InfoHub Logo

Ana - kúnniń shýaǵynan jaralǵan!
Erteńgiliktiń maqsaty:
Bilimdilik: Balalarǵa kóktem týraly maǵlumat berý, 8 naýryz búkil dúnıejúzilik meıram ekenin túsindirý, otbasyndaǵy ananyń ornyn, anaǵa degen qurmet erekshe ekenin uǵyndyrý, ana men balanyń arasyndaǵy baılanysty barlyq janrlar boıynsha kórsetý, teatr qoıylymy, maqal - mátel, óleń, án aıtý.
Damytýshylyq: Kóktem mezgiliniń qubylystaryn, anaǵa qalaı kómektesetinderi týraly óz oılaryn jetkizý arqyly baılanystyryp sóıleýge talpyndy
rý, sózdik qoryn jetildirý, oıyn arqyly oı - órisin damytý, qolaıly orta uıymdastyrý arqyly qyzyǵýshylyǵyn, belsendiligin arttyrý, kóńil - kúılerin kóterý, teatr qoıylymyn uıymdastyra otyryp, jasqanshaq, uıalshaq balany ortaǵa tartý, iltıpatpen yqpal etý.
Tárbıelik: Otbasyna, týystaryna meıirimdilik, qamqorlyq, kishipeıildilik, adamgershilik qundylyqtaryna tárbıeleý, dostyqqa, uıymshyldyqqa tárbıeleý, estetıkalyq talǵamyn kóterý, ádemilikti sezine bilýge úıretý.

Balalar sazdy áýenmen váls bılep zalǵa kiredi. Jarty sheńber bolyp turady.
Júrgizýshi:
Qurmetti asyl analar, qyz - qyzǵaldaqtar, qadirli ustazdar.
Qar astynan qyltyıyp báısheshek boı kótergende kóktemniń alǵashqy habarshysyndaı bolyp analar merekesi keldi.
Báısheshek sonshalyqty náziktigine qaramastan, qalyń qardy astynan búrshik jarady. Bizdiń asyl analarymyz da sonshalyqty náziktigine qaramastan barlyq qıyndyq ataýlyǵa tózimdi.
Analar kóktemgi kúndeı jarqyrap, gúldeı qulpyrǵan gúl merekelerimiz, kún merekemiz qutty bolsyn. Búgingi kún aıaýly analar sizder úshin.
Sábılerińiz sizder úshin de erekshe kún bolmaq. Barlyq ýaqytta shydamdylyqpen, meıirimmen, aqylmen, ystyq qushaǵynda aıalaı mápelep, erkeligimizdi keshire jol siltegen ardaqty analar, búgingi balalyq sezimimiz, ásem ánimiz, kóńildi kúıimiz, demalys keshimiz,»Aıgólek» ortańǵy tobynyń «Analar kúnniń shýaǵynan jaralǵan» erteńgiligimiz sizderge arnalady.

Júrgizýshi: Ana desem, sezim bıler tym ystyq,
Jarasymdy adamdarǵa týystyq,
Bar adamǵa berse ananyń meıirin,
Ornar edi bar álemde tynyshtyq.
Ana desem sheshek atyp janary,
Ómirimniń bastaý alar janary
Ana degen tirshilikte pana bolyp,
Árbir úıde juldyz bop janady.
Qutty bolsyn, 8 - naýryz merekeńiz
Úıińizde bolsyn baqyt berekeńiz!
Kórkem sóz «Anashym» Avtory: M. Maqataev.
Iana: Ana deımiz bárimizde ańqyldap,
Ana deıdi jas sábı de jarqyldap.
Ana degen - báıteregi ómirdiń.
Ana degen – altyn qazyq, altyn baq.
Ana degen – asyl jandar bolattaı
Ana degen - móldir jandar bulaqtaı.
O, adamdar qadirleı bil anany
Jat qylyqqa aqyl - oıdy tonatpaı.

