InfoHub Logo

Sabaqtyń taqyryby: Kúrdeli sharttar

Sabaqtyń maqsaty:
Bilimdilik:
Kúrdeli shartty operatorlardyń jazylý tártibimen tanystyrý. Sabaqtan alǵan teorıalyq bilimderin júıeli túrde tájirıbe júzinde kórsete bilý daǵdylaryn qalyptastyrý.
Damytýshylyq:
Baǵdarlamalaý tilinde jumys jasaı bilý daǵdylaryn, oılaý qabiletterin, óz bilimderin saýatty túrde jetkize bilýdi, pánge degen qyzyǵýshylyqty damytý.
Tárbıelilik:
Oqýshylardyń belsendiligin arttyrý, ózara kómektesýge tárbıeleý.

Kútiletin nátıje:
Tarmaqtalý operatorlarynyń túrlerin, kúrdeli sharttardyń programmada jazylýyn biledi.
Oqýshylar yntymaqtastyqpen jumys isteýge úırenedi.
Tyńdaý mádenıeti qalyptasady, óz oıyn tolyq, anyq jetkize alady.
Kórnekilik: Prezentasıa, sýretter
Quraldar: Qıma qaǵazdar, posterler, markerler, stıkerler
Sabaq kezeńderi

İ. Uıymdastyrý kezeńi
Sálemdesý, oqýshylardyń sabaqqa daıyndyǵyn tekserý.
- Yntymaqtastyqty oqytýdy ornatý;
- Sabaqqa nazaryn aýdarý;

İİ. Úı tapsyrmasy
Úıge berilgen taqyryp: «Tarmaqtalý operatorlary». Oqýshylar 3 topqa bólip, ár top óz tapsyrmalaryn plakat betine túsirip, qorǵaıdy.

İ top: Tarmaqtalý operatorlary týraly túsinik
İİ top: Tarmaqtalý operatorlarynyń blok – sqemasy
İİİ top: Tarmaqtalý operatorlarynyń algorıtmdik tilde jáne Paskal programmalaý tilinde kórsetý.
Postermen jumys
Shattyq sheńberi
Oqýshylarǵa shattyq sheńberiniń erejesimen tanystyrý. Oqýshylar ortaǵa shyǵyp bir – biriniń qolynan ustap, biri – birine jaqsy tilekter aıtady.
Jańa sabaq
Kúrdeli sharttar
Jáne, nemese, emes qyzmetshi sózderimen biriktirilgen, birneshe qarapaıym sharttardan turatyn sharttar (logıkalyq órnekter) kúrdeli sharttar dep atalady.
Paskal tilindegi logıkalyq operasıalar:

And (jáne) logıkalyq operasıasy bar kúrdeli shart qarapaıym sharttardyń ekeýi de oryndalǵan jaǵdaıda ǵana aqıqat dep esepteledi.
Al eger qarapaıym sharttardyń keminde bireýi oryndalsa, onda or (nemese) logıkalyq operasıasy bar kúrdeli shart aqıqat dep esepteledi.
Not (emes) A=0 logıkalyq operasıasy A≠0 shartymen birdeı.

Keıbir esepte úsh jáne odan da kóp tarmaq, ıaǵnı shyǵý syzyqtary bar sharttardy tekserýge týra keletin kezder kezdesedi.
Buǵan mysal retinde kvadrat teńdeý
ah2 + bx + c = 0, (a ≠ 0) túbirlerin tabatyn programma qurýdy qarastyraıyq.

İ top – kvadrat teńdeýdi matematıkalyq jolmen sheshýdi kórsetedi;
İİ top – kvadrat teńdeýdiń blok – sqemasyn syzady.
İİİ top – kvadrat teńdeýdi sheshýdiń Paskal tilindegi programmasyn jazady.

Oqýshylar toppen jumys isteıdi. Toptyq jumysta oqýshylar tarmaqtalý operatorlary týraly bilimderin tolyqtyryp, kúrdeli sharttardyń esepterde qoldanylýyn ózderi qorytyp shyǵarady.
Kompútermen jumys
ah2 + bx + c = 0, (a ≠ 0) kvadrat teńdeýiniń túbirlerin tabatyn programmany kompúterde terip, nátıjesin kóredi.

Sabaqty bekitý:
1. Tarmaqtalý operatorlary degenimiz ne?
2. Tarmaqtalý operatorynyń tolymdy túri?
3. Tarmaqtalý operatorynyń tolymsyz túri?
4. Tarmaqtalý operatorynda qoldanylatyn qatynas belgileri?
5. Algorıtmdik tilde qandaı túıindi sózder qoldanylady?
6. Paskal tilinde kúrdeli sharttardyń jazylý túri