InfoHub Logo

Bilim berý salasy: Tanym
Uıymdastyrylǵan oqý qyzmeti: Qarapaıym matematıkalyq uǵymdardy qalyptastyrý. Qurastyrý.
Qorshaǵan orta. (Kiriktirilgen oqý qyzmeti)
Taqyryby: Kólikter
Maqsaty: Zattardy sanyna qaraı salystyrý. Keńistikte ornalasý daǵdysyn qalyptastyrý (oń jáne sol jaqta, ortasynda) Geometrıalyq pishinder týraly ótkendi qaıtalaý. Logıkalyq oılaý qabiletterin damytý. 5 kóleminde týra jáne keri sanaý. Geometrıalyq pishinderden zattardyń sulbasyn jasaýǵa daǵdylandyrý. Belsendi ortalyqtar arqyly balalardyń qyzyǵýshylyqtaryn arttyrý.
Ádis - tásil: kórsetý, túsindirý, suraq - jaýap
Qoldanylatyn tehnologıalar: Aqparatty Kommýnıkatıvtik Tehnologıa, «Táı - Táı» tehnologıasy, oıyn
Qajetti qural - jabdyqtar: Interaktıvti taqta, qalam, noýtbýk, elektrondy oqýlyq, qurylys materıaldary, ár balanyń jeke kitapshasy, ylǵaldy qum, tas jáne oıynshyq kólikter

Barysy:
- Balalarmen jáne kelgen qonaqtarmen sálemdesemin. Balalardyń nazaryn ózime aýdaramyn. Balalarmen birge óleń shýmaqtaryn birge aıtamyn.
Biz kóńildi balamyz,
Shyrqap ánge salamyz,
Qonaq kelse qýanyp.
Alǵystaryn alamyz.
Jaraısyńdar, balalar.
- Balalar qazir jyldyń qaı mezgili?
- Qys mezgilinde neshe aı bar?
- Búgin aptanyń qaı kúni?
- Keshe, erteń qaı kúnder bolady?
Balalar, sender jumbaq sheshkendi jaqsy kóresińder me? Olaı bolsa jumbaqtar shesheıik.

Jumbaqtar.
Tórt aıaqty taǵandy,
Tasıdy ol adamdy,
Janarmaıdy quıyp ap,
Tez júrip ol zýlaıdy. (avtokólik)
Múıizinen ustap, ap
Aıdaıdy adam abaılap,
Qane balalar, oılanyp,
Tabyńdarshy bul qandaı at? (velosıped)
Jumbaqtardyń jaýabyn taqtadan kórsetiledi. Jaraısyńdar, sender jumbaqtyń jaýabyn durys taptyńdar. Endi qaraıyqshy kólikte qansha dóńgelek bar?
- Kólikte 4 dóńgelek bar.
- Velosıpedte qansha dóńgelek bar?
- Velosıpedte 2 dóńgelek bar.
- Bulardyń bárin kólikter deımiz. Balalar biz pishinderdi bilemiz be?
- Ia, bilemiz. Dóńgelek, sharshy, tiktórtburysh, sopaqsha, úshburysh pishinder bar.
Osy pishinderden poıyz vagondaryn jasaıyqshy. Poıyzda kóliktiń bir túri. Olaı bolsa «Adasqan sandar» oıynyn oınaımyz.
Oıyn: «Adasqan sandar»
- Sandardy retimen qoıyp týra jáne keri sanaımyz.
- Ańdar qandaı tústi pishindi vagondarda otyr?
- Sandardyń kórshilerin ata.
- Ańdar neshinshi vagonda otyr?
- Jaraısyńdar, sender sıqyrly taqtadaǵy tapsyrmalardy oryndadyńdar. Endi damytýshy belsendi ortalyqtarda jumystarymyzdy odan ári jalǵastyramyz.
Ústel ústi oıyn ortalyǵy.
«Jeke kitapshamen jumys»
Maqsaty: Jeke kitapsha arqyly balalardyń berilgen tapsyrmalardy oryndaı otyryp, logıkalyq oılaý qabiletterin arttyrý.
Tapsyrmalar: 1) kólikte qansha dóńgelek bolsa, sonsha dóńgelekti boıa.
2) Jartylaı salynǵan pishinderdi aıaqta.
Qurylys ortalyǵy.
Taqyryby: «Garaj»
Maqsaty: Qurylys materıaldaryn qoldana otyryp, kólikterge qaýipsiz jer garaj qurastyrý. Qurastyra otyryp uqyptylyqqa tárbıeleý.
Qum men sý ortalyǵy
Taqyryby: «Joldar»
Maqsaty: Ylǵaldy qumdy qoldana otyryp, eni boıynsha keń jáne tar joldar salý. Jumys jasaýda uqyptylyqqa, tazalyqqa úıretý.
Belgi boıynsha ortaǵa jınaý.
Sergitý sáti
Aýysymmen jumys jasaý.
/Belsendi ortalyqtardaǵy jumysty jasap bolǵan soń ortaǵa jınap qandaı ortalyqtarda jumys jasaǵandaryn suraımyn./
- Balalar, sender qyzyqty esep shyǵarǵandy jaqsy kóresińder me? Olaı bolsa oılaý arqyly esepter shyǵaramyz.
2 - ge 2 - ni qosqanda teń bolady 4
- garajda 5 mashına boldy. Onyń 2 - ýi qyzyl tústi bolsa, qalǵany jasyl tústi. Jasyl tústi mashına qansha?
- Jaraısyńdar, endi balalar ózderiń osylaısha esep qurastyryńdarshy.
Qurylys ortalyǵynda sender kólikterge qaýipsiz jer garaj jasadyńdar. Kóshedegi kólik qozǵalysyn qaı qurylǵy retteıdi?
- Baǵdarsham.
Olaı bolsa Elektrondy oqýlyqtan «Qaýipsizdik erejeleri» taqyrybyndaǵy
«Jolda júrý erejesi» oıynyn oınaıtyn bolamyz.
- Jaraısyńdar, sender búgingi oqý qyzmetine jaqsy qatystyńdar.
Qol ustasyp turaıyq,
Sheńberdi biz quraıyq,
Kóriskenshe kún jaqsy,
Saý - salamat bolaıyq.
Kelgen qonaqtarmen qoshtasamyz.
Tárbıeshi: Qaırova Indıra Bazarqyzy
Kólikter júkteý
Kólikter slaıdyn júkteý