tengrinews.kz
Astana men Kókshetaýdy baılanystyratyn LRT qurylysy bastaldy
Astana men Kókshetaýdy baılanystyratyn jeńil relsti kólik (LRT) jelisiniń ekinshi kezeńine qatysty jumystar bastaldy. Bul týraly City Transportation Systems kompanıasy habarlady.
Kompanıa málimetinshe, Astana men Kókshetaýdy jalǵaıtyn baǵytta alǵashqy tireýish quıý jumystary júrgizildi. Sonymen qatar, Astanadaǵy beton zaýytynda estakadalyq bólikke arnalǵan alǵashqy temirbeton balka daıyndaldy.
LRT qurylysynyń ekinshi kezeńi
Kókshetaý baǵytyndaǵy LRT jelisi boıynsha 300-den astam tireýish ornatylyp, 538 temirbeton balka jáne segiz monolıtti balka montajdalady. Bul jobanyń júzege asyrylýy elordanyń kólik ınfraqurylymyn damytýǵa yqpal etedi.
Astana ákimi Jeńis Qasymbektiń aıtýynsha, bul LRT jobasynyń ekinshi kezeńindegi bir ǵana baǵyt. Ekinshi baǵyt Syǵanaq kóshesi arqyly Turanǵa deıin, odan ári eski qalaǵa, temirjol vokzalyna deıin jetedi. Kókshetaýǵa baratyn birinshi baǵytty bir jarym jyl ishinde aıaqtaý josparlanýda. Buǵan deıin ákim Kókshetaýǵa baratyn jeliniń ishinara jer ústinde bolatynyn aıtqan edi.
LRT synaqtary jáne jolaýshylar tasymaly
Astanadaǵy LRT-niń synaq júrisi 2025 jyldyń 29 qyrkúıeginde bastaldy. Synaqtar keminde alty aıǵa sozylady dep habarlanǵan bolatyn. 2026 jyldyń naýryz aıynda Jeńis Qasymbek kóktemde jolaýshylar tasymaly bastalatynyn málimdegen edi. CTS kompanıasy poıyzdardyń saǵatyna 40-50 shaqyrym jyldamdyqpen júretinin, «Nurly jol» stansıasynan áýejaıǵa deıingi jol shamamen 40 mınýtty alatynyn, al qozǵalys aralyǵy ýchaskege baılanysty 5-10 mınýtty quraıtynyn naqtylady.
-
Astrologıcheskıı prognoz na maı rasskajet, kak zvezdy povlıaút na vashe fınansovoe blagopolýchıe. Ýznaıte, komý stoıt byt ostorojnee s tratamı, a kogo jdet denejnyı ýspeh.
-
Construction begins on the second phase of Astana's Light Rail Transit system, aiming to connect the capital with Kokshetau and improve urban mobility.
