InfoHub Logo

Jambyl oblysy, Talas aýdany,
Qyzyl - Áýit aýyly "Baldáýren" bala - baqshasynyń
án - saz páni muǵalimi Alımov Jambyl Ábdimanapuly

Sabaqtyń taqyryby: Memleketti rámizder.
Sabaqtyń maqsaty: Balalarǵa Qazaqstan Respýblıkasynyń Memlekettik rámizderimen tanystyrý. Týdy, Eltańbany jáne Gımndi bir - birinen ajyrata bilýge úıretý. Balalarǵa rámizderdi qurmetteýge, qasterleýge rámizderdi bárinen bıik ustaýǵa, rámizderdiń ár elementterin, bólshekterin ataýlaryn jatqa bilýge tárbıeleý.
Kórnekiligi: Qazaqstan Respýblıkasynyń Memlekettik rámizderi. (Tý, Eltańba jáne Gımn)
Sabaqtyń baılanysy: Til damytý.
Sabaqtyń túri: Tárbıe saǵaty
Sabaqtyń ádis - tásili: Áńgimeleý, óleń joldaryn qaıtalatý, rámizderdi sýret boıynsha tanystyrý, suraq - jaýap t. b.

Sabaqtyń barysy:
Balalardy oqý is - áreketine daıyndaý. Sabaqqa degen zeıinin psıhologıalyq oıyndar arqyly oıatyp, qyzyǵýshylyǵyn arttyrý.
Kirispe:
 Sálemetsińder me balalar! Kóńil kúıimiz qalaı?
 Jazǵy demalysta jaqsy demaldyńdar ma?
 Endi bizder jańa oqý jylyna bizdiń balala baqshaǵa jańadan qosylǵan balalar bar eken, bárimiz tanysyp ta alǵan bolarmyz.
 Balabaqsha senderge unady ma?

Jańa sabaq:
 Balalar biz qandaı memlekette turamyz?
 Árıne Qazaqstan Respýblıkasynda turamyz?
 Bizdiń ultymyz qandaı? Qazaq.
 Biz qaı tilde sóıleımiz? Árıne qazaq tilinde.
 Al, sender bizdiń eldi basqaryp otyrǵan Elbasymyzdyń esimin bilesińder me? Árıne Nursultan Ábishuly Nazarbaev.(Sýretten kórsetý)
 Sender myna sýretterden ne kórip tursyńdar?
 Balalar keıbir jańadan kelgen balalar tanyǵanymen tolyq bilmeýleri múmkin, men senderge tanystyryp óteıin.
 Myna birinshi sýrettegi Qazaqstan Respýblıkasynyń Memlekettik Týy.

Balalar týdyń túsi kók. Kók tús bolýdyń sebebi adam boıyna adaldyq pen tazalyq pen úmit sıaqty qasıetterine sáıkestenýi tegin emes, kók tús árqashan beıbitshiliktiń, tynyshtyq pen jarqyn bolashaqtyń belgisi. Iaǵnı aspanymyz ashyq bolsyn degenniń belgisi eken. Týdyń qaq ortasynda kún men qalyqtaǵan qyran qusymyz jáne oń jaǵynda oıýdyń sýreti bar. Kúnniń bolýy árqashan kúndeı nurymyz jarqyn bolsyn degen nıetpen, dala búrkiti Qazaqstandyqtar uǵymynda darhandyq pen qyraǵylyq, bıiktik pen beınelengen. Týdyń oń jaǵynda oıýdyń beınelenýi bizdiń qazaq ekenimizdi bildiretin qazaqtyń oıý - órnegi beınelengen. Al tústeriniń sary bolýynyń sebebi sary tús molshylyqtyń baılyqtyń belgisi.

