InfoHub Logo

Ashyq sabaqtyń taqyryby: «Júrek jylýy» (slaıdymen)

Synyby: 2
Ózin ózi taný
Maqsaty:
1. Qaıyrymdylyq, meıirimdilik, túsinistik, syılastyq qasıetteriniń adamı qarym - qatynastaǵy mańyzdylyǵyn túsindirý.
2. Qorshaǵan ortasyna shyn nıetimen jaqsylyq, qamqorlyq jasaý qasıetterin damytý, jetildirý.
3. Úlkenge qurmet, kishige izet kórsete bilýge, jomarttyqqa, adamgershilikke tárbıeleý.
Ádisteri: túsindirý, áńgimelesý, pikirtalas, sýretpen jumys, kórnekilik.
Sabaqtyń túri: dástúrden tys
Tıpi: jańa materıaldy meńgertý
Formasy: jeke jáne kóptik
Prınsıpteri: túsiniktilik, kórnekilik, júıelilik pen birizdilik.
Kórneki quraldary: aqyl taqtasy, taqyrypqa saı sýretter.
Shattyq sheńberi.
Bárimiz ortaǵa shyǵyp, sheńber quraıyq.
Sálemetsizder me, balalar? Kóńil - kúılerińiz qalaı? Bárimiz birge júrek jylýy óleńin aıtaıyq. Aldymen men aıtamyn, sender qaıtalaısyzdar.

Jan - jaǵyna nur shashyp
Araılap jarqyn tań atsa,
Jer betinde jaıqalyp,
Kógerip ósse kók maısa
Júregim jylı bastaıdy.

Qazir sabaq sátti ótý úshin bir - birimizge tilek aıtamyz. Meniń qolymda júrek tur, ıaǵnı men tilegimdi shyn júregimnen aıtyp turmyn degenim.

Jaqsy, endeshe sabaǵymyzdy bastaıyq.
Búgingi sabaǵymyzdyń taqyryby «Júrek jylýy». Maqsaty: 1. Qaıyrymdylyq, meıirimdilik, túsinistik, syılastyq qasıetteriniń adamı qarym - qatynastaǵy mańyzdylyǵyn túsindirý.
2. Qorshaǵan ortasyna shyn nıetimen jaqsylyq, qamqorlyq jasaý qasıetterin damytý, jetildirý.
3. Úlkenge qurmet, kishige izet kórsete bilýge, jomarttyqqa, adamgershilikke tárbıeleý.

Mátinmen jumys.
Bizdiń taqyrybymyzǵa baılanysty V. Oseevanyń «Jaı ǵana ájeı» áńgimesi berilgen eken. __________ oqıdy.
 Áńgime ne týraly aıtylǵan?
 Senderdiń osyndaı oqıǵaǵa kezdesýleriń múmkin be?
 Bul oqıǵadan ne úırendiń?
 Abzal men Aınurdyń oı - pikirleri týraly ne aıtasyń?

Jaǵdaıattardy taldaý.
Nazarymyzdy taqtaǵa aýdaramyz. Ártúrli jaǵdaıattar kórip turmyz. Oılasyp, jaǵdaıattardy sheshýimiz kerek.

1. Sen bir qushaq gazet - jýrnal kóterip kele jatqan poshtashyǵa kezdestiń...
2. Sen aýlaǵa rolık tebýge shyqtyń, al dosyńnyń rolıgi joq...
3. Anań as pisirip jatyr, al seniń iniń mazasyzdanyp ketti...

Oqyp úıreneıik.
Qaıyrymdylyq
M. Súndetov
Basty keıipker: oqýshy Muhtar
Áńgime keıipkerleri: Muhtardyń anasy, sotqar balalar, kúshik.

Áńgime oqylady. Suraqtar qoıylady.
 Apasy nelikten Muhtarǵa rıza boldy?
 Senderdiń qaıyrymdy is - áreketter jasaǵan kezderiń boldy ma? Sol jaǵdaıda ózińdi qalaı sezindińder?

Dáptermen jumys.
Dápterimizdi ashamyz.
Búgingi kúndi, synyp jumysyn, taqyrypty, áńgimeniń taqyrybyn, avtoryn jazamyz.
Synyp jumysy
Júrek jylýy
M. Súndetov
Qaıyrymdylyq
Basty keıipker: oqýshy Muhtar
Áńgime keıipkerleri: Muhtardyń anasy, sotqar balalar, kúshik.

Dáıek sóz.
Tabıǵattaǵy barlyq jylý – kúnnen,
Ómirdegi barlyq jylý – adamnan.
M. M. Prıshvın

Sergitý sáti.
Balalar, ornymyzdan turamyz. Jattyǵý jasap jibereıik, sharshap qalǵan shyǵarmyz.
Ormandaǵy aıýdyń (qorbańdap júrý)
Qulpynaıy kóp eken. (qoldy eki jaqqa sozý)
Terip - terip alaıyq, (terý)
Qaltamyzǵa salaıyq. (qaltaǵa salý)

Jańa aqparat.
Búgingi ótken taqyryptan qandaı aqparat aldyq?
 Adam ózin jáne ózgelerdi jaqsy kórý arqyly ómirin qýanysh pen shattyqqa, mahabbat pen baqytqa bóleıdi.

 Meıirimdi adam ózge adamǵa, týǵan - týysqandaryna, tabıǵatqa degen janashyrlyq sezimin, qamqorlyǵyn kórsetýge daıyn turady.

Tapsyrma.
Sýretterge qarańdar. Tal men mysyqqa, qart kisi men syrqat janǵa qandaı jaqsylyq jasaý kerek ekendigi týraly aıtyńdar.

Tal maıysyp, synǵaly tur. Oǵan jaqsylyq jasaý úshin, synaıyn dep turǵan butaǵyn matap, sý quıyp, kútý kerek.

Mysyqqa sút berip, tamaqtandyrý, meıirimińdi kórsetý arqyly jaqsylyq jasaýǵa bolady.

Qart kisige qurmet kórsetý, aýyr sómkelerin kóterisý, syılaý arqyly jaqsylyq, qaıyrymdylyq kórsete alamyz.

Syrqat jandy emdep, jaqyn týystary, dostary baryp qal - jaǵdaıyn bilip kóńil bólip, nazar aýdarsa, qasynda anasy bolsa emi tezirek qonady. Kómektesý kerek.

Júrekten júrekke
Sheńberge turalyq. Bárimiz birge, «týǵan kúnińizben, Sara Alpysqyzy!» dep aıtaıyq.

Qaıyrymdy jandar aınala,
Sheńberge kelsin jaılana.
Jalyqpastan qaıta biz,
Mahabbat sózin aıtamyz.
Súıemiz barlyq anany,
Júregim ottaı janady.
Baqyttymyz osy biz,
Qasymyzda dosymyz.

Osymen sabaǵymyz aıaqtaldy. Saý bolyńyzdar!