InfoHub Logo

«Máńgilik el – mártebeli til» atty qazaq tili men ádebıeti aptalyǵynyń saltanatty ashylý senarııi
Maqsaty: qazaq tili men ádebıetiniń mol murasymen keńinen tanystyrý, pánniń adam ómirindegi mańyzdylyǵyn túsindirý, tildiń memlekettik mártebesin qalyptastyrý. Qazaq tiliniń qoldanylý aıasyn keńeıtýge úles qosý. Qazaq halqynyń ádebıetin negizge ala otyryp, kórkem ádebı shyǵarmalardaǵy keıipkerlerdiń ıgi isterin nasıhattaý arqyly eljandylyqqa, adamgershilikke, baýyrmaldyqqa tárbıeleý. Tilin, elin súıe bilýge úıretý.
İ júrgizýshi: Qaıyrly tań, qurmetti ustazdar!

İİ júrgizýshi: Armysyzdar, qymbatty oqýshylar!

İ júrgizýshi: Qazaqstan – san ǵasyrlyq tarıhy bar,
Qazaqstan - bul azat el, tanysyńdar.
Kók baıraǵy, eltańba, ánurany,
Qazaq eli egemendi, san ulty bar.
Qazaqstan Respýblıkasy 1991 jyly 16 jeltoqsanda óziniń táýelsizdigin jarıalap, derbes memleket boldy. Osy ótken joldarymyzǵa qarasaq, ár jyldyń óz shejiresi, syry, tarıhy, qasıeti bar. Qazaqstandy mekendegen barlyq halyqtardyń ulttyq mádenıetin kórkeıtip, birligi men yntymaǵyn jarastyryp otyrǵan uly elmiz.

İİ júrgizýshi: Qazaq tili – ómirińde, óleńde,
Qazaq tili – tamyr jaıǵan tereńge.
Qazaq tili bolashaqqa jetelep,
Urpaqtardy tanytady álemge,- degendeı, memlekettik tilimizdiń mártebesin kóterer sendersińder, qurmetti dostarym! Osyǵan oraı «Máńgilik el – mártebeli til» atty qazaq tili men ádebıeti aptalyǵy ótedi.

(Oqýshylar óleńderdi oqıdy)
1. Týǵan elim – tirligimniń aıǵaǵy,
Tilim barda aıtylar syr oıdaǵy.
Ósse tilim, men de birge ósemin,
Óshse tilim, men de birge óshemin!
2. Ósirgen oı bilimdi,
Súıem týǵan tilimdi.
Maqsat etem ár sózdiń
Mánin tereń bilýdi.
3. Ana tilim – uranym,
Ana tilim – quralym,
Ana tilim bolmasa,
Myqty bolmas turaǵym.
4. Týǵan tilim – babam tili - óz tilim,
Týǵan tilim – anam tili - óz tilim.
Týǵan tilim – dalam tili - óz tilim,
Týǵan tilim – adam tili - óz tilim.
5. Aqyl - oıyn dananyń
Ana tilden alamyn.
Ana tili ardaqty
Aq sútindeı ananyń.
6. Qazaq tili – qazaqtyń ana tili,
Biraq oǵan adam az bas ıetin.
Qazaq tili – qazaqtyń dara tili,
Keıbireýler túsinbes qasıetin.
7. Súıem óz tilimdi,
Bolamyn bilimdi.
Óz tilim úıreter
Ónerdi, ǵylymdy -
Súıem óz tilimdi
İ júrgizýshi: Osymen qazaq tili men ádebıeti aptalyǵyna arnalǵan saltanatty ashylý rásimi aıaqtaldy. Qurmetti dostar, sender qazaq tili men ádebıeti aptalyǵyna belsendi qatysasyńdar dep senemiz!

İİ júrgizýshi: Aptalyqtyń josparymen aqparat taqtasynan oqyp tanysasyńdar. Barshamyzǵa sáttilik tileımiz!