InfoHub Logo

Tanymal ánshi Roza Álqoja Shymkentte ótkizgen jeke keshinen esh paıda tappaǵanyn aıtyp, uıymdastyrýshylarǵa renishin bildirdi. Bul týraly Ozgeris.info saıty habarlady.

Qazirgi tańda ánshi Qytaıdyń Gýanchjoý qalasynda júr. Óner ıesi áleýmettik jelidegi paraqshasynda Shymkenttegi konsertiniń qarjylyq jaǵynan tıimsiz bolǵanyn, buǵan uıymdastyrýshylardyń jaýapty ekenin aıtty.

"Shymkenttegi konsertten bir tıyn paıda joq. Buǵan deıin de Qyzylorda men Aqtóbede Dastan degen jigit konsert uıymdastyryp, 3,5 mıllıon teńge qaryzyn áli kúnge deıin ótemegeni bar", - dep aǵynan jaryldy ánshi.

Konsertten paıda tappaıtynyn aıtty

Ánshiniń aıtýynsha, sahnada óner kórsetip, halyqpen jumys isteıtin – ózi, al paıdasyn kóretin – uıymdastyrýshylar. Osyndaı jaǵdaılarǵa baılanysty Roza Álqoja aldaǵy ýaqytta konsert berýden bas tartýy múmkin ekenin jetkizdi.

"Men ólip-óship halyqtyń aldyna shyǵamyn, án salamyn, elge jaýap beremin. Biraq paıdasyn uıymdastyrýshylar kóredi. Olar "anaǵan ketti, mynaǵan ketti" dep syltaý aıtady. Eńbegimdi eshkim baǵalamaıdy. Budan keıin konsert bermeımin-aý!", - dedi ánshi.