1. Fatıma: Ananyń biz gúlimiz,
Ana – bizdiń kúnimiz,
Ulandardy qýantyp,
Uzaq ómir súrińiz!
2. Farabı: Merekesi búgin
Altyn anamnyń,
Syılaıynshy gúlin,
Jarqyn dalamnyń.
Kúlimdegen kózi,
Kúnniń nuryndaı,
Ulym degen sózi,
Aqyn jyryndaı.

3. Ersin: Aınalaıyn anashym - álemdegi jan asyl,
Bolsa maǵan ne kerek, bárin izdep tabasyń,
Aınalaıyn anashym - asqar taýdaı panasyń,
Kún kózindeı kúlimdep, qushaǵyńa alasyń.

Júrgizýshi: Mine, balalar analarymyzdy bárimiz meıramymen «quttyqtaımyz».(bári qosylyp aıtady).
Hor: « Aq Mamam» áni.
Ǵajaıyp sát: Áýenmen terbelip Arý kóktem keledi.
Arý kóktem:
Men kóńildi kóktemmin,
Byltyr kelip ketkenmin.
Kózin ashyp bulaqtyń,
Túbine tal ekenmin.
Gúl bop qyrda egilem,
Dán bop jerge sebilem.
Jańbyr bolyp jaýam da,
Nur bop kókten tógilem.
Shýaǵyn tógip álemge.
Jylýyn kúnniń ákelem.
Tabıǵattyń tósine tirshiligin syılaımyn!

Júrgizýshi: Amansyń ba, Arý kóktem? Ulan – baıtaq jerimizge qosh keldińiz. Shýaǵyńdy shattandyryp, nuryńdy mol tóge ber.
Kóktem: Mynaý meniń qushaǵym toly qyr gúlin, gúldeı jaınaǵan qyzdarǵa syılaǵym kelip otyr.- dep gúlderdi taratady. Osy gúldeı, qulpyra berińder, aıaýly analar, ájeler, merekelerińiz qutty bolsyn!
Balalar kóktem mezgiliniń basqa qandaı erekshelikteri bar?
Balalar: Kún jylyna bastaıdy, qar erıdi, saı - salaǵa aǵady, qustar ushyp
keledi, aǵashtar búrshik atady, gúlder kóp bolyp ósedi.
Kóktem arýy: Balalar endeshe, kim kóktem týraly taqpaq biledi?
4. Erqanat: Jyl basy - Naýryz mereke,
Aq nurǵa ásem boıandy,
Analar toıy bereke,
Tirshilik jańa oıandy.
5. ARÝJAN: Bar tabıǵat nár alyp,
Shyǵa keler jańaryp,
Qyzǵaldaq bolyp qulpyrǵan,
Kóktem bizdiń balalyq.
6. Abdıslam: Syldyr qaǵyp aqbulaq,
Kúıge salyp jatty baq,
Taýdan aqqan ózende,
Gúrildedi qattyraq,
Jaırańdasyn jas, kári
Qustar kele bastady.

Dıdaktıkalyq oıyn: «Kóktem keldi»
Oıyn sharty; kóktem mezgiliniń ereksheligin aıyra bilý. Qane, ortaǵa jaqyndaıyq. Aǵashta neler paıda bolady? (ortaǵa aǵash qoıylady)
- Japyraqtar paıda bolady. (3 - 4 bala japyraqty qystyrady)
- Neler ushyp keledi?
- Qustar ushyp keledi.
- Qustar qaıda qonady?
- Aǵashtyń butaǵyna qonaqtaıdy. (3 - 4 bala qustardy otyrǵyzady)
- Kók shóp qaıda ósedi?
- Jerde (2 - 3 bala ákelip qoıady)
- Tólder qaıda oınaqtaıdy?
- Kók shóp ústinde (tólderdi ornalastyrady)
- Bunyń bári qaı mezgilde bolady?
- Kóktemde.
Júrgizýshi: Araılap atty tańymyz,
Jaınaıdy baqsha - baǵymyz,
Gúlderdeı qulpyryp,
Bı bıleımiz taǵy biz.

Atyraý qalasy Birlik aýyly
№33 «Kórkemaı» balabaqshasynyń tárbıeshisi.
Kabdýahıtova Sagıa Tlekkabylovna
Ana - kúnniń shýaǵynan jaralǵan! júkteý