InfoHub Logo

Qazaqstan men Qytaı arasyndaǵy yntymaqtastyq jol salasynda jańa beleske shyqty. Eki eldiń mamandary halyqaralyq standarttardy birlesip ázirleýge kiristi. Bul bastama jol qurylysynyń sapasyn arttyryp, zamanaýı tehnologıalardy engizýge jol ashady.

Bul týraly Infohub.kz aqparat agenttigi habarlaıdy.

Halyqaralyq standarttardy birlesip ázirleý

Astana men Almatyda ótken kezdesýler barysynda Qazaqstannyń «QazjolǴZI» AQ men Qytaı Halyq Respýblıkasynyń ǵylymı-tehnologıalyq uıymdary ókilderi jol salasyndaǵy halyqaralyq standarttardy (ISO) birlesip ázirleý máselelerin talqylady. Kelissózderde zamanaýı tehnologıalar men sapa talaptaryn eskeretin ortaq tásilderdi qalyptastyrýǵa basymdyq berildi.

Jańa tehnologıalar men materıaldardy engizý

Sondaı-aq, Qytaıdyń Central Fortune Creation Technology Group Co., Ltd kompanıasymen jol qurylysyna arnalǵan jańa tehnologıalardy engizý perspektıvalary qaraldy. Onyń ishinde, jol-qurylys materıaldaryn Qazaqstannyń klımattyq jaǵdaılaryna beıimdeý jáne tehnologıalyq yntymaqtastyqtyń baǵyttary aıqyndaldy. «Almaty – Shelek – Qorǵas» avtojolyndaǵy tozýǵa tózimdi asfált qabatyn (GT-8) qoldanýdyń alǵashqy nátıjeleri de talqylanyp, onyń paıdalaný kórsetkishterine monıtorıń jalǵasýda.

Inovasıalyq sheshimder men sıfrlandyrý

Kezdesýlerde jańa materıaldardy synaý, engizý tásilderi, avtomobıl joldarynyń búkil ómirlik sıkli boıyndaǵy jumysyn baqylaý máseleleri kóterildi. Inovasıalyq sheshimderdi engizý, pılottyq jobalar, materıaldar men tehnologıalar boıynsha derekter bazasyn qalyptastyrý, sondaı-aq ıntellektýaldy kólik júıelerin damytý josparlanýda. Infraqurylym salasyndaǵy kópirlerdi tekserýdiń zamanaýı ádisteri men sıfrlyq tehnologıalardy qoldaný da nazardan tys qalmady.

Yntymaqtastyqtyń basym baǵyttary

Bul yntymaqtastyq Qazaqstannyń halyqaralyq kólik dálizderindegi rólin arttyrýǵa jáne jol salasyn damytýǵa baǵyttalǵan. Ózara is-qımyldyń tórt negizgi baǵyty pysyqtalýda: jol qozǵalysy qaýipsizdigin baǵalaý, halyqaralyq avtomobıl tasymaldaryn damytý, ıntellektýaldy kólik júıelerin jetildirý jáne jol salasyndaǵy jasyl bastamalardy iske asyrý.