InfoHub Logo

Muǵalimi: Kasenova Kýláım Kýtýkeevna

Táýelsizdik kúnine arnalǵan synyptan tys shara
Taqyryby: «Táýelsiz elim - Qazaqstan»

1 - júrgizýshi
Óser uldyń qaı sátte de,
Birlik bolmaq qalaýy,
Laýla - laýla jeltoqsannyń
Muzǵa janǵan alaýy.
Ózderińdeı ór namysty,
Jas órkeni bar eldiń,
Eshqashanda tıisti emes
Eńkeıýge jalaýy.

2 - júrgizýshi
Qaıyrly kún, qurmetti ustazdar, mektep qonaqtary! Jeltoqsannyń dúmpýimen, qylyshtyń qyry, naızanyń ushyna qasqaıa qarsy turǵan azamat aǵa - apalarymyzdyń arqasynda jetken táýelsizdik merekesine arnalǵan «Táýelsiz elim - Qazaqstan» synyptan tys sharamyzǵa qosh kelipsizder

1 - júrgizýshi
Kórdik qoı zorlyq ospadar jandar kórinen,
Júregim syzdar, syr tartsam sol bir áriden.
Qanshama batyr, qyrýar uldy qurban ǵyp,
Qıyndyqtardyń qaıyspaı ótken bárinen.

2 - júrgizýshi
Taptalmasyn dep qazaqtyń kek, ary,
Táýelsizdik týyn ustap joǵary.
Topty bastap shyqty Lázzat alańǵa
Tolǵan edi on altyǵa ne bári.
1 - júrgizýshi
Jalǵan emes, bul shyndyq, dastan - ánim,
Bostandyqtyń ol buzdy tas qamalyn.
Qaırat, Erbol, keshegi Lázzattardyń,
Qyrshynynan kim qıdy jasqanatyn?

Lázzat:
On altyda qıyldymmen,
Tabanyn da tankiniń.
Lázzat atty qurbanymyn,
Qazaq degen halqymnyń.
Shaǵaladaı qalyqtaǵan,
Kók teńizdi jaǵala.
Lázzat deıtin men bolam,
Aspandaǵy shaǵala.
Týǵan halqym - qazaǵym,
Seniń úshin janamyn.
Endi qaıtip kórmeıik,
Jeltoqsannyń azabyn.

1 - oqýshy:
Uıańnan ushyp shyǵyp, oralmadyń,
Aýylyń Aqjazyqqa qona almadyń.
Shilde aıy týǵan kúniń eken seniń,
Ol kúnniń qonaǵy bop kele almadyń.

2 - oqýshy:
Nebári 16 - dan asyp ediń,
Balalyq bal dáýrenmen tasyp ediń.
Qazaqtyń salt - dástúrin, jolyn qýyp,
Ómirge endi qadam basyp ediń.

Tolyq nusqasyn júkteý