InfoHub Logo

Máńgilik eldiń bolashaǵy - senimdi qolda

Qazaqstan...Qasıetti de qurmetti atyńnan aınalaıyn! Sendegi bar ǵumyrym, maǵan qýanysh pen baqyt ákeldi. Saǵan artar ókpem tipti joq! Bolmaıdy da. Kaspııdiń burqyraǵan tolqynymen, dúr etken bahadúr erlerimen, sary dalanyń samaldaı soqqan óshpes tarıhyń men seniń atyn áli shoqtyǵy bıik jerlerden oryn alatyny sózsiz. Oǵan meniń senimim mol.

Biraq ejelgi qazaq eli men qazirgi  Qazaqstannyń arasy jer men kókteı. Tolqyndary tynyq samalmen terbetilip jatatyn, sol baıaǵy qart Kaspıı. Qashan kelseń de saǵan aıtar ańyzy, shejiresi taýsylmaıtyn, jumbaq syrlarynyń sheti kórinbeıtin, sol baıaǵy keń dala. Osy jerde: « Burynǵy qazaq eli men qazirgi qazaq eliniń ne aıyrmashylyǵy bar?»- degen suraq týyndaıdy. «Baıaǵy jartas- sol jartas»- demekshi, «Qandaı ózgeris bar?»- degen de suraq týady. Onda men jaýabymdy  aıtaıyn. Qazirgi Qazaqstan- jańa bolashaqqa bastaý alǵan damyǵan memleketterdiń biri. Ol kórkeıý ústine kórkeıýde. Japyraǵy jaıqalyp, gúldeı jaınap, tamyryn tereń bekitýde. Azıanyń júreginde ornalasqan Qazaqstan basqalardyń qyzyǵa da qýana da qaraıtyn eline aınalýda. Ol burynǵy qazaq elinen óziniń táýelsizdigimen, jańa saıasatymen jáne jańa kózqarastarymen erekshelenedi.

Osynyń barlyǵy elimizdiń kópti kórgen, parasatty, ádil, kózi ashyq, kókiregi oıaý Elbasymyz Nursultan Ábishuly Nazarbaevtyń eńbeginiń jemisi. Nursultan Ábishuly – dúnıe júzine sózin ótkizip otyrǵan búgingi zamannyń kórnekti saıasatkeri. Qazaqstannyń táýelsiz memleketin qurýdyń basynda turyp, osy joldaǵy ne qıly tar jol, taıǵaq keshýdi halqymen birge ótip, qıynshylyqtaryn bólisken, búginde álem moıyndap otyrǵan jańa memleketti qalyptastyryp, oǵan jańa Astana jasap jańa qala turǵyzǵan, bolashaqqa baǵyttap bara jatqan uly tulǵa, tórt qubylany túgendep, kemel oıly, kemeńger ata-babalarymyzdyń jolymen júrgeń qasıet daryǵan qaıratker.  Qazirgi zamannyń naǵyz batyry- prezıdent. El tarıhynyń sheshýshi sátinde kelip, óziniń sheksiz ultjandylyǵyn, rýhyn kórsetip, elin órleý men gúldený jolyna túsirip, irkilmeı bastap kele jatqan izgi jan týraly jyly lebizderdi kóptep keltirýge bolady.

Nursultan Ábishuly Nazarbaev prezıdent bolǵan sátte-aq onyń ıyǵyna aıtýǵa ońaı, biraq atqarylýy nar túıeniń júgindeı aýyr jumystar túsken bolatyn. Artyna erip, oǵan sengen halyqty durys baǵytta ustaı otyryp ózi jol bastady. Sol baǵytta táýekel etip, ózi de, halyq ta kóksegen maqsatqa, ańsaǵan muratqa jáne talaı jyldar boıy oılaǵan armanǵa jete bildi. Halyqtyń senimin aqtap, sózinde turyp abyroıǵa, senimge, alǵysqa ıe boldy.

Arystandaı aıbatty,

Jolbarystaı qaıratty.

Qyrandaı kúshti qanatty,

Men jastarǵa senemin.

Elbasymyz Qazaqstannyń jastaryna úlken senim, zor úmit artady. Olardyń arman-tilegin oryndaý úshin, san túrli ǵajaıyp oqý oryndaryn, balanyń oılaý qabiletin arttyratyn qyzyqty pánderdi, bolashaǵyna qajet bolatyn paıdaly úıirmelerdiń dińgegin qalady. Biz sekildi armany kóp, qyran bop ushqysy keletin de turatyn oqýshylardyń bolashaqta úlken azamat bolýyn, mamandyqty qate tańdamaýyn jáne árqaısysymyzdyń ómirden óz ornyn taba bilýin qalaıdy.  Osy úshin men Elbasymyzǵa sheksiz rızamyn. Oqý bitirgen soń Elbasy úmitin aqtaý úshin bar jigerimdi salatyn bolamyn... Qazirgi jastardyń talǵamy óte qyzyq qoı. Qazir unap turǵan zaty birneshe ýaqyttan keıin unamaı qalady. Al, Elbasymyz barlyǵyn eskerip, qazaq jerinde turatyn árbir balanyń bul ómirden shektelmeýine, óziń jalǵyz sezinbeýine mol eńbektenýde.

Ejelgi saq taıpalarynda basshylaryn Qudaıdaı sanap, ony bas ıe qurmettegen. Basshyny táńirdiń jibergen adamy dep sanaǵan. Basshylar saq qoǵamynda úlken ról atqarǵan bolatyn. Sol sıaqty qazirgi Qazaqstanda prezıdenttiń orny aıdaı erekshe bólek. Prezıdent – el tiregi. Biz oǵan senemiz, ol bizge senedi.

Nurǵabylova Gúldana

10-synyp oqýshysy

Jalaý Myńbaev atyndaǵy mektep-gımnazıasy

Túpqaraǵan aýdany Mańǵystaý oblysy

---