InfoHub Logo

Maqsaty:
1. Qazaqstan jerinde ómir súrgen Qarahan memleketiniń áleýmettik
qurylysy, jerge menshik qatynasy, memlekettik ákimshilik qurylysy jóninde baıandaý.
2. Oqýshylardyń tarıhı oqıǵalar jóninde óz kózqarastaryn qalyptastyrýy, túrli tirek - syzbalar, túrli tanymdylyq tapsyrma arqyly oqýshylardyń tarıhı tanymyn keńeıtý, shyǵarmashylyq jumys jasaý qabiletin damytý.
Z. Óz eliniń tarıhyn bilýmen qatar qurmetteýge, ultjandylyqqa tárbıeleý.
Sabaqtyń tıpi: Jańa sabaq.
Sabaqtyń túri: Mýltımedıalyq saıahat sabaq.
Sabaqtyń ádis - tásilderi: Tirek syzbalar arqyly jańa sabaqty
Jańa sabaqty túsindirý, AKT - ny paıdalaný, túrli tanymdylyq tapsyrmalar. Oqýshylardyń izdenis. shyǵarmashylyq jumystarymen
tanysý.
Sabaqtyń kórnekiligi: AKT (aqparattyq kommýnıkatıvtik tehnologıa) tirek -
syzbalary slaıdtar t. b. úlestirme tapsyrmalar.

Sabaq barysy:
İ. Uıymdastyrý.
Oqýshylardyń sabaqqa daıyndyq qadaǵalaý.

İV. Jańa materıaldy úırenýge daıyndyq kezeńi.
Jańa sabaqtyń taqyryby jáne maqsatymen tanysý.
Balalar, búgin sabaǵymyzda biz tarıh álemine sapar shegeıik dep otyrmyz. Sabaǵymyzdyń barysynda biz birneshe aıaldamalarǵa toqtaımyz.
I aıaldamamyz.- Bilim joly.
II aıaldamamyz - Taǵy da ne bilsem...
III aıaldamamyz.- Meniń túsingenim.
İV aıaldamamyz.- Bilgenimmen bólissem dep em...

Endeshe İ aıaldamamyz - Bilim joly.
Bul aıaldamada biz osyǵan deıingi alǵan bilimimizdi pysyqtaıyq.
- Balalar, bárimiz bilemiz Qazaqstan tarıhy negizinen bir - birimen baılanysyp, jalǵasyp jatady.
1. Bıyl biz tarıhtyń qaı kýrsyn ótip jatyrmyz?(Oqýshylardyń jaýaby)
♦ Orta ǵasyrlardaǵy Qazaqstan tarıhy.
2. Orta ǵasyrlar hronologıasyn ataıyq.
♦ Orta ǵasyrlar hronologıasyn VI - XVII ǵ aralyǵy kiredi.
3. Orta ǵasyrlardaǵy Qazaqstan tarıhyn qandaı kezeńderge bólemiz?
♦ İ kezeń - VI - IHǵ.- Qazaqstan tarıhynyń erte ortaǵasyrlyq kezeńi
II kezeń - H - XIV ǵ. Qazaqstannyń damyǵan ortaǵasyrlyq kezeńi
III kezeń - XV - XVİİ ǵ. Birtutas qazaq memleketiniń qurylýy.
4. İ kezeń qandaı oqıǵalarǵa toly?
♦ İ kezeńde Túrik, Batys Túrik, Túrgesh, Qarluq, Oǵyz, Qımaq qaǵanattary ómir súrgen olardyń árqaısysy qoǵamnyń damýyna úles qosty. Olardyń ishki - syrtqy saıasaty, sharýashylyǵy, mádenı jaǵdaıy damydy.
♦ Uly Jibek joly osy memleketter arqyly Balasaǵun, Taraz, Ispıdjab, Otyrar, Túrkistan, Saýran, Syǵanaq t. b.
Bul memleketterdiń otyryqshylyq jáne kóshpeli sharýashylyqtardyń damýyna baılanysty ózine tán ekonomıkasy, turmys tirshiligi, qolóneri qalyptasty.

♦ Osy kezde túrik tili órkendedi. Túrikterdiń tól jazýy - rýna jazýy el arasynda qanat jaıdy. Túrik jazba mádenıeti M: Orhon - Enıseı, Talas ózenderi aralyǵynda tabylǵan mádenı eskertkishter Tonykók, Kúltegin eskertkishteri, «Qorqyt ata» kitaby, «Oǵyznama» sıaqty muralar bizge jetti.
Durys. Endi biz jańa İİ kezeńdegi X – XIV ǵasyrlarda damyǵan orta ǵasyrlarda ómir súrgen Qazaqstan memlekettermen tanysamyz.

Búgin tanysatyn taqyrybymyz: Qarahan memleketi.
1. Qarahan memleketiniń qurylýy.
2. Memlekettiń qoǵamdyq qurylysy.
3. Memlekettiń saıası jaǵdaıy.
4. Sharýashylyǵy.
5. Mádenıet.