ult.kz
Sáken Maıǵazıevtiń Izraıldegi oqıǵasy jurtshylyqty ekige bóldi
«MýzArt» tobynyń belgili ánshisi Sáken Maıǵazıevtiń Izraılge sapary kezinde basynan keshken oqıǵasy áleýmettik jelide qyzý pikirtalas týdyrdy. Ánshiniń aıtýynsha, qasıetti Ál-Aqsa meshitine barý kezinde qaýipsizdik sharalary kúsheıip, jastardyń kirýine tyıym salynǵan.
Osy sátte jınalǵan jurt pen áskerıler arasynda shıelenis týyndap, jaǵdaı ýshyǵa túsken. Maıǵazıevtiń aıtýynsha, ómirine qaýip tóngendeı bolǵan kezde, janyndaǵy Amangeldi Erenǵaıyp ekeýiniń Qazaqstannan kelgen týrıser ekenin aıtyp, el ataýyn ataǵannan keıin ǵana áskerı qyzmetkerler olarǵa jol bergen.
Bul oqıǵadan keıin qazaqstandyq qonaqtar meshitke basqa jolmen kirgizilgen. Alaıda, ánshiniń bul esteligi áleýmettik jeli qoldanýshylary arasynda túrli pikir týdyrdy. Keıbireýler onyń áńgimesin qoldap, basynan keshken qıyndyǵyn túsinistikpen qabyldasa, endi biri ánshiniń sózderine syn kózben qarap, onyń aıtqandarynyń shyndyqqa qanshalyqty janasatynyn suraýda.
Bul jaǵdaı Qazaqstannyń halyqaralyq arenadaǵy bedeli men azamattarynyń sheteldegi qaýipsizdigi týraly da oı salady.
-
1,2 mıllıard teńgege jýyq qarjyny jymqyrdy degen kúdikke ilingen Almas Sadyrbaı ózine taǵylǵan aıyptar boıynsha pikirin bildirdi.
-
Atyraý qalasynda A. Moldaǵulova kóshesiniń bir bóligi ortasha jóndeý jumystaryna baılanysty ýaqytsha jabylady. Bul týraly qala ákimdigi habarlady.
