymen kisi attaryn, sodan soń qala attaryn jaz.
Kisi attary: Altynaı, Birjan, Estaı, Aqan.
Qala attary: Astana, Semeı, Aqtaý, Kókshetaý, Qaraǵandy, Shymkent.
İİİ toptyń daryndy oqýshylarymen jumys. Osy qalalar týraly ne bilesiń?

r y s
q t a ý
s t a n a
r q a l y q
İÚ top: 4 - jattyǵý. Sózjumbaqty shesh. A árpimen bastalatyn qala attaryn taýyp jaz.

İÚ toptyń daryndy oqýshylarymen jumys. Osy qalalar týraly ne bilesiń?

Qorytyndy:
1. Tómendegi sózderdiń jalpy ataýyn ata.
- Astana, Almaty, Taldyqorǵan - bulardyń jalpy ataýy - qala.
- Balqash, Alaqól, Qaratal - bulardyń jalpy ataýy - ózen - kólder.
- Qulager, Aqtós, Marǵaý - bulardyń jalpy ataýy - jan - janýarlar.
- Qandaı týystyq ataýlardy bilesińder? áje, ata, aǵa, ápke, ata - ana t. b.
2. Tekshedegi sózderdi oqy, suraq qoı, qaı sóz tabyna jatatyn anyqta jáne sóz tabynyń qaı túrine jatatynyn aıt.
Aıman, áke, Qyzylorda, parta, kitap, Narıman, Dıhan, áje, inishek, Kaspıı, sómke, Alabaı, qus.

Úıge tapsyrma
136 bet. 5 - jattyǵý. Sýrette beınelengen zat ataýlary jalqy esim be, jalpy esim be? Osy sózderdi qatystyryp, sóılemder qurastyryp jaz.

Baǵalaý: Baǵalaý aǵashy.
Oqýshylar búgingi sabaq boıynsha ózderin baǵalaıdy. Baǵalaý aǵashynyń qaı tusynda turǵan stıker japsyrý arqyly belgileıdi jáne nege ekenin dáleldep aıtady.