InfoHub Logo

Taqyryby: «Matematıka – ómir súrý formýlasy» atty ıntellektýaldy oıyny.
Maqsaty: 1) oqýshylardyń matematıka pánine degen qyzyǵýshylyǵyn arttyrý;
2) logıkalyq oılaý qabiletterin anyqtaý, este saqtaý, shapshańdyq, baıqaǵyshtyq qabiletterin damytý;
3) sóıleý mádenıetin qalyptastyrý;
Túri: saıys sabaq.
Sabaqta qoldanylatyn quraldar: mýltımedıalyq ekran, kespe qaǵazdar, túrli - tústi qaǵazdar, markerler, plakat, t. b.
Barysy:
Ǵylym joly birde jeńil, birde qatty,
Aqyl - oılar álemdi arbap aldy.
Matematıka ǵylymdar patshasy atty
Tańyrqatyp, ańyz qylǵan adamzatty.
Keler urpaq danalarǵa uqsap týsa.
Omar - Haıam, Ál - Farabı jolyn qýsa,
Elimniń bolashaǵy gúldenedi,
Ǵylymnyń shamshyraǵy janyp tursa, - deı otyryp, búgingi «Matematıka – ómir súrý formýlasy» atty ıntellektýaldy oıynymyzǵa qosh keldińizder.

Ómir súrý tetigi matematıka formýlasynan qalanǵan,- degendeı ómir de óleń sekildi uzaqtyǵymen ólshenbeıdi, mazmunymen ólshenedi. Demek ómir aǵymy – bizge qoıar talap. Sol sıaqty halyqqa qyzmet eter ǵımarattardy zaman aǵymyna saı ár túrli pishindi turǵyzý da matematıkany qajet etedi. Al bul damyǵan júıe kóńildi jaqsartady, ómirdi jańartady. Sondyqtan da «Matematıka – ómir súrý formýlasy».
Endeshe búgingi oıynymyzǵa qatysatyn oqýshylarymyzben tanystyryp óteıin:
9 «A» klass oqýshylarynan quralǵan «Evklıd» toby,
9 «Á» klass oqýshylarynan quralǵan «Arhımed» toby.

Oıynymyzdyń jospary:
1. Top tanystyrýy. (3mın)
2. «Úshburyshtar áleminde». (5mın+2mın)
3. «Oıymdy jalǵastyr».
4. «Formýlalar syry». (2mın)
5. Gazet shyǵarý. (3mın)
6. Logıkalyq esepter.
7. «Qas qaǵym sát». (3mın)
8. «Kim kóp biledi?».

Oıynshylarymyzdyń bilimin baǵalaıtyn ázilqazy múshelerimen tanystyryp ótsek,
-----------------------
Oıyndy qaı top bastaıtynyn anyqtaý úshin, logıkalyq esep beriledi. Tez ári durys jaýap bergen top oıyndy birinshi bastaıdy.
Esep. Jumadan keıin 17 táýlikten keıin aptanyń qaı kúni sáıkes keledi? Jaýaby: dúısenbi.
1. Top tanystyrýy (3mın). Ózderi tańdap alǵan matematık ǵalymnyń ómirimen, eńbekterimen tanystyrady, top múshelerimen tanystyrady.
2. «Úshburyshtar áleminde» (5mın+2mın). Úshburyshtar taraýy boıynsha biletinderin syzba arqyly aıtyp shyǵý. Syzbany syzý úshin 5mın, aıtyp shyǵýǵa 2mın ýaqyt beriledi.
3. «Oıymdy jalǵastyr». Eki top bir - birine 6 suraqtan qoıady. Durys jaýapqa 10 bal beriledi, qate jaýapqa ekinshi topqa 10 bal qosylady.
4. «Formýlalar syry» (2mın). Berilgen formýlalardy jalǵastyryp jazý kerek. Durys jaýapqa 10 bal, qate jaýap 10 bal shegeriledi.
5. Gazet shyǵarý (3mın). Úı tapsyrmasyna gazet shyǵarý berilgen bolatyn. Shyǵarǵan gazetterin qorǵap shyǵý.
6. Logıkalyq esepter. Uıashyqtaǵy logıkalyq esepterdi top músheleri aqyldasa otyryp sheshedi.
7. «Qas qaǵym sát» (3mın). Berilgen fıgýrada qansha úshburysh bar ekenin anyqtaý.
8. «Kim kóp biledi?» Sany bar maqal aıtý. Ár maqal - 5bal.
9. Ádilqazy múshelerine sóz beriledi.
Jeńimpaz top marapattalady.

Aldyńyzda jaınaǵan júzder áni,
Sizdermen kezdesermiz bizder áli.
Ádil - qazy, kórermen saý turyńdar,
Kútedi bizdi jarqyn kúnder áli, - deı otyryp, «Matematıka – ómir súrý formýlasy» atty ıntellektýaldy oıynymyzdy aıaqtaımyz. Kóńil qoıyp tyńdaǵandaryńyz úshin kóp rahmet!
Saý bolyńyzdar!