Photo: Ayazhan (https://www.pexels.com/@ayazhan-3173683) / Pexels
Reseılik stılıstiń Qazaqstandaǵy jumysy úshin alǵan gonorary tań qaldyrdy
Reseılik vızajıst ári stılıs Robert Mınasán Qazaqstannyń tuńǵysh prezıdenti Nursultan Nazarbaevtyń kenje qyzy Álıa Nazarbaevamen jumys istegen kezeńin eske alyp, sol qyzmeti úshin alǵan qomaqty gonorary jaıly aıtty.
Bul týraly Infohub.kz aqparat agenttigi habarlaıdy.
Stılıstiń Qazaqstanǵa sapary
Mınasánnyń aıtýynsha, oqıǵa shamamen 2002 jyldary bolǵan. Ol Álıa Nazarbaevanyń týǵan kúnine daıyndyq jasaý úshin arnaıy Almatyǵa shaqyrylǵan. Stılıs Máskeýden ushyp kelip, Qazaqstanda birneshe kún boıy bolǵan.
"Bes kúndeı sol jerde turdym, bári erkin ári jaıly ótti. Kún saıyn qydyryp, demaldyq. Bir ǵana makıaj úshin maǵan shamamen 10 myń dollar tóledi", – deıdi ol.
Álıa Nazarbaevanyń tanysy jáne qymbat sómke
Stılıs sonymen qatar Álıa Nazarbaevanyń Svetlana esimdi qurbysymen tanysqanyn da eske aldy. Onyń aıtýynsha, bul áıel almaz bıznesimen aınalysqan jáne kezdesýge qoltyraýyn terisinen tigilgen Hermès Birkin sómkesimen kelgen.
Mınasán bul sómkeni alǵash ret sol kezde kórgenin aıtyp, onyń baǵasy shamamen 50 myń dollar bolǵanyn atap ótti. Onyń sózinshe, sol kezeńde Birkin sómkesi sırek kezdesetin ári joǵary mártebeniń belgisi sanalatyn aksesýarlardyń biri bolǵan.
-
Mańǵystaý oblysyndaǵy Shetpe aýylynyń turǵyny qoǵamdyq oryndardy lastaǵany úshin 40 saǵattyq qoǵamdyq jumysqa tartyldy.
-
A renowned Russian makeup artist and stylist disclosed the substantial fee he received for preparing Aliya Nazarbayeva's birthday celebration in Kazakhstan.