 Kelesi sýretten biz Qazaqstan Respýblıkasynyń Memlekettik Eltańbasy.
Qazaqstan Respýblıkasynyń Memlekettik Eltańbasynyń ortasynda eltańbanyi negizi retinde shańyraq beınelengen. Ol eltańbanyń júregi ispettes.
Shańyraq elimizdiń birtutastyǵyn, memlekettik bastaýy, otbasy oshaǵyn beıneleıdi. Eki jaǵyndaǵy qanatty tulpar máńgilik ómir, bolashaqqa úmit artqan sender sıaqty balalardyń armany, samǵaý bıigi.
Shekesindegi bes juldyz memleketimizdiń jarqyn bolashaǵyna jol kórseter juldyzy. Eltańbanyń astynda «Qazaqstan» atty jazý bizdiń qazaq ekenimizdi bildiretin aıyryqsha belgi eken.

Bizdiń rámizderimizdiń biri Qazaqstan Respýblıkasynyń Menlekettik Gımni. Balalar QRM Gımniniń sózin Elbasymyz Nursultan atamyz jáne Jumeken atamyz jazǵan. Áni jazǵan Shámshi atamyz.
Balalar Memlekettik Gımndi qalaı bolsa solaı oryndaýǵa bolmaıdy, ony barlyǵymyz ornymyzdan turyp, oń qolymyzdy júrek keýdemizge qoıyp boıymyzdy tik ustap oryndaý kerek.

Qazaqstan Respýblıkasynyń Memlekettik Gımni.

Sózin jazǵandar: Jumeken Nájimedenov,
Nursultan Nazarbaev.
Ánin jazǵan: Shámshi Qaldaıaqov.

1. Altyn kún aspany,
Altyn dán dalasy,
Erliktiń dastany,
Elime qaraashy!
Ejelden er degen,
Dańqymyz shyqty ǵoı.
Namysyn bermegen,
Qazaǵym myqty ǵoı!

Qaıyrmasy:
Meniń elim, meniń elim,
Gúliń bolyp egilemin,
Jyryń bolyp tógilemin elim!
Týǵan jerim meniń Qazaqstanym!

2. Urpaqqa jol ashqan,
Keń - baıtaq jerim bar.
Birligi jarasqan,
Táýelsiz elim bar,
Qarsy alǵan ýaqytty,
Máńgilik dosyndaı.
Bizdiń el baqytty,
Bizdiń el osyndaı!

Qaıyrmasy:
Meniń elim, meniń elim,
Gúliń bolyp egilemin,
Jyryń bolyp tógilemin elim!
Týǵan jerim meniń Qazaqstanym!

Qorytý:
 Balalar búgingi is - áreketimizde biz Qazaqstan Respýblıkasynyń Memlekettik rámizderi týraly ilim aldyq.
 Káne maǵan kim rámizderdi atap beredi?
 Tý jáne Eltańba jaıynda óleń joldaryn qaıtalatý.
 QR Memlekettik Gımnin oryndaýmen aıaqtalady.

JALAÝ.
Jelbireıdi shalyqtap
Qazaqstan jalaýy.
Kókke qyran qalyqtap,
Qanat qaǵyp barady.

Kók aspanda nurly Kún
Kúlimdeıdi dalama.
Baqyt tilep tur búgin
Ol barlyq pák balaǵa.

Ulttyq órnek muramyz
Adastyrmas murattaı.
Nyq kóterip turamyz
Jalaýdy biz qulatpaı!

ELTAŃBA
Beınelep san ǵasyrdy
Eltańbasy elimniń,
Taratady has úlgi
Kıesindeı jerimniń.

Babam tulpar jaratty,
Qulynynda tanyp - aq.
Tulpar barda qanatty,
Shaıqalmaıdy shańyraq.

Táýelsizdik kórki ol da,
Órkenıet órinde.
Nur tógedi ELTAŃBA
Aq ordanyń tórinde.
Qoshtasý: Oqý is - áreketine belsendi qatysqan balalardy aýyzsha baǵalaý. Qosh saý, bolyńdar!