InfoHub Logo

Tanymal ánshi Maqpal Isabekovanyń basynan ótken jaǵdaı kópshilikti beı-jaı qaldyrmady. Óner ıesi óziniń Instagram paraqshasynda qyzy Ilaıanyń qolyn abaısyzda shyǵaryp alǵanyn jáne odan keıingi kúızelisin bólisti.

Bul týraly Infohub.kz aqparat agenttigi habarlaıdy.

Qatty qorqynysh pen ókinish

Ánshiniń aıtýynsha, oqıǵa olardyń úsheýi birge matrasta sekirip oınap júrgende bolǵan. Ol qyzynyń qolynan baıqamaı qatty tartyp alǵanda, Ilaıa qatty jylap, qoly aýyrǵanyn aıtqan.

«Sol sátte júregim ezilip ketti. Men de onymen birge jylaı bastadym», - dep jazdy Isabekova.

Travmpýnktke shuǵyl

Keıin olar tez arada travmpýnktke barǵan. Jol boıy qyzy da, ózi de jylap otyrǵanyn aıtqan ánshi, ózin qatty kinálap, ókingenin jetkizdi.

«Qudaı-aý, ózimdi qalaı urystym, sóktim… Áli kúnge deıin otyramyn da jylaımyn. Oǵan qarap, ózimdi sondaı kináli sezinemin, kúshimdi eseptemeı qaldym», - dep jazdy ol.

Dárigerdiń dıagnozy

Tekserýden keıin dáriger qyzdyń býyny shyǵyp ketkenin anyqtap, ornyna salyp bergen. Alaıda, endi onyń qolyna uqypty qaraý kerektigin, qaıtadan shyǵyp ketý qaýpi bar ekenin eskertken.

«Keshir meni, qyzym, ótinemin, keshir meni. Áli de óz-ózimdi jubata almaı otyrmyn, jylap otyrmyn, al ol bolsa: «mama, jylama» dep meni súıip jatyr. Qudaı-aý, júregim ókinishten shynymen jyrtylyp bara jatqandaı…», - dep tolǵanysyn bildirdi ánshi.