InfoHub Logo

Ózin - ózi taný sabaǵynyń jospary 4 synyp
Taqyryp: Keshirim men kelisim
Qundylyq: Qıanat jasamaý
Qasıetter: keshirimdilik, tatýlyq, birlik, dostyq, meıirimdilik, qaıyrymdylyq.
Sabaq maqsaty: Oqýshylardyń eshkimge qıanat jasamaı, keshirimdi bolý jáne basqa adamı qasıetter týraly túsinikterin damytý.
Mindetteri:
• keshirimdilik, tatýlyq, birliktiń adamı qarym - qatynastaǵy mańyzdylyǵyn túsindirý;
• shynaıy dostyq qarym - qatynastar jasaý iskerlikterin damytý;
• meıirimdilikke, qaıyrymdylyqqa, dostyqqa tárbıeleý.

Sabaq barysy:
1. Uıymdastyrý kezeńi. Tynyshtyq sáti.
Sý asty patshalyǵyna oısha saıahat
Muǵalim: Kózińizdi jumyńyz jáne birneshe ret tereń tynystańyz;.....

2. Úı tapsyrmasyn tekserý
Maqtanshaq jolbarys
Ertegi
Ertede bir jolbarys bolypty. Ol árqashan: «Men kúshtimin, eshteńeden qoryqpaımyn»,- dep maqtanady eken. Ol bir kúni ketip bara jatyp, gúlge qonyp saırap otyrǵan bulbuldy kóredi.
• Ket kázir, meniń baǵymnan!- deıdi jolbarys qaharlanyp.
• Biraz saırasam qaıtedi?- depti bulbul jalynyp.
Jolbarys:
• - Men saǵan saıraǵandy kórseteıin!- dep umtylyp bergende, bulbul lyp etip usha jónelipti. Sol mezette jolbarystyń qolyna gúldiń tikeni kirip ketedi. Ol zar qaǵyp, basyn taýǵa da, tasqa la urypty. Bir - eki kúnnen keıin qoly isip ketedi. Janyn qoıarǵa jer taba almaı, kóziniń jasyn kól qylyp jylap otyrady. Ony kórgen qarǵa:
• - Jolbarys aǵa, nege qapalanyp otyrsyń?- dep suraıdy.
• - Qolyma tiken kirip ketti. Sýyra almadym. Oı, janym - aı!- dep jolbarys bezildedi. Qarǵanyń jany ashyp:
• - Júrińiz, men sizdi dosymnyń úıine alyp baraıyn. Tikenińizdi múıizimen op - ońaı sýyryp tastaıdy,- dep ony jaıranyń úıine bastap keledi. Jaıraǵa bolǵan oqıǵany aıtady.
• - Meniń múıizim tiken shuqylaý úshin emes, jaýymnan qorǵaný úshin kerek. Júrińizdershi, men sizderdi bir tanysymnyń úıine alyp baraıyn. Ol tiken turmaq, etine boılaǵan naızany da alyp beredi,- dep, aıýdyń úıine alyp barady. Aıý mán - jaıǵa qanyqqan soń:
• - E, mundaı nárse meniń tisime de, qolyma da ilikpeıdi. Endi ne istesek eken? Aıtpaqshy, tiken de aǵash qoı, solaı emes pe? Endeshe, men sizderdi sondaı ispen shuǵyldanatyn tanysyma alyp baraıyn.
• Aıý eki qonaǵyn pil palýannyń úıine bastap barypty. Bolǵan oqıǵany aıtyp beripti.
• - Jolbarys batyr, qolyńa qada kirip ketse, sýyryp – aq tastar edim. Tikendi alý úshin asa eptilik kerek,- depti pil.
• Pil bastap, barlyǵy tisteri pyshaqtaı qoltyraýynǵa keledi. Oǵan mán - jaıdy túsindiredi.
• Qoltyraýyn:
• - Meniń tisime tiken ilikpeıdi. Anaý baqta bulbul bar. Ol - óte meıirimdi qus. Baryp ótin, op - ońaı alyp tastaıdy,- depti. Bári jınalyp, bulbuldyń úıine barypty. Ol jolbarysqa lám - mım demeı, tumsyǵymen tikendi alyp tastapty.
• Jolbarys óziniń ótkendegi óreskel isine qatty uıalyp, bulbuldan keshirim suraıdy. Birge kelgen dostarynyń bárine rızalyǵyn bildiredi. Olarmen birge oıyn - saýyq jasady. Bulbul bolsa, óz járdemine rıza bolyp, uzaq ýaqyt quıqyljyta saırap án saldy.
Suraq:
1. Áńgimede ne týraly aıtylǵan?
2. Jolbarys pen bulbuldyń áreketteri týraly ne aıtar edińder?
3. Jolbarys bulbuldan ne úshin keshirim surady?
4. Senderde osyndaı jaǵdaılar boldy ma? Esterińe túsirip, aıtyp berińder.
Qorytyndy: Bir - birimizge meıirimdi, qaıyrymdy, keshirimdi, bolsaq, birligimiz jarasyp, tatý - tátti turamyz. Eshqashan da qıanat jasamaýǵa tyrysý kerek.

3. Jaǵymdy oı - pikir. Dáıeksóz.
«Qyl ótpesteı tatýlyqty bir ashýǵa satpaıyq»
M. Áýezov.
Adamdar abaısyzda birin - biri renjitip alǵanda keshirim surap, tatýlasady. Al tatýlyq - adamdar, synyptastar, dostar arasyndaǵy qarym - qatynastaǵy eń jaqsy qasıet. Jattatý
2 - 3 oqýshyǵa qaıtalatyp, jatqa suraý
Suraq:
1. Tatýlyqty qalaı túsinemiz?
2. Ashýǵa býlyqpaýdyń joldary qandaı?
3. Ashýlanǵan kezinde ne isteısiń?
Qorytyndy:
Tatýlyq bar jerde meıirimdilik, qaıyrymdylyq, dostyq, birlik, jaqsy ómir bar. Tatý bolyp, ózimizge de, ózgege de qıanat jasamaıyq

Mektep: №66 JBBOM
Muǵalim: Blálova A. A.
Keshirim men kelisim júkteý