InfoHub Logo

Sabaqtyń taqyryby: M. Áýezov «Qarash - Qarash oqıǵasy» hıkaıaty
Sabaqtyń maqsaty: 1. Bilimdilik: M. Áýezovtiń ómiri men álemdik ádebıetke qosqan úlesin, hıkaıattaǵy tarıhı tulǵa arqyly oqýshylardyń kózin shyndyqqa jetkizý. Maǵjan Jumabaev, Sherhan Murtaza shyǵarmalarymen baılanystyra otyryp, keıipkerlerge minezdeme berý.
2. Damytýshylyq: Oqýshylardy ótken tarıhqa kóz jiberte otyryp, kórkem shyǵarmaǵa degen qyzyǵýshylyǵyn arttyrý, týǵan ólke tarıhyn sóz etý
3. Tárbıelik máni: Oqýshylardyń týǵan eline, halqyna, Otanyna degen súıispenshilik sezimin oıatý, adamgershilikke, adaldyqqa baýlý.
Sabaqtyń túri: izdený sabaǵy, aralas sabaq.
Sabaqtyń kórnekiligi: ınteraktıvti taqta, búkteme, naqyl sózder, karta.
Pánaralyq baılanys: qazaq tili, geografıa, tarıh.
Sabaqtyń tıpi: Jańa bilimdi meńgertý.
Tehnologıa: satylaı keshendi taldaý tehnologıasy

VII Sabaqtyń barysy: 1. Uıymdastyrý.
2. Oqýshylardyń nazaryn jańa sabaqqa aýdarý
Álem tánti boldy «Abaı jolyna»,
Biz qaraımyz júrip ótken jolyna.
Dana Muhtar, dara Muhtar búginde,
Tabylar ár qazaqtyń úıinde,- deı otyryp, el balasy bola bilgen Muhtar ómiri men shyǵarmashylyǵyna toqtalamyz.

3. Jańa sabaq
M. Áýezov «Qarash - Qarash oqıǵasy» hıkaıaty
- Balalar biz búgin Muhtar Áýezovtiń týyp - ósken jerine syrttaı saıahatqa shyǵamyz. Mine, mynaý Abaı aýdany Bórili aýyly Aıaqqorǵan qystaǵy. Osy úıde jazýshy ómirge kelgen. Mynaý - ákesi Omarhannyń beıiti.
- Balalar sender osy kezge deıin jazýshynyń qandaı shyǵarmalarymen tanystyńdar?
- «Ájemniń áńgimesi», «Kókserek», «Birjan sal aýylynda» áńgimelerin oqydyq.
- Durys. Al endi osy jazýshynyń áńgimesiniń negizinde túsirilgen qandaı kınolardy kórdińder?
- «Kókserek», «Asýda atylǵan oq» kınolaryn kórdik.
- Jaqsy. Endi senderge osy jazýshy ómiri men shyǵarmashylyǵyn zertteý úshin «Ádebıetshiler», «Zertteýshiler», «Tarıhshylar» tobyn quryp, zertteý týraly tapsyrmalar berilgen.
Sabaqty myna jospar kóleminde taldap otyryp meńgerelik:
1. a) Bolashaq uly jazýshynyń esiminiń qoıylý tarıhy.
á) Ata úmitin aqtaý.
1. a) Hıkaıattyń jazylý sebebi.
á) Kınodan úzindi.
b) Problemalyq suraq
Bolashaq uly jazýshynyń esiminiń qoıylý tarıhy týraly «Ádebıetshilerdi» tyńdalyq.
Ádebıetshi: M. O. Áýezov 1987 jyly 28 - qyrkúıekte Abaı aýdanyndaǵy Bórili qystaǵyna jaqyn Aıaqqaraǵanda týǵan.
Túrik, arab - parsy ádebıetterinen jaqsy habardar Áýez atanyń «muhtar» degen sózdiń «azat»,«bilimdi»,«tańdaýly» degen maǵynany bildiretinin kókiregine túıgeni bar edi. Sol sózdi tańdap alyp, óziniń úlken uly Omarhan men súıikti kelini Nurjamaldan týǵan nemeresine Muhtar dep at qoıdy.
Kishkentaı Muhtar atasy Áýez ben ájesi Dinásildiń qolynda tárbıelenedi.
Áýez qart uly aqyn Abaıdyń adal dosy bolǵan. Ol Abaıdyń asyl óleńderi halqynyń qazynasyna aınalsa eken dep arman etýshilerdiń biri edi.
Ol kezde qazaq elinde saýatty adamdar az bolatyn, kitap bolmaıtyn. Osyndaı jaǵdaıda Áýez qart óziniń súıikti aqyny Abaıdyń óleńderin kóshirtip, túptetip alady. Sony oqýlyq ornyna paıdalanyp, balalaryna aldymen arab áripterin úıretip, hat tanytady. Sodan sońǵy Áýez muǵalimniń bar ustazdyq ádisi Abaı óleńderin shákirtterine birinen soń birin jattata berý boldy. Kúnderdiń kúninde Áýez atanyń aldyna 5 - 6 jasar keń mańdaı, buıra shash bala Muhtar da shákirt bolyp tize búgedi.
Muhtardyń jas kezindegi jaqsy kórip, qumarta oınaıtyn oıyndarynyń biri áızik bolatyn.
Bul týraly Muhtardyń aǵasy Ahmet Áýezov bylaı deıdi:«Áızik»oıyny aýyl balalarynyń ishinde Shońqa ekeýmizge qıyn tıedi. Bala kezinde Muhtardy «Shońqa» dep ataıtynbyz. Sebebi saqany shıyryp ata almaımyz. Oıyn tártibin kóp buzamyz. Sodan da bolar kóbine áızik oıynynda asyqtan utylyp qalatynbyz. Mundaıda Shońqa ózimen teńdes balalardan utylǵanyna shydaı almaı, namysy kelip jylaıtyn».

M. Áýezov «Qarash-Qarash oqıǵasy» hıkaıaty júkteý