InfoHub Logo

Qaraǵandy oblysy, Balqash qalasy
«Balqash qalasy №2 Abaı atyndaǵy lıseı»KMM
muǵalimi: Ordabekova Nazıra Gazızovna

3 synyp
№17 Taqyryby: Jyly júrek – jaqsy tilek
Qundylyq: Súıispenshilik.
Qasıetter: Meıirimdilik, jaqsy tilek, izgilik, adamgershilik.
Maqsaty: oqýshylardyń qorshaǵan ortaǵa degen súıispenshilikterin arttyrý jáne qundylyq retinde mánin ashý.
Mindetteri:
1. Jaqsy tilek, izgilik qasıetteriniń adam ómirindegi mańyzdylyǵyn túsindirý, osy uǵym týraly maǵlumattar berip, túsinikterin meńgertý.
2. Jaqsy tilek aıta bilý iskerlikterin damytý;
3. Meıirimdilikke, izgilikke, adamgershilikke tárbıeleý.
Resýrstar: oqýlyq, dápter, mýzyka, úlestirmeli materıaldar

Sabaq barysy
İ. Uıymdastyrý kezeńi:
Jaǵymdy kóńil - kúı: Nurǵa bólený. Baıaý áýenmen
- Qane, bárimiz bizdiń aspandaǵy nuryn shashyp turǵan Kúnge uqsap otyraıyq.
Yńǵaılanyp otyraıyq. Denemizdi túzý ustaıyq. Aıaq - qolymyzdy aıqastyrmaımyz. Qolymyzdy tizemizdiń ústine bolmasa ústel ústine qoıyp alamyz. Kózderimizdi jumaıyq. Elestetip kóreıikshi:
Kún nury sizdiń tóbeńizden ótip, keýdeńizge qaraı boılap barady.

İİ. Úı tapsyrmasyn tekserý.
«Jaqsy ata» mátini mazmunyna baılanysty suraq - jaýap.
- Mátinde kimder týraly aıtylǵan?
- Mátinde jyldyń qaı mezgili beınelengen?
- Qys mezgili beınelengenin qalaı ańǵardyń?
- Erasyldyń týǵan kúnine atasy men ájesi ne syılady?
- Erasyl oıynǵa kimmen barǵysy keldi?
- Anasy ony nege oıynǵa apara almady?
- Áke usynysy qandaı boldy?
- Erasyldyń endigi úmiti kim edi?
- Erasyl ájesiniń qoly tımeı jatqanyn baıqaǵan Erasyldyń kóńil - kúıi boldy?
- Jalǵyzsyraǵan er ishki oıy qandaı boldy?
- Erasyldyń yzasy kelip, jylarman bolyp turǵanyn kim syrttaı baqylap otyr edi?
- Kóńili qulazyǵan Erasylǵa ata usynysy qandaı boldy?
- Erasyldyń kóńil – kúıi qalaı ózgerdi?
- Oıynnan keıingi Erasyldyń kóńil - kúıi qandaı boldy?
- Nemereniń atasyna tilegi qandaı boldy? aıtty?
- Atasynyń nemeresine degen jyly júregi qalaı baıqalady?
- Ózderiń jyly júrekpen jaqsy tilek aıtqan kezderińdi eske túsirip kórińder.

İİİ. Jaǵymdy oı - pikir.
Dáıeksóz. ( Taqtada jazýly turady, muǵalim onyń mánin túsindiredi.)
- Maqaldyń maǵynasyn suraı otyryp, túsindirý, hormen aıtqyzý arqyly jattatý, dápterlerine jazdyrý.
«Jaqsy sóz - jarym yrys»
-«Jaqsy sóz» qandaı bolady?
- Jaqsy sózdi kóp aıtasyń ba?
- Saǵan jaqsy sózdi kim kóp aıtady?
- Óziń jaqsylyqty janyńdaǵylarǵa jasaı bilseń, sol jasaǵan jaqsylyqtaryń ózińe qaıtyp keletindigin umytpaǵaısyń.
- jyly lebiz, jaqsy tilekter aıtyp, jaqsylyq jasasa, adamdy shattandyrady, qýantady, baqytty etedi. Al aýyr sóz, jaǵymsyz áreketter jasasa adamnyń kóńilin túsiredi, muńaıtady, ony ýaıymǵa salady?

İY. Áńgimeleý. Muǵalimniń syıy.
Adam atyzǵa bir túp gúl ákelip otyrǵyzdy. Qunarly jerge otyrǵyzylǵan ol kúnnen kúnge tamyryn jaıyp, gúldene óse beredi. Gúl móp - móldir sýdy da, tap - taza aýany da kúnniń nuryn da súıetin. Aınalaǵa erkeleı, qumarlana qaraıtyn. Bul osynaý tirshilik ıesi bolǵanyna, ózin ákep otyrǵyzǵan adamǵa da óte rıza edi. Bir kúni:
- Eı, sen kóp asqaqtama! Men tiri tursam, áli ómirge kelgenińe áli ókinetin bolasyń,- degen shińkildek daýysqa jalt qarasa, dál tómende túri usqynsyz Shóp basyn qyltıtyp tur eken.
Gúldiń kóńili ortaıyp, birtúrli jabyrqap qaldy. Eshteńe deı alǵan joq. Kózderi jasaýrap ketti. Birte - birte solyp, sarǵaıyp bara jatty. Amalsyz janyndaǵy ózinen birshama úlkendigi bar Gúlge basyn súıedi.
- Jabyrqama, sabyr et!- dep jubatty ol.
- Adamdar ony «Aramshóp»,- dep ataıdy.
Óz qulqynynan basqany oılamaıtyn jaýyz shóp. Áli - aq qutylamyz.
«Jaqsy sóz – jarym yrys» degen ǵoı qazaq. Onyń kóńili biraz kóterilip qaldy. Álgi gúldiń aıtqany ras bolyp shyqty. Ertesine bir bala keldi de, Aramshópti julyp tastady.
Gúl qaıtadan qulpyryp óse bastady, alaıda kóp nárseni uqty. Ómirde jaqsylar da, jamandar da bar eken.

Mátindi taldaý:
 Suraq - jaýap qoıý arqyly taldaý, qorytyndylaý.
 - Qunarly jerge otyrǵyzylǵan gúldiń alǵashqy ómiri qandaı boldy?
 - Usqynsyz Shóp gúlge ne aıtty?
 - Gúldiń kóńil - kúıi qandaı boldy?
 - Aram shóptiń qulqyny qandaı?
 - Gúl qandaı jaqsy sóz aıtty?
 - Gúl aramshópten qalaı qutyldy?
 Ómirde jaqsylar men jamandar bolady ma?

Muǵalimniń qorytyndy sózi:
- Árqashan jaqsy sóz aıtqan adamnyń jany jomart, júregi taza. – Bir - birimizge jaqsy, jyly sózder kóp aıtylsa ómir meıirim men qaıyrymǵa toly bolyp, qýanysh pen shattyqqa keneledi. Sondyqtan da sizderdiń boılaryńyzda jaqsy adamǵa joldas bolatyn meıirimdilik, sypaıylyq, adamgershilik qasıetterińiz kóp bolsyn. Barlyq ýaqytta bir - birimizge júrekke jyly tıetin jaqsy lebizderdi jıi aıtyp júreıik